Koj ua dabtsi thaum uas pib ib hnub tshiab? Koj puas tseg sijhawm nyob ntsiag to hauv Vajtswv ko taw, nrog Vajtswv sib tham thiab xav txog Vajtswv txojlus? Los yog koj yuav maj nroos rau koj tej haujlwm thiab tsis tshuav sijhawm pub rau Vajtswv? Tseeb tiag, yeej tsis muaj dabtsi tseem ceeb npaum li peb txoj kev nrog Vajtswv sib tham ua ke. Txawm yog tsuas yog ib pliag xwb los, qhov uas peb nres thiab tig mus rau ntawm Vajtswv yuav coj txoj kev sib txawv loj heev pub rau peb ib hnub.
Hnub no, yog hnub 09/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bruce Swaffield dhau ntawm Zaj kawm XUB NRHIAV VAJTSWV UA NTEJ.
“Tiamsis nej yuav tsum xub nrhiav Vajtswv lub Tebchaws thiab ua raws li Vajtswv lub siab nyiam tso, Vajtswv mam muab tej no ntxiv rau nej” (Mathais 6:33).
Peb lub meej mom nyob rau hauv lub ntiajteb no tsis tseem ceeb npaum li peb lub meej mom nyob hauv Vajtswv lub qhov muag. Tseeb tiag, peb nyob qhov twg ua dabtsi kuj tsis tseem ceeb, tsuav yog peb tab tom ua txojhaujlwm uas Vajtswv hu peb ua xwb. Qhov teeb meem tshwm tuaj thaum uas peb siv zog ua kom haum peb tej phooj ywg tej neeg txheeb ze siab dua li uas peb ua haum Vajtswv siab.
Peb txhua tus, txawm yog cov ntseeg Vajtswv los, puav leej xav ntaus nqi rau lwm tus dhau los ntawm lawv tus kheej, dhau los ntawm tej uas peb xav thiab peb ntsia pom. Peb ib leeg ntaus nqi rau ib leeg los ntawm tej uas peb ntsib dhau thiab peb tus kheej txoj kev xav, tsis yog los ntawm Vajtswv lub qhov muag dawbhuv thiab Vajtswv txoj kev ncaj ncees. Ntau zaug peb kuj tseem pheej txiav txim rau lwm tus los ntawm tej nyuag lus xaiv, tej uas tus kheej ntsib dhau thiab tej kev xav tsis ua tib zoo xav- txawm yog paub tias tej no nws yooj yim dag ntxias tau peb.
Tswv Yexus nkag siab zoo txog tej kev sim siab, tej kev dag ntxias thiab peb tej kev txhaum uas peb yuav tau ntsib. Yog ib tug neeg zoo kawg nkaus, Tswv Yexus kuj ntsib dhau txoj kev xav thiab ntsib tej lub caijnyoog zoo tib yam li peb txhua tus. Tiamsis Tswv Yexus txawv peb ib qhov, Tswv Yexus kov yeej tib neeg tus cwjpwm thiab tau Vaj Ntsujplig ua tus coj kev.
Thaum uas ua raws li Vaj Ntsujplig ua tus coj kev peb tsis muaj ib zaum twg yuam kev. Nyob hauv Vajtswv txhais tes, peb tau txais yuav thiab nrhiav pom qhov muaj nqis rau tus kheej. Yeej tsis muaj ib yam dabtsi, txawm yog tej kev xav lossis tej qhov txhab uas tob tshaj plaws, tej zaug nws yuav tav peb txoj kev sib raug zoo ua ke nrog Vaj Leej Txiv. Vajtswv nqua hu kom peb zam txim rau tus uas txiav txim rau peb, txais yuav tus uas tsis txais yuav peb, thiab hlub tus uas tsis txais tos peb. Tswv Yexus taw txoj kev rau peb yuav taug nyob hauv txhua qhov teeb meem. Nws yog qhov kaj coj peb kev. Peb yog cov neeg uas xyaum raws li nws.
Txhua tag kis sawv ntxov, peb sawv ntawm ob txoj kev xaiv: nrog tus Tswv mus los ntawm lub siab tso siab lug, lossis cia tus kheej raug nqus rau hauv tej kev txhawj thiab haujlwm. Txawm yog thaum uas peb sawv tsees los xwb los lub neej yuav coj peb mus txog rau ntawm tej kev txhawj, kev ntshai, kev sim siab. Tiamsis Vajtswv coj peb mus txog rau ntawm txoj kev kaj siab, kev txhawb zog, lub zog thiab kev ntseeg. Peb txoj kev xaiv saib yuav txiav txim tias ib hnub ntawd nws yuav zoo li cas, txog rau thaum tsaus ntuj peb mam rov qab tau so dua.
Peb yuav tau qhib siab kom Vajtswv coj txhua kaujruam rau hauv ib hnub tshiab. Peb lub hlwb thiab lub siab yuav tau tig mus rau ntawm Vajtswv, mloog Vajtswv lub suab hu, thiab mus raws li nws qhov pom kev. Peb yuav tau siv zog nrhiav Vajtswv, hla dhau tej haujlwm ntau hauv lub neej kom nrhiav tau txoj kev kaj siab hauv Vajtswv.
Tseg sijhawm pub rau Vajtswv txhua hnub yuav yog ib txoj kev cog lus tsim nyog xyaum thiab tswj tus kheej tsis so. Vim lub neej no puv npo tej kev sim siab haub ntxias kom peb khiav deb Vajtswv – thiab “tsis muaj sijhawm” yog qhov uas peb siv los hais daws rau peb txoj kev tub nkeeg. Peb pheej hais tias tsis khoom thov Vajtswv, tsis khoom kawm Vajtswv tej lus, muaj phooj ywg teem yuav sib ntsib, muaj tej haujlwm tso tsis tau. Tiamsis tseeb tiag, yeej tsis muaj dabtsi tseem ceeb npaum li qhov uas tseg sijhawm nrog Vajtswv sib tham ua ke. Vim yeej tsis muaj leej twg paub tias taig kis yuav zoo li cas.
Thaum pib dua ib hnub tshiab nyob hauv Vajtswv, Vajtswv yuav nthuav tawm txoj kev thiab lub homphiaj tseg rau peb. Vajtswv yuav pub rau peb kom peb muaj kev kaj siab thiab tso siab lug uas peb tus ntsujplig niaj hnub ntshaw kom tau Vajtswv. Vajtswv yuav coj peb mus yog kev, vim Vajtswv paub tej uas tab tom tos peb tom hauv ntej. Ntseeg Vajtswv txhais tias cia Vajtswv ua tus coj peb txhua txoj hau kev, kom txhua hnub peb ua neej raws li Vajtswv lub siab nyiam. Pauv qhov uas peb khiav raws li tej kev xav lossis lub homphiaj ntawm tus kheej, cia li xaiv nrog Nws mus ua ke.
Thov caw nrog kuv peb thov Vajtswv ua ke:
Tus Tswv, thaum pib dua ib hnub tshiab, kuv thov tig kuv lub siab los rau ntawm Koj. Thov pab tshem tag nrho lub nra nyhav uas tseem khuam kuv, tej kev tab kaum hauv lub neej txhua hnub uas tab tom tav kom tsis pub kuv los nyob ze koj, thov Vajtswv koj txhawb kuv thiab coj kuv kev nyob rau hauv hnub tshiab no, kom txhua kaujruam kuv mus puav leej puv npo qhov kaj, thiab kuv txoj kev txiav txim siab puav leej nthuav tawm Vajtswv koj lub siab nyiam. Kuv thov hauv Tswv Yexus Khetos lub npe. Amees.
Cov kwv tij txhua tus, txhua hnub tshiab yog ib lub sijhawm zoo rau peb muaj sia ua neej nyob, kom peb hlub thiab ua haujlwm raws li Vajtswv lub homphiaj zoo kawg nkaus uas Vajtswv npaj tseg rau peb. Txhob cia tej kev txhawj txhua hnub hauv lub neej no ua rau peb ua poob txoj koob hmoov ib txhis yog tau nrog Tswv Yexus sib tham ua ke txhua hnub. Txij hnub no mus cog lus tseg lub sijhawm thawj hnub tshiab pub rau Vajtswv, muab txhua yam tso rau Vajtswv ua ntej. Ntseeg tias koj yuav ntsia pom qhov sib txawv thiab txhua hnub koj yuav ua lub neej yog ib hnub tshiab muaj nqis nyob rau hauv Leej Txiv ua tus coj kev.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply