La kọn sau Yang, bŏl he geh ai pà dô nơm sre bri màng ryŭ dờng, dô gơnoăr broă đah hwing: Bơtô Yăl Jơnau Niam tus kòp bă tiah hơđăng plai ù do. Kơnrẵn hòi sac bŏl he tus mo ală blàng tiah Bơtô yăl bơkah lơngồt, tiah bŏl he rơp Bơtô yăl sơnđăn Kơnrẵn mơ tomgơl ală jơi bơtian bơh gar bơta dòn di. Gen, ơm diđap sre bri màng ryŭ hơ̆, bŏl he rơp lơh mbe lơi?
Ngai do, ngai 12/08/2024, bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Gordon Robertson dê bơh Tơnggume DÒP LENG SRE BRI YANG AI.
“Ơ mpồl dềt, bañ rngòt, bơh Bèp bol mê niam nùs ai bol mê in lơgar.” (Luka 12:32)
Yang hòi sac bŏl he Bơtô yăl sơnđăn Kơnrẵn tus kòp bă tiah hơđăng plai ù do-kop làng bŏl, kòp dà lơgar, kòp ală jơnau. Hơ̆ la sre bri kas màng ngăn Kơnrẵn ai pà bŏl he ĭn-kọn koñ gơboh Kơnrẵn di.
Yang pò diđap mat bŏl he ală Ƀlàng sre niam ngăn, tiah Kơnrẵn hòi sac bŏl he wàs tĕ. Digơlan tiah hơ̆ ngài ngăn mơya kŭng rơp ơm rềp diđap mat ngăn. Ò di mìng behơ̆ lơm ò, Kơnrẵn găm tề lăm bŏl he tùc tăm rang gơlik gơs cồng nha oă. Tŭ bŏl he jòi jat Yang, Kơnrẵn rơp rcang ală phăn mơ bơta chài rgơi nàng bŏl he chài rgơi lơh tềng rềng dờng ơnang tus rài pơnjat tơnơ̆.
Mơya, bŏl he òs mòng lòi bơta rngòt rngơt, kơlôi rcang lơh he ĭn gơplơ̆ nùs. Tŭ làng bŏl Israel ò khin tus pit ai Tiah Yang Ho ai, Josue pơndom pơniang bŏl khai lah:
“Mìng bañ tòmdră mơ Yàng Jehôwa, mơ bañ rngòt di làng bol tòm lơgar hơ̆, tài bơh bol he rơp sa loan bol khai, …. Bañ rngòt di bol khai.” (Khà Làng Bol 14:9)
Josue neh chồl bơtrùt làng bŏl kơ̆ nùs cơnoa lòt jat hơđăng jơnau hơ pơgon Yang di.
Yang Tom Trồ nền cê mơ bŏl he :
“Añ rơp đơs jơnau lơi Añ đơs, mơ jơnau hơ̆ rơp gơlik gơs di ngan,” (Ejekiel 12:25)
Ală broă bŏl he păl càng lơh la dòn kơnòm mơ dòn bơr Jơnau Yang.
Be Cau Gơnoăr Bơtô dờng ồng Pol neh cih tom II Tesalonica 1:11,
“Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê,”
Bŏl he ò di păl bơh ală bơta nđàc Yang ai pà, mơya să tom Kơnrẵn neh ai bŏl he ĭn pơnah di păl! Broă lơh do neh geh lơh wil tơl hơđăng chi pơng. Jơnau Yang chồl tơngkah tai bŏl he:
“…mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,”
Nùs kơp kỡn niam Yang di la lơh wil tơl bơta rơndăp tap sèng Kơnrẵn di bơh bŏl he, mơ Kơnrẵn ai gơnap gơnoar nàng bŏl he lơh wil tơl broă lơh bơta dòn dê,
Kŭng Be Epheso 3: 20, neh cih:
“Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,”
Tŭ bŏl he ơn tŭ jơ nàng hòi dăn, jọng ro mơ duh khoai, đah hwing gơwèt tus hơ bơta niam ngăn Yang di, bŏl he rơp lơh wil tơl ală broă dờng Kơnrẵn ĭn. Yang Jesu neh ho mơ bŏl he tom Jang 7: 37-38
“Dilah cau lơi tơhìr, tus tĕ hơ Añ mơ hùc. Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs.”
Yang găm hòi sac bŏl he duh broă Yang mbe lơi? Hòi dăn tĕ nàng jòi jat nùs koñ Yang mơ dòp leng gơnoăr broă Yang jào he ĭn, mơ jà Kơnrẵn lơh broă tom rài kis he. Băñ dơh wơl tom broă iat kơno, mơ lơh jat tĕ ală jơnau Yang hòi sac he. Cơnòa mut tĕ tom bơta niam hang mơnĕ wil tơl, mơ nùs koñ nđàc Kơnrẵn neh rcang lài bŏl he ĭn -Ală broă dờng bơta dòn di mơ gơnap gơnoăr tài bơh Kơnrẵn la Bơtau ai pà bŏl he ĭn sre bri dờng. Kung be Yang Jesu la Bơtau Dong klàs neh hơ mơ bŏl he:
“Ơ mpồl dềt, bañ rngòt, bơh Bèp bol mê niam nùs ai bol mê in lơgar.” (Luka 12:32)
Dan jà bol he dô nùs bal tòm bơta hòi dan:
Khoai Yang, kọn tus diđap sơgơn Bơtau Bơta nđàc Kơnrẵn di bơh nùs ưnngai ngăn tài bơh sre bri Bơtau Krist neh lòi wơl bŏl kọn ĭn. Dăn Yang sòl pơnđăng nàng kọn dòp git ală tŭ lơmpah Kơnrẵn neh rcang kọn ĭn, nàng duh broă mơ koñ gơboh cau ndai. Dăn Yang gơlik gơs gơnoăr pràn mơ gơnap gơnoăr kọn di, nàng kọn rơp tom pà wơl bơta lơngai Yang di, rsih gar Jơnau Niam tus kòp bă tiah kọn neh jă jơng tus. Kọn jơh nùs họi dăn, Kọn ai sơnđăn Yang Jesu Krist, Amen.
Ơ ală ồng Mò ọh mi koñ gơboh, tom gơl tĕ gơnoăr broă Yang jào gơlik gơs broă lơh ngăn. Ală blàng sre bơkah lơngồt neh tus di ngai tòes gơ. Kòp koñ kòp ngai bŏl he kis hơđăng ù do la dô ngai rsih dô nơm gar Jơnau Niam, nàng bơta koñ gơboh mơ jơnau sŏng Bèp hơđăng trồ geh ràng tơlik kòp bă tiah, jơl tus lồi dut plai ù di. Dô nùs dô bă băl dòp leng sre bri dờng Yang ai pà bŏl he ĭn, mơ bơt bơtào sre bri hơ̆ sơlơ ngai sơlơ gơbơtơl oă, mơ lơh gơklŏ àng sơnđăn Yang.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply