Nej puas raug lwm tus nug tej lo lú snug li no tias “Twb laus li no lawm los tseem….?” “Thaum no tseem tsis tau ….!” Txhua zaug zoo li no, peb hnov tub qaug, tiamsis koj puas paub, peb txhua tus lub neej puav leej nyob hauv Vajtswv txhais tes tswj, nyob rau lub sijhawm twg los Vajtswv yog tus ua haujlwm hauv peb txhua tus lub neej .
Hnub no, yog hnub 12/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Mikayla Barnes dhau ntawm Zaj kawm VAJTSWV TUS TUAV LUB SIJHAWM.
“Tiamsis lawv yuav ntshai heev, rau qhov Vajtswv yeej nyob nrog nraim cov neeg uas mloog nws Ius. Cov neeg ua phem ua qias rhuav cov neeg uas txo hwjchim tej homphiaj, tiamsis tus Tswv yog tus uas tsomkwm cov txo hwjchim.” (Ntawv Nkauj 13:5-6).
Puas tau muaj zaum twg koj cim civ nug koj tus kheej tias, “Kuv tseem yuav tshuav luag nqi mus txog thaum twg thiab?” Lossis, “Kuv tseem yuav tos tus neeg ko mus txog thaum twg?” Los yog, “thaum twg Vajtswv mam teb kuv tejlus thov?” Ntau zaug peb pom tias twb tos mus txog qib uas tag kev cia siab lawm, vim peb hloov tsis tau lub sijhawm, peb yeej ua tsis tau kom sijhawm khiav ceev lossis khiav kom qeeb zog. Tiamsis sijhawm yog sijhawm. Txawm yog peb yuav siv zog npaum cas los peb yuav tau ua raws li txoj kevcai ntawd.
Tomqab kawm tas trung học, kuv tsis mus kawm ntawv qib siab kiag li lwm tus. Kuv xaiv nyob hauv tsev, nrhiav ib txoj haujlwm, nrog Pawg Ntseeg pehawm, thiab pib lub neej zoo li ib tus tiav hluas. Thaum kuv muaj 21 xyoo, Vajtswv hu kom kuv rov qab mus kawm ntawv, ntawm no yog lub sijhawm uas kuv yuav tau ua neej nrog kuv lub caijnyoog, nyob hauv txoj kev ywj siab. Kuv txav chaw mus nyob hauv tsev kawm ntawv, nyob hauv, txhua tus puav leej yau dua kuv peb txog plaub xyoos.
Kuv xav kom muaj ib tsev neeg rau kuv tus kheej, txawm yog kuv tseem hluas heev, nyuam qhuav muaj 22 xyoos xwb, kuv twb xav tau los ua ib tug niam tsev. Tiamsis, kuv nyuam qhuav txav chaw mus rau lwm qhov, nrog cov kawm nyuam qhuav kawm ntawv tas. Ntsia mus saib kuv tej phoojywg uas lawv twb kawm ntawv tag, zaum no pib muaj txij muaj nkawm. Kuv nco muaj ib zaug kuv hnov tu siab thiab quaj rau Vajtswv tias. “Tus Tswv, kuv poob qis heev nrog kuv cov phoojywg lawm. Kuv yuav cia li saib kuv tej phoojywg ib tug zuj zug nyias npaj tiav nyias lub neej xwb lov? Kuv yuav tos mus txog thaum twg kuv mam muaj txij nkawm xws li luag os kuv tus Vajtswv?
Nyob hauv Ntawv Nkauj 13, Daviv nug tus Tswv tias: “Tus Tswv koj yuav tsis nco qab kuv mus txog hnub twg? Mus ibtxhis li los? Koj tseem yuav khiav kuv mus txog thaum twg? (Ntawv Nkauj 13:1).
Tiamsis yam uas Daviv hais rau Vajtswv nyob tom qab ob peb nqe lus no ua rau kuv ceev faj txog. Yawg hais: “Tiamsis lawv yuav ntshai heev, rau qhov Vajtswv yeej nyob nrog nraim cov neeg uas mloog nws Ius. Cov neeg ua phem ua qias rhuav cov neeg uas txo hwjchim tej homphiaj, tiamsis tus Tswv yog tus uas tsomkwm cov txo hwjchim (Ntawv Nkauj 13:5-6).
Daviv nug tus Tswv tias: “Txog thaum twg”. Kuv pom hais tias peb pheej ntshai thaum uas hais txog lub caijnyoog tau muab pauv los ua sijhawm, tiamsis peb ho tsis thov Vajtswv lossis ntseeg Vajtswv txoj kev ua siab ntev” ib yam li Daviv tau ua. Tomqab thov Vajtswv peb hlis, thaum kawg kuv tau mloog Vajtswv lus. Kuv ntseeg Vajtswv yuav pub yam uas kuv ntshaw rau kuv, thiab kuv kuj ntseeg tias Vajtswv yuav ua tiav kuv txoj kev ntshaw. Sijhawm tsis yog teeb meem, rau qhov Vajtswv loj dua sijhawm, Vajtswv paub tom qab plaub hlis thov Vajtswv, kuv yuav ntsib ib tug tub hluas hlub Vajtswv, nws yuav yuav kuv rau lub caij ntuj sov xyoo ntawd, thiab kuv yuav sib yuav tom qab 2 xyoo kuv nug Vajtswv “txog thaum twg thiab”. Nyob rau lub sijhawm no, wb twb sib ntsib tau plaub xyoos lawm, thiab lub sijhawm uas kuv tos ntawd nws mus sai zoo li ib nthwv cua xwb.
Thaum peb muaj lub siab ntseeg tos Vajtswv, hu nkauj qhuas Nws ib yam li Daviv, ces sijhawm tsis yog teeb meem vim Vajtswv loj dua. Vajtswv paub koj ua ntej uas koj xeeb hauv niam plab.
“Thaum koj tseem tsis tau xeeb rau hauv koj niam plab, kuv twb xaiv koj thiab thaum tsis tau yug koj , kuv twb tsa koj ua tug cev Vajtswv lus rau txhua haivneeg lawm. (Yelemis 1:5).
Vajtswv npaj ib lub homphiaj rau koj lub neej, pub rau koj muaj tej kev ntshaw. Txawm yog hnub no koj yuav tab tom tos los nco ntsoov tias Vajtswv ntsia pom daim duab hauv koj lub neej. Vajtswv ntsia pom koj thaum koj tawm hauv txoj kev txomnyem, thiab thaum ib tug neeg twg ntawd tshwm hauv koj lub neej, Vajtswv kuj hnov zoo siab thaum paub tias peb tej lus thov tau Vajtswv teb!
Thov caw nrog kuv peb thov Vajtswv ua ke:
Tus Tswv kuv pom kuv me kawg thaum uas paub tias koj yog tus tuav lub sijhawm thiab tuav peb lub neej. Thov Vajtswv zam txim vim muaj ntau zaug peb tsis ntseeg tias koj muaj lub homphiaj zoo rau peb lub neej. Thov Vajtswv pab kom peb lub qhov muag yuav tig mus rau ntawm koj los ntawm lub siab mloog lus thiab tos thaum uas koj kom peb tos. Kuv thov hauv Tswv Yexus Khetos lub npe. Amees.
Cov kwv tij, puas muaj qhov teeb meem twg uas koj tab tom ntsib cuag li nws nyhav tshaj koj lub zog? Puas muaj yam dabtsi koj twb tos ntau xyoo tiamsis tsis hnov Vajtswv teb? Thaum uas tos Vajtswv, pauv qhov uas tag kev cia siab, saib ntsoov rau Vajtswv, Vajtswv yog tus loj dua lub sijhawm thiab peb tej teeb meem, kuj yuav tau xaiv ntseeg Vajtswv txoj kev zoo ib yam li uas Daviv tau ua.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply