03.10 Bơta Hòi Dan Kòp Ngai: PHA LIN BƠTA RNGOT-RNGƠT MƠ JƠNAU YÀNG

Ală bơta jê sồt tơm rài yau buôn lơi wơl ală bơta kah kơlôi mơ bơta rngòt-rngơt bol he in tòm rài tơnơ̆, lơh bol he in dơr-cùl mơ ò rgơi pha lin tòm rài kis. Mìng bơh gơnap-gơnoăr Yàng dê, bol he rgơi lot găn mơ git lam bơta khat gơboh. Bơta dờng mang ting do hơ̆ la nus nhờm bol he di mƀe lơi tòm kờp dơ̆ ntao di đăp bơta rngòt-rngơt?

Ngai do, ngai 03/10/2024, tơnggu bơta hòi dăn kờp ngai dan ja ồng mò oh mi dô nùs băl kơlôi sơnờng jơnau Yàng băl mơ cau cih Lina Johnson găn tơnggu mê PHA LIN BƠTA RNGOT-RNGƠT MƠ JƠNAU YÀNG.

“Bol mê rơp git jonau song, mơ jonau song rơp hồ-toh bol mê.’’(Jang 8: 23)

Tòm dô dơ̆ lòt tus hơ cau lơh sề mơ kol bơtat-bơtrơh, añ neh gơs dô bơta bassil gơ wèt mơ cau gơnoăr sơnơm mơ rngòt-rngơt tòm tŭ pal tìp mơ bol khai. Ò di mìng behơ̆ lơm, tòm tŭ kơno cau lơi hơ̆ rngà-driau, añ rơp pồn is să he, gơlơh be jê sồt tom poàc să. Bơta dô neh gơlik gơs jŏ jong tom oă sơnăm. Jơl tùs dê dô ngài nê, añ đơs mơ să tòm he lah, “ Tơl rau!”. Tŭ hơ̆ añ găm nggùi tòm ơdŭ kham cau gơnoăr sơnơm dê. Kòn klau añ băl mơ cau lơh sơnơm lòt hơ bơdih nàng chup X-Quang. Bulah ò di la cau kòp, mơya añ nggùi tìng hơ̆ bơh nùs rngòt-rngơt oă ngăn, ò tơl pràn bơh broă yau găm lơh añ ĭn kơlô kah. Tŭ hơ̆ mơ añ neh pơyoa jơnau cih mơ dô ềt nă cau bơyô, lùp bol khai git sèng Sră Goh lơi dŏng añ lòt găn bơta sơr-naràng tơnơ̆ mơ bơta neh gơlik gơs dô sơl?

Ồng mò oh mi gŏ sơl, añ neh găn di bơta bơtô sơnio, neh toh bol khai in, mơya añ git he păl càng bơta sơm bời Yàng dê. Añ càng geh khat gơboh. Añ càng Sră Goh – la jơnau Yàng dê. Ală cau bơyô añ jê tơnơ̆ hơ̆ neh pơyoa wơl jơnau cih añ in, pơyoa ală sèng Sră Goh chồl bơ-trồt añ. Dô nă bơyô neh pơyoa añ ĭn sră Rôma 8. Añ nggui tìng hơ̆, mơ sền tòm điện thoại mơ sền Jơh tap. Añ kơlôi,“ Ñchi broă hơ̆ taih? Dô la pơnah sră goh đơs bơh broă geh hồ-toh lik klas bơh tồi glài!” Bulah be hơ̆, añ dòn di bơyô dô, añ hòi dan mơ kừ pơnjat sền wih,sền wơl tap sră goh hơ̆. Kờp dơ̆ añ sền, dô yô gàr mat añ sờlơ geh gơ pờ tơlik. Yàng ò di ming kờñ añ geh hồ-toh bơh ală tồi glài añ neh tìs, mơya Kơnràñ kŭng găm kờñ añ geh hồ-toh bơh ală tồi glài mơ cau ndai neh tìs mơ añ. Kơnràñ kŭng kơñ bơta hơ̆ tùs mơ ồng mò oh mi sơl. Sền tĕ sră Rôma 8: 5-6: “Bơh cau kis jăt poăc să, gen kơlôi wèt ală bơta đah poăc să, ai cau kis jăt Yàng Hwềng gen kơlôi wèt ală bơta đah Yàng Hwềng. Mơ tai, bơta kơlôi wèt đah poăc să la bơta chơt, ai bơta kơ-lôi wèt đah Yang Hwêng la bơ-ta kis mơ bơta lơngăp – lơngai.”

Tơm ryàs bơta tồi glài dê kơñ añ prap wơl bơta jề sồt hơ̆. Gơ kơñ ăt bồ añ. Mơya tŭ añ ràc dan mơ Yàng ai ală bơta kah kơlôi mơ bota jề-sồt hơ̆ in pal lik tơnơ̆ añ, mơ dan Hwềng Yàng dê sơm bời bồ dơngoh añ mơ bơta kìs mơ rìng lơngai, gen Kơnràñ neh lơh!

Nàng pha lin bơta rngòt-rngơt, añ pal càn tus mơ jơnau Yàng, sền wih, sền wơl, kơlôi sơnờng jơnau hơ̆. Añ sơntờm ăt cèng Sră Goh rhền kờp dơ̆ añ tìp cau gơnoăr sơnơm. Tòm tŭ gơlơh añ rngòt, añ sền wơl sră Rôma 8. Dilah tip dùl hal bàr sèng Sră Goh gơlơh pràn tòm bồ dơngoh añ, añ sền wih sền wơl jơl tùs di tŭ añ sền gŏ bơta rìng lơngai. Ò băt tơnơ̆ hơ̆, añ ò gam cèng Sră Goh tai, bơh añ git he neh bơtê kah jơnau Yàng, ò di mìng kah tòm bồ dơngoh lơm mơ kung kah prap tòm nùs sơl, lah añ neh geh khat gơboh! Bơta nrơt nrơl mơ rngòt rngơt neh roh! Jơnau Yàng neh tòm gơl añ, bơh Sră Goh tòm Jang 8:32 neh cih:
“Bol mê rờp git jơnau-song, mơ jơnau-song rờp hồ-toh bol mê.”

Añ neh geh khat gơboh tòm tŭ dờp git ngan bơta do, mơ tŭ do añ neh wờng ală bơta mơ sră goh neh cih tom Rôma 8: 38-39:
“Bơh añ dòn nền ngan lah bulah bơta chơt, hala bơta kis, hala ală cau gơnrơh, hala ală gơnoăr at-bồ, ală bơta tŭ do hala ală bơta rờp tus, hala ală gơnap-gơnoăr, đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tom Yàng Jesu Krist la Yàng bol he dê.”

Dilah ồng mò oh mi gam tom bơta jề-sồt hala rngòt-rngơt, sền mơ kơlồi sơnờng tĕ jơnau Yàng tom sră Rôma 8. Hoi dan tĕ mơ Yàng tề lam ồng mò oh mi ală jơnau hơ lơi mơ ong mo oh mi càng sơm-bat nang dơp geh bơta khat gơ boh.

Dan jà bol he dô nùs bal tòm bơta hòi dan:
Ơ Yàng, cau sò tơm sùm kòñ at- prap rai kis kòn mơ ală bơta rngòt-rngơt mơ jề-sồt, mơya kòn sùm dòn kơnòm dê gơnap-goăr tom Jơnau Kơnràñ, kòn rơp geh sơm bời mơ khat gơboh bơh ală broă kol -kơt bơh yau dê. Dan Yàng dong kòn git kòñ gơboh dê jơnau Yàng mơ git lam bơta tom gơl krơi is tŭ kòn kis jat jơnau hơ̆. Kòn jơh nùs hoi dan, tòm sơnđan Yàng Jesu Krist, Amen.

Ơ ală ồng mò oh mi kòñ gơboh, bơta rngòt-rngơt rờp sùm golik gơs tom rai kis bol he dê, mơya hơ̆ ò dê la tơnggu lơh bol he in dơr-cùl bơh git Bơtau ơm tơm bol he la dờng rlau mơ jơh ală bơta tơm dunnia do. Gơs bơta rngòt- rngơt lơi tus mơ lơh ồng mò oh mi in ò sền gŏ bơta dong tă Yàng dê sơl? Joi jat tĕ Yàng mơ gơn kơnòm tơm jơnau Kơnràñ tơm ală bơta rngò-rngơt ong mò oh mi dê, sùm kah tĕ lah ò gơs bơta lơi rgơi cah is bơh bơta kòñ gơboh Yàng dê ai bol he in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.