Noel là dô kơnhai wer dờng màng, la tŭ lơmpah nàng ală cau dòn jat Yang kòp bă tiah hơđăng plai ù do geh tơngkah bơh gơnoăr broă bơtô yăl sơnđăn Kơnrẵn di tus ală cau. Behơ̆ gen, sơnđăn Yang Dŏng Klàs Jesu, Bơtau neh lik ling gơs gơtha mbe lơi tom rài kis kòp nă bŏl he, mơ sơnđăn Yang gơs gơtha mbe lơi tus ală cau di gen bŏl he rơp yăl tơnggit bơh Kơnrẵn?
Ngai do, ngai 16/12/2024 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Gordon Robertson dê bơh Tơnggume SƠNĐĂN YANG JESU KRIST
“Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.” (Mathiơ 1:21)
Tom ngai Noel năm do, ăñ koñ pơyoa jơnau tơnggit ală cau bơh ñchi nàng gơs ngai wer do. Mơ jơnau ho wơl hơ̆ lah Yang Jesu – bơta lik ling krơi is Bơtau Dŏng Klàs bŏl he di. Ò di tom gơlăng bơtau niăm hang mơnĕ, mơ Yang Jesu neh lik ling dô bă tiah tơ’ai lah ò gơs tiah Kơnrẵn ĭn – bŏng ñhơt dềt rhền. Kơnrẵn tĭh dờng tom dô hiu nhă lơh broă jơng tê mơ kis dô rài kis ndrom be ală cau tom bŏl he, be ăñ mơ he. Bơta pha is hơ̆ lah Kơnrẵn neh kis dô rài kis wil tơl ò gơs bơta tìs glài. Mơya gen, Yang Jesu neh chơt ala tồi glài jơh tơl nă bŏl he. Ò di pơndơh tềng hơ̆ – Kơnrẵn neh kis wơl bơh ƀơtô ƀồc. Ngai do, Yang Jesu găm nggùi di gah ma Yang Tom Trồ. Mơ Kơnrẵn găm lơh bơta lơi taih? Kơnrẵn găm họi dăn bi mơ ăñ ĭn.
Tài bơh hơ̆, kơnhai Noel do, bŏl he kơlôi sơnơng tĕ bơh ală sơnđăn Yang Jesu di. Do la dô nơm sơnđăn Kơnrẵn di mơ ăñ koñ gơboh rlau jơh, kŭng be tom Mathiơ 1:21 gơs cih lah: “Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”
Sơnđăn Jesu, cih jat jơnau Hebrơ la Yeshua, gơtha la “Bơta Dŏng Klàs”. Be jơnau Sră Goh đơs lah, Yang rơp dŏng làng bŏl klàs bơh tồi glài.
Ala mat jơh tơl nă tom hiu nhă CBN, dăn pơyoa jơnau Hòn chò Noel tus jơh tơl nă cau. Tom tŭ hòn chò Noel, dăn kòp nă cau băñ tŭ lơi hŭi jơnau gơtha sơnđăn Yang Jesu di. Kơnrẵn tus tom dunnia nàng dŏng klàs làng bŏl lik bơh tồi glài.
Tom Ma-thi-ơ 1:21 cih lah: Dô nă cau gơnrơh Yang di neh đơs mơ Jôsep lah “Khai rơp deh dô nă kon klau, mê tơmoh sơnđăn tĕ Kơnrẵn la JESU, bơh Kơnrẵn rơp dŏng làng bŏl Kơnrẵn dê klàs bơh tồi glài.” Sơnđăn Yang krơi is ngăn! Mơ bŏl he geh bơta nđàc kah kirsơnre bơta lik ling Kơnrẵn di.
Bulah he ngai do găm lơh bơta lơi, Lòi tĕ tŭ jơ kơlôi sơnơng bơh phăn bàn krơi is gen Yang Tom Trồ neh ai pà bŏl he ĭn – Kọn Dul Kơnrẵn di mơ bơh sơnđăn kwơ màng Kọn hơ̆ di: JESU-BƠTAU DONG DŎNG KLÀS.
Dăn Yang dŏng he lòt găn bơta tơlik mat Kơnrẵn di tom ngai do mơ ală ngai rơp tus. Dăn pơyoa jơnau còp să tus he mơ ală cau koñ gơboh he di dô kơnhai Noel lơngap lơngai. Bŏl he hòn chò ngăn tài bơh he la dô pơnah băl tom hiu nhă CBN – Oneway bŏl he.
Hòn chò Yang Lik ling!
Dan jà bol he dô nùs bal tòm bơta hòi dan:
Khoai Yang Jesu koñ gơboh, Kọn Ưnngai Yang tài bơh bơta lik ling Kơnrẵn di. Kọn Ưnngai Yang tài bơh sơnđăn Jesu gơs bơta dŏng klàs. Kọn Ưnngai Yang tài bơh ală bơta Kơnrẵn neh lơh Kọn ĭn geh crơng gơs pa, geh lơh kon Kơnrẵn di, mơ ơm tom hiu nhă Kơnrẵn di. Ưnngai Yang tài bơh tom Sơnđăn Kơnrẵn, kọn geh tọh glài, geh sơmbòi mơ geh dŏng tơwài. Dăn Yang dŏng kọn khin cha sum nàng bơtô yăl sơnđăn Kơnrẵn mơ yăl bơh Yang tus ală cau gut dăr. Tài bơh kọn git, Yang mìng la gùng lòt nàng bŏl kọn geh doñ bơta kis găm sum sum. Kọn ưnngai Yang ò git nđợ. Kọn jơh nùs họi dăn, kọn ai sơnđăn Yang Jesu Krist. Amen.
Ơ ală ồng mọ ọh mi koñ gơboh, bơta dŏng klàs tom sơnđăn Yang Jesu Krist bŏl he. Bơta Hòi Dan Kòp Ngai họi jà he, bŏl he kis băl tom sơnđăn Kơnrẵn, kis di păl sơnđăn Kơnrẵn ĭn mơ bơtô yăl sơnđăn Kơnrẵn tus jơh tơl nă cau tom ngai kah kirsơnre Yang Lik ling sơnăm do. Kơp kỡn jơh tơl nă bŏl he rơp hòn chò ntoat tus hơ Kơnrẵn, họi dăn tom sơnăm Kơnrẵn mơ dòn kơnòm di jơnau ho Kơnrẵn di. Bŏl he găm gơs tŭ jơ mơ tŭ lơmpah nàng sơlơ đơs bơh sơnđăn Yang tus hiu nhă ĭn, bơyô mơ ală cau gut dăr bŏl he. Lòi tĕ bŏl khai kŭng dòp geh phăn bàn bơh bơta kis găm sum sum tŭ pò mpồng nùs dòp rò Bơtau Dŏng Klàs Jesu be bŏl he.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply