Koob tsheej Tswv Yexus yug tsis yog tsuas pom tej teeb liab teeb ntsuab ntsais txhua qhov xwb. Tiamsis tseem yog lub sijhawm tseg rau peb xav txog tej yam tob dua- qhov khoom plig pub dawb uas Vajtswv tau muab pub rau tib neeg. Nyob rau hmo ntawd, Vajtswv tus muaj hwjchim tau los rau hauv tib neeg ntiajteb uas poob qis. Nws cim civ txo nws tus kheej nqes coj txoj kev cawmdim los pub rau lub ntiajteb.
Hnub no, yog hnub 19/12/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Garrett Ellis dhau ntawm Zaj kawm LUB TSHWJ CHIM HLA DHAU TXHUA TUS CIAM
“Txhua tus puavleej paub hais tias zaj uas peb ntseeg yog zaj uas tseemceeb kawg nkaus. Nws los yug ua neeg, Vaj Ntsujpligf qhia rau sawvdaws hais tias nws yog tus uas ncaj ncees; Vajtswv cov timtswv puavleej pom nws; muaj neeg qhia nws zaj rau txhua haivneeg, tej neeg uas nyob txhua qhov hauv ntiajteb no los ntseeg nws, thiab Vajtswv coj nws mus saum ntuj lawm” (1 Timautes 3:16).
Yam uas ua rau kuv nco ntsoov txog koob tsheej Tswv Yexus yug tsis yog txoj kev uas xauv npo thoob ntiajteb, kuj tsis yog tej kev xav txog lub neej thaum tseem yog menyuam yaus pom muaj teeb liab teeb ntsuab ci ntsa iab tej tsob ntoo dai hlua xov teeb puv nkaus. Ntau zaug, txhua yam uas nyob hau zaj xwm txheej Tswv Yexus los yug kuj tsis yog yam ua rau kuv xav tsis thoob. Yam uas ua rau kuv xav tsis thoob yog qhov tseeb no: Vajtswv- tus tsim lub ntiajteb no – txo nws tus kheej nqes los tiv tib neeg uas poob qis – Vajtswv twb los yug ua neeg.
Wb nyuam qhuav yug tau wb tus tub. Nws txais lub koob tsheej Tswv Yexus yug thaum nyuam qhuav tau ob hli. Kuv ua ib leejtxiv txaus siab rau kuv tus tub, ntseeg tias nws yuav muaj tej peev xwm zoo. Tiamsis lub peev xwm no ho nyob hauv ib lub cev ntaj ntsug me me muaj nrim. Tamsim no nws puav leej yog vam khom rau niam txiv, kom ua tus saib xyuas nws, coj nws kev. Tes haujlwm uas Vajtswv tau muab tso rau hauv kuv tus tub tab tom tau muab tso rau hauv ib lub cev me me, cheem tsum niam thiab txiv txhais tes uas muaj nrim no ua tus tu. Tsis muaj leej twg paub tias wb tab tom tu ib tug metub yuav dhau los ua ib tug tub xa moo zoo mus rau tej tebchawd deb, lossis rau ib tug nom kav tebchaws tom ntej. Tej uas kuv paub, txawm nws qhov dej num yuav yog dabtsi los, tag nrho puav leej pib ntawm qhov uas nws yuav tau hlub, tau tu thiab tiv thaiv nyob rau hauv lub cev ntaj ntsug me me no.
Kuv xav tias Tswv Yexus zaj xwm txheej kuj ib yam li ntawd. Nws yeej ib txwm yog Vajtswv thiab nrog nraim Vajtswv nyob, tiamsis Nws xaiv los yug rau hauv ib tug tib neeg lub cev, ib lub cev txawj ntshaib, txawj nqhis, thiab kuj paub mob. Tus uas kav tag nrho lub ntiajteb no ho los yug rau hauv lub neej txomnyem, muaj tsis txaus, thiab muab Nws tus kheej fij tso plhuav rau ib tug txiv neej thiab ib tug pojniam uas yog neeg ntiajteb txhais tes, cov neeg uas tau ris lub luag haujlwm saib xyuas tus Cawm Seej. Vajtswv, nyob hauv tib neeg, tau txais yuav txoj kev muaj nrim kom ua tiav lub homphiaj uas Vajtswv los rau hauv lub ntiajteb tau ua tiav.
Nyuaj rau peb kom nkag siab tag nrho qhov no – ib qhov tseeb thiab ib qhov txawv tsis xam tau li. Vajtswv, tus tsis muaj nrim, tau los yug ua neeg. Yog Vajtswv los nyob rau hauv txoj kev muaj nrim. Tus uas tsim ib puas tsav yam Nws cim civ ua kom Nws muaj nris, thiab hnav cev nqaij daim tawv zoo li peb.
“Txhua tus puavleej paub hais tias zaj uas peb ntseeg yog zaj uas tseemceeb kawg nkaus. Nws los yug ua neeg, Vaj Ntsujpligf qhia rau sawvdaws hais tias nws yog tus uas ncaj ncees; Vajtswv cov timtswv puavleej pom nws; muaj neeg qhia nws zaj rau txhua haivneeg, tej neeg uas nyob txhua qhov hauv ntiajteb no los ntseeg nws, thiab Vajtswv coj nws mus saum ntuj lawm” (1 Timautes 3:16).
Yog li, peb yuav coj li cas thaum nyob ntawm tej yam nyuaj no? Yuav ua li cas thiaj yuav coj tau raws li zaj qhia uas Vajtswv qhia dhau ntawm Nws txoj kev los yug ua neeg, nyob rau hauv qhov tseeb ntawd nws nyob sab nraud peb txoj kev nkag siab? Ntawm kuv, lo lus teb nyob ntawm no: Ntaug zaug, tej khoom plig uas muaj nqis tshaj plaws ho tau muab ntim rau hauv tej yam muaj nrim uas saib nws me me xwb. Thiab peb qhov haujlwm yog saib kom pom deb rau sab nraud, thiab tsom ntsoov rau qhov khoom plig ntawd.
Tswv Yexus hnav tib neeg cev nqaij daim tawv tsis yog qhuas Nws tus kheej, tiamsis kom ua tiav tib txoj haujlwm – raug tuag kom thiaj cawm tau tib neeg ntiajteb. Kuv ntseeg tias Vajtswv pom txoj kev cawm dim lub ntiajteb nws tseem ceeb tshaj lub cev ntaj ntsug muaj nrim uas tib neeg tau cia Tswv Yexus nyob hauv. Ib txoj kev hlub loj tshaj txhua tus nrim – ntawd yog qhov khoom plig uas Vajtswv tau muab pub rau peb.
Koj tab tom txais tej khoom plig nyob rau hauv koj lub neej zoo li cas? tsis paub puas yog koj tsuas saib tej kev mob ntawd yog ib lub nra nyhav, thiab yog ib qhov phab ntsa thaiv, lossis koj yuav ntsia kom pom tob dua, pom txog lub ntsiab tau muab zais cia nyob hauv thiab nkag siab tias ntawd yog tej koob hmoov, tsuas tab tom tos kom txog lub sijhawm yog ces muab nthuav tawm? Vajtswv tau xaiv los yug ua tib neeg, txais yuav txoj kev muaj nrim nyob rau hauv tib neeg lub cev, rau qhov Nws muaj lub homphiaj meej meej. Saib kom pom deb tej kev muaj nrim ntawm tus kheej thiab tig mus rau lub homphiaj uas Vajtswv tau muab tso rau hauv koj lub neej mog, phooj ywg.
Thov caw nrog kuv peb thov Vajtswv ua ke:
Leej Txiv tus muaj kev hlub, kuv ua koj tsaug vim koj tau txais yuav tib neeg muaj nrim nyob rau hauv sab nqaij tawv los hauv ntiajteb no cawm kuv. Koj ris kuv txoj kev qaug zog, tiv kev mob kom ua tiav lub homphiaj loj. Thov pab kom kuv tsis txhob suav tej kev txomnyem ntawd yog lub nra nyhav, tiamsis tseem pom tias nws yog qhov khoom plig muaj koob hmoov nyob hauv. Thov pub kom kuv muaj kev txawj ntse thiab muaj lub siab tawv tiv dhau tej ciam ntawm tus kheej, ua lub neej kom tsimnyog rau lub homphiaj uas koj tau npaj tseg rau kuv lub neej. Kuv thov hauv Tswv Yexus Khetos lub npe. Amees.
Cov kwv tij txhua tus, peb yuav zam tsis dhau tej teeb meem hauv lub neej, tiamsis qhov tseem ceeb yog txoj kev uas peb ntsia pom peb tus kheej muaj nrim. Tej yam uas saib cuag li nws me me hnub no tiamsis nws ho yog qhov chaw tiag rau Koj tes haujlwm loj uas koj tau npaj tseg rau peb. Yog Vajtswv twb txais yuav tej ciam ntawd kom ua tiav lub homphiaj loj, ces peb kuj yuav tiv dhau tej kev txomnyem kom ua tiav lub homphiaj uas Vajtswv npaj tseg rau peb lub neej.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply