Tej zaug peb kuj tau hnov tias: nyob puag hauv peb lub siab yeej tseem tshuav ib qhov khoob lug uas lub ntiajteb no tsis muaj ib zaum twg txhawm tau. Peb yeej tseem yuav ua lub neej nyob txhua hnub, khwv tsis muaj hnub so, siv zog nrhiav kev txaus siab rau hauv tej haujlwm, hauv tej kev sib raug zoo lossis tej kev ua si ib vuag, tiamsis cuag li yeej tsis txaus. Yog li tej zaug lub sijhawm no, Vajtswv tab tom caw koj nkag mus rau hauv txoj kev sib raug zoo tob nrog Vajtswv – tus uas Nws tib leeg xwb thiaj txhawm tau koj qhov khoob lug uas koj tab tom nrhiav ntawd.
Hnub no, yog hnub 10/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sheila Weddle dhau ntawm Zaj kawm VAJTSWV TAB TOM HU
Vajluskub: “Nws tso nws haivneeg dim thiab coglus rau lawv mus ibtxhis. Nws yog tus Dawbhuv thiab muaj hwjchim loj kawg li!” (Ntawv Nkauj 111:9)
Ob peb thiv dhau los, kuv muaj sijhawm noj mov rau ntawm ib lub tsev noj mov zoo heev ntawm ntug hiav txwv rau thaum hnub tawm. Saib txhua yam ib ncig, kuv xav twj ywm tias: “Vajtswv zoo kawg nkaus thaum uas tsim ib lub ntiajteb los zoo nkauj li no!” kuv pom lawv mus ua si saum ntug hiav txwv, lawv kuj tab tom saib lub hnub tawm tuaj. Thiab lub sijhawm ntawd, muaj ib qhov kev xav cia li tshwm tuaj meej heev hauv kuv lub hlwb: “Vajtswv tab tom caw txhua txhia tus nyob hauv cov neeg uas lawv lees paub Nws.”
Vajtswv xav kom peb paub Nws. Vajtswv xav kom peb ntseeg Nws. Tsia tsis pom Vajtswv tsis tau txhais tias Vajtswv tsis tshwm ntsej muag qhov ntawd. Tseeb tiag, Vajtswv nyob ze tshaj peb txoj kev ua pa, muaj sia dua txhua yam uas peb tau paub. Nws xav kom peb qhib siab txais yuav Vajtswv txoj kev hlub.
Vajtswv tab tom caw nws tej menyuam: “Cia li los cuag kuv, cia li nyob ze kuv.” Tiamsis muaj ntau zaug peb ho tsis paub Vajtswv Leej Txiv saum ntuj lub suab hu, tas pheej xav txog lwm yam, mus nrhiav tib neeg lossis khoom ntiajteb kom txhawm puv nkaus rau tej uas tseem tshuav. Tiamsis tseeb tiag, tsis muaj leej twg lossis ib tug twg yuav txhawm kom puv nkaus rau qhov khoob lug ntawd hauv peb lub siab – qhov chaw uas yeej ib txwm tseg rau Vajtswv tib leeg xwb.
Thaum qhov kev tshaw ntawd tsis tau txhawm, peb yuav yooj yim tag kev cia siab thiab xav tias: “Vajtswv tsis hlub peb os! Nws nyob deb heev, Nws nyob siab dhau txog qhov uas chwv tsis tau Nws.” Tej lus no yog tej lus dag. Peb yuav tau kawm txoj kev feeb cais tias qhov twg thiaj yog qhov tseeb, qhov twg yog lo lus hais dag.
Yuav ua li cas kom thiaj faib cais tau? Peb nco ntsoov tias Vajtswv hlub peb tshaj txhua tus. Peb muaj cuab kav ntseeg rau Vajtswv txoj kev hlub, Vajtswv lub homphiaj, Vajtswv lub hwjchim. Vajtswv tus loj tshaj plaws yog tag nrho tej uas peb ntshaw. Txawm yog tej noog uas me tshaj los lawv kuj tsis tshaib ib zaug. Yog li Vajtswv tseem xav kom peb muaj txoj kev sib raug zoo tob dua peb ntau tshaj li thiab?
Yog li yuav pib qhov twg mus? Tsuas yog mus cuag Nws xwb thiab nthuav tawm rau Nws los ntawm lub siab ncaj ncees. Peb muaj cuab kav muab tag nrho peb lub siab fij rau Vajtswv, vim Vajtswv paub txhua yam uas nyob hauv peb lub siab, thiab Vajtswv xav kho zoo peb txhua lub qhov txhab. Muaj ntau zaug tej kev ntshaw nyob hauv peb lub siab yeej ib txwm yog Vajtswv tso rau hauv – tsuas yog peb tseem ntseeg tsis tau txaus los txhais yuav tej ntawd xwb yog tej uas raws li Vajtswv lub siab nyiam hauv peb lub neej.
Peb muaj cuab kav pib thov Vajtswv los ntawm ib lo lus thov Vajtswv yooj yim: “Tus Tswv, thov pub rau kuv kom muaj lub siab dawbhuv” Nws yuav maj mam txhawj txhua qhov tsis muaj dabtsi tsis huv uas peb yuav ntxuav tsis tau huv. Txawm yog tej teeb meem ntawd yog peb tsim los, tiamsis Vajtswv yeej siv kev hlub mos muag uas tsis muaj nrim ntawd los ntxuav peb, kom peb lub siab muaj kev kaj siab, zoo siab thiab yim hnub yim ntseeg, muaj kev txuas tob tob nrog Nws ua ke.
Dhau ntawm Vajtswv lawm tsis muaj leej twg yuav txhawm tau qhov khoob lug nyob hauv peb lub siab. Nws xav kom peb ntseeg Nws thiab Nws txoj kev hlub uas muab pub rau peb. Yeej tsis muaj dabtsi uas peb yuav ntshai, vim Tswv Yexus twb hais tias: “Kuv los yog pub rau yaj tau txojsia thiab txoj sia puv ntoob”. (Yauhas 10:10).
Cia li txiav txim siab qhib siab los txais yuav Vajtswv txoj kev tshwm ntsej muag. Nkag los rau hauv txoj kev sib raug zoo ua ke nrog Vajtswv thiab saj tau txoj kev zoo siab nrog kev kaj siab ntawm lub neej puv ntoob. Vajtswv tab tom hu. Ntawm no yog Vajtswv lub siab nyiam, tsis yog peb lub siab nyiam.
Yam uas peb yuav ua yog txhob tawm tsam lawm tiamsis mloog raws li tej uas Vajluskub qhia: “Nyob twj ywm hauv kuv thiab Kuv yuav nyob hauv nej”.
Tom peb hauv ntej yog ib txoj kev zoo, tib yam uas peb yuav tau ua yog txiav txim siab nkag mus rau hauv!
Thov caw nrog kuv peb thov Vajtswv ua ke
Cov kwv tij txhua tus, ua Vajtswv tsaug vim Vajtswv txoj kev hlub zoo uas tseg rau kuv. Txawm yog muaj tej lub sijhawm kuv nrhiav txoj kev zoo siab thiab lub ntsiab txoj kev ua neej hauv ntiajteb no, tiamsis nyob puag hauv lub siab, kuv paub tias tsuas yog koj tib leeg xwb thiaj txhawm tau qhov khoob lug ntawd hauv kuv tus ntsujplig. Thov Vajtswv pab kom kuv qhib siab los txais yuav Koj, ntseeg koj txoj kev hlub. Thov Vaj Ntsujplig maj mam ntxuav peb sab ntsujplig, coj peb nkag los rau hauv txoj kev sib raug zoo ua ke nrog Vajtswv, kom kuv saj tau txoj kev zoo siab, kev kaj siab thiab lub neej puv ntoob uas Vajtswv tau cog lus pub rau peb. Kuv thov hauv Tswv Yexus Khetos lub npe. Amees.
Cov kwv tij txhua tus, Vajtswv twb nrhiav thiab tos koj ntev heev los lawm. Vajtswv maj mam caw koj teb Vajtswv txoj kev hlub. Txiav txim siab yog nyob ntawm koj. Tamsim no, tsis paub koj puas qhib koj lub siab, cia Vajtswv nkag los rau hauv, txhawm kom puv nkaus txhua qhov khoob lug hauv koj lub siab los ntawm txoj kev kaj siab, kev zoo siab thiab txoj sia puv ntoob ntawm Nws? Hnub no, cia li qhib siab caw Vajtswv nkag los rau hauv koj txoj kev zoo tshaj hauv yus lub neej.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply