Geh đợ tú rau oh mi ò hòi ja dô nă cau tus băl mơ hìu nhắ nàng sa băl? Tơm pah rài oă ham kờn broă lơh do, mpồng hìu he di gơ lơh be tú lơi kung til. Cau lơi tơm bol he kung kơp kờn bơta ơm is, gen tàng be hớ nus sơ mah sơ mài wă rò nac lik gơs be dô bơta kăl ke! Mơya oh mi git sơl, dớ dớ ming la dô nơm jơnau hòi ja lơm, dô dớ sa băl hớ la sơn tơm lik gơs dô bơyô tơm klac dêt mêr , tơm gơl dô rài kis tơm bơta kờn gơboh tơm Bơtau Krist!
Ngai do, ngai 14/06/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Cathy Messecar dê bơh tơnggume PAL KỜN TÉ WĂ RÒ NAC
Sră Goh: “…….. bol khai dơrkă piang lă, mơ sào bal dô bă chò hòp mơ nùs song ngan, jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.”(Broă 2:46-47)
Sră Goh yăl tơnggit Hìu Jum Goh sơn rơp be do:”“….. bol khai dơrkă piang lă, mơ sào bal dô bă chò hòp mơ nùs song ngan, jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.”(Broă 2:46-47)
“ Dăn ja oh mi tus băl mơ hìu nhắ ăn nàng sào băl !”- do la bơta mơng os mơ niam lơhơn rlau jơh ăn geh kơnô bơh tú ăn găm dệt. Tơm ngai hớ, lồi bơta pơjum àng drim ngai Rlô, dilah gơs dô nă cau tơm Hìu Jum hòi ja tus hìu bol khai tơm klac băl la he geh bơta hon chờ jơh gul ngai.
Tơm pah rài găm siau phan mơ na, phan sa ò di tú lơi kung tơng kah tơng kan. Jơnau hoi ja tus băl mơ hìu nhắ sào piang gơtha la hiu nhắ geh bơta rcăng wil tơl, gơwet mơ dô nă kơnòm gơ mút sa be ăn gen ăn kơ lôi tus ală phan sa bơ kah. Ming kơlôi lơm ăn gơ lơh be hon chờ ngăn.
Ngai do, tơm pah rài ò ru do, gơ lơh be bol he sơ lơ ngai sơ lơ geh êt gơs cau ja tus hìu nhă nàng sa băl. Bơh lài or, ală cau mò, ală cau mè bol khai tam biêp, ròng iêr, boh phê, gâm sa bơh ôs lòng, kơp dớ sa la git đợ bơta rcăng. Hớ la bơta broă lơh mơng os tơm hìu nhắ oă kòn. Mơya bol khai kứ chờ nus nàng ja làng bol gơp bơyôv” Tus sa piang”, chờ nus gâm tai biếp nàng hoi ja Digơna Yang mơ ală cau don Yang tus sa băl lôi bơta pơjum.
Ngai do, hìu bơta bơtao rêp rlau jơh, mơya nus nhờm kon mơnus gơ lơh be wich ngai ngăn. Dớ dớ mingf kah hìu đah kênh gơs mpông pơhê, rơn dêh bò, kung ò git cau lơi ơm dah kênh hìu he.
Gơs dô dớ ne, ăn lơh nền nus wă rò nac. Ăn neh ja bar pe nă oh mi mơ ală kon lot peh dâu ơm bưoh dih bon dơng bơh tú àng drim, lồi bơh hớ gen rê sa ngai tơm hìu. Mơya tus di àng drim ngai hớ, điện thoại kơn teh sùm – jơh cau do gơ kol broă, cau ne geh kon kọp, ò geh rơn dêh, ji sề, phan poan jơng kờn gơboh gơ pự….nus ăn gơ lơh dơr cul, tài bơh neh rcăng oă phan sa, mơ tú do siau cau sa băl!
Tú he sơn tơm peh dâu, kon ur ăn hòi cop să. Kơnô song bơta hớ, kon ăn di đơs. “ Ơ mè, hala mè ja ală cau mò lơh broă băl mơ kon tus sa băl!”
Gen tàng ăn ai nus khin cha mơ hòi ja – gen ală cau mò hớ chò nus bơh bơta hòi ja. Bol khia tú sa piang mơ nhạ iêr, ban dâu hìu nhắ lơh is. Ngùi gut dar la ală cau he ò hệt gi, mơya tus di dạ nhô lồi dut kung jơh rau, gen tàng nus kờn gơp bơyô lik gơs. Lồi bơh hớ, gơs dô nă cau mò tus hok Sră Goh băl mơ ăn, gen mò dòn Yang.
Jơnau Yang tom Rôma 12: 13 bơto bol he:” pal kòñ tĕ wă rò nac.”
Nus chò hợp wă rò nac ò càng oă phan mơ na, kung ò cang phan ngùi sa tơng kah tơng kan. Dô nơm pha sa mơng os hala dô bơta hoi ja jơh nus kung tơl nàng gơtơm klac nus nhờm.
Ngai do, bulah gơs siêu thị tơl oă phan nàng gâm sa mhăr ngan, mơya ăn đal git la, bơta he pal cang rlau jơh là gơs nus nhờm sờmah sờmai nàng ja ncau tus sa băl. Dớ dớ bulah hìu găm bơh ò gơs tú nàng lơh sàng goh, hala phan sa ò wil tơl ròt bơh drà, mơya bơta lơh ncau in kah sùm hớ la bơta jơh nus mơ dệt mêr,
Ăn kơp kờn să tơm he rơp chờ nus hòi ja rlau, mơ pợ bơr hoi ja:” Dan ja oh mi tus hìu ăn nàng sa piang!’.
Dan jà bol he dô nùs bal tòm bơta hòi dan:
Khoai bèp kờn gơboh, kon ưn ngai Yang bơh sơnoa sơnoas dệt mêr, mơng os mơ Sră Goh neh lời wơl nàng kòn in lot lam jơh – ală tú jơ ngùi sa di gah dà lêng, ală tú jơ dệt mêr bơh Yang Jesu mơ ală cau bơtê. Dăn bơtô kon in git pợ nus, pợ mpông, chờ nus wă rò cau nac be wă rò cau gơp bơyô dệt mêr kon di. Dăn Yang dong kon git đòm krơh Yang di, la Bơtau neh chu ôs lòng di gah dà lềng, kơp gơn ală cau bơyô dệt mêr tus sa băl mơ Yang. Kon hòi dăn, ai sơnđan Yàng Jêsus Christ, Amen.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply