Gơs ală ngai slet rlau, mơ bơta chơ hợp mìng la đah bơdih. Tơm dơ lam, nus bol he rô ran, bol glar mơ geh bơta lơi. Bol he kung pal geh nus chơ hợp băl mơ ală cau ndai, mơya ngan la bơta chơ hợp tơm Yang neh ò găm tai bơh tú lơi ò rgơi git. Tơm li bơta kơlôi rcăng mơ ală bơta lik gơs ò jat be nus he kờn, bol he sùm húi la bơta hon chờ ò tus bơh bơta gơlik gơs tơm rài kis, mơ tus bơh bơta tơlik mat Yang di, Bơtau găm ơm sùm mơ bol he kơp ngai.
Ngai do, ngai 30/06/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Gene Markland dê bơh tơnggume HON CHỜ TƠM YANG.
Sră Goh: “Ơ ală cau song ring, chò hòp mơ hòn chò tĕ tòm Yàng Jehôwa!Ơ ală cau gơs nùs song ngan, driau dờng mơ hòn chò tĕ!”(Đơs Crih 32:11)
Gơs dô dớ ne tơm tú pơjum, ăn găm iat ală kơnom dơng jong rơ Yang bơh nus nhờm chơ hợp ngan:“Ôi em thuộc Jê-sus thỏa vui muôn đời! Lòng em vui thỏa bấy!”. Lơngai ngan tú iat seng đơs chờ niam ală kơnòm di, jơnau đơs chờ bìng bơta hon chờ, tú ală kơnòm jong rơ Yang. Ngai be hớ, bơta hưh nus bơh bơta chò hòp Jehôwa di la bơta pràn kơldang bol mê dê.(Nehemi 8:10).
Mơya ală cau jơl dơng gen be lơi? Gơs đợ tú bol he ò dợp git bơta hon chờ be hớ tơm rài kis he di? Mơ dilah gơs, gen bol he ràng tơlik bơta hon chờ hớ be lơi?
Ăn neh kah wơl bơta yal yau tơm Sră Goh, tú bơtau Dabit cèng Đài Yàng Jehôwa dê rê Jerusalem. Bơta hon chờ dờng tơm nus ồng, nus nhờm ông chờ hợp gơ lơh be tú ông wă rò bơta tơlik mat Yang di II Samuel 6:14-15 cih wơl:
“Dabit tòmya di đap Yàng Jehôwa jơh nùs jơh pràn; Dabit soh dô nơm ephot mơ bài che dơmài lơbơn. Behơ̆ Dabit mơ jơh hìu Israel cèng Đài Bơta Hơ Bal Yàng Jehôwa dê bal mơ jơnau driau dờng hòn chò mơ ntas kơlwòk.”
Bơtau Dabit tờmya đơs chờ, tài bơh tú hớ, Yang Tơm Trồ là Bơtau gơnoar dơng ơm hơ đăng Đài Bơta Hơ Bal hớ. Mơya ngai do, bơta tơlik mat Yang di ò ơm nền dô bă tiah lơi, mơ la ơm tơm nus nhờm kợp nă bol he. Tú he dợp git bơta hớ gen he geh bơta hon chờ wil tơl.
Ăn neh sền loh làng bơta hon chờ hớ geh ràng tơlik, tú dô na ưcau pơn dệt să gơjan sang glai mơ hoi dăn Yang Jesu mut tơm nus bol khai di. Ăn neh bàn ală cau driau dờng hon chờ tu bol khai dợp geh bơta dong klas, mơ đơs chờ jong rơ Yang tú bol khai dợp geh bap tem.
Dabit kung đơs chờ driau dơng tơm Đơs Cih 35: 9: “ Gen hwềng soàn añ rơp hòn chò tòm Yàng Jehôwa,Mơ hòn chò tòm bơta dong tă Kơnràñ dê.”
Tú ăn 17 sơ nam, ăn geh Yang tus cop dô bă pha is, bơta hon chờ dơng tian gơs ăn neh nhó sùm jơl jơh dô măng hớ ò rgơi bic tai.
Dô êt Hiu Jum Goh duh khoai Yangtowm nus nhờm hon chờ: bol khai đơs chờ, tạp tê, tờmya, nhó chờ hợp, hưh nus tơm bơta tơlik mat Yang di. Yang chờ hợp tú bàn nus nhờm kờn gơboh Yang bol khai di geh ràng tơlik be hớ. Mơya Yang kung chơ hợp tú bàn ală cau gùi ơm mò mó, nus nhờm bìng bơta hon chờ mơ pùn dơp, bơh tơm dơ lam nus nhờm bol khia di geh bìng lìu bơta tơlik mat Yang di.
Dớ dớ, ală bơta kơlôi rcăng rài kis di gơ lơh bol he kơlôi ò gơs tiah bơta hon chờ in. Gen ngan be hớ, dớ dớ kung moat jrum, nìm rac, be Yang Jesu kung găm nìm rac Jerusalem in. Mơya tú ală tơngai jong neh slet rlau, ală broă neh sir, mơ oh mi găm ơm tơm ơdú ngệt ngợt – lời té nú nhờm oh mi dô ple bơh bơta kơlôi rcăng, mơ rê wơl mơ Bơtau găm ơm bal mơ pơn dơm pơn iang oh mi.
Kah té: bơh bơta tơlik mat Yang Tơm Trồ di, Bơtau lơh Dabit in tờmya hon chờ, kung găm ơm mơ oh mi tơm tú jơ do. Yang lot bal mơ oh mi tơm kơp tú kơp jơ. Gen tàng be hớ, hon chờ té, boh oh mi gơ rê mơ Ynag, bơh Yang chờ nus ơm tơm hwêng nus oh mi di.
Bơta dệt mêr oh mi mơ Yang la dô bơta phan bàn kwơ màng, ò gơs dô nă cau lơi rgơi geh ai, ò gơs dô bơta lơi geh tơm gơl gơ. Bơh bơta tolwik mat hớ la tờm ruya bơta hon chờ mơ bơta pran oh mi di. Gơ ò di là bơta chơ hơp ing lơm mơ dunnia pạ ai, mơ la bơta hon chờ “ dờng ngan, mơ ò rgơi yal.” (I Pier 1:8)
Ban lời dô ăn cau lơi ai ală bơta hon chờ hớ. Yang Jesu đơs tơm Jang 15: 11:
“ Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.”
Yang kờn oh mi kơp ngai kis tơm bơta hon chờ tơng kah tơng kan tus bơh bơta tơlik mat Yang di. pợ té nus nàng wă rò mơ sền gar bơta dệt mêr hớ bơh bơta hòi dăn mơ bơta tề lam Yang Hwêng Goh di, nàng bơta hon chờ bơh Yang lik gơs dô pơnah ò tú lơi siau tơm rài kis kơp ngai oh mi di.
Tơm Ga-la-ti 5: 22, cau bơtê Pol neh cih: “Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song”
Lời té plai bơta hon chờ trây dơng mơ geh yal tơlik tơm rai kis oh mi di. Bơta hon chờ tơm Yang là bơta pran rlau jơh oh mi di. Mơ ò gơs dô nă cau lơi, ò dô nơm bơta lơi gơlik tus hala gơlong bol glar lơi ai bơta hon chờ mơ Yang neh ơn tơm nus oh mi di!
Dan jà bol he dô nùs bal tòm bơta hòi dan:
Khoai Yang, kon ưn ngai Yang bơta hon chờ tơm Yang la bơta pran hweng nus kon in bơh gơs tú kon húi bơta hớ mơ lời bơta kơlôi rcăng pun dơp bơta tơlik mat Yang di, tơn roh bơta lơngai mơ hon chờ tơm Yang, Ngai do, dăn Yang lơh kis wơl bơta hon chờ dớ sơn rợp mơ Yang. Dăn Yang Hwêng Goh khồm bơta kis pa mut tơm hwêng nus găm ngệt ngài do kon in. Dăn Yang dong kon in git kah la Yang găm kờn gơboh, ơm băl, mơ at tê kon di lot găn kợp ngai. Kon ai sơn đăn Yang Jesu Krist, A men.
Ơ ală ồng mò oh mi kờn gơboh, dilah rài kis ò di tú lơi kung lik gơs jat nus he di, mơya Yang kờn ai oh mi in dô bơta hon chờ jó jòng, pha rlau mơ nus nhờm, pha rlau mơ bơta gơlik tus hala kợp bơta gơlòng bol glar. Bơta hon chờ hớ ò rờgôr rờgak, mơ sơ ngai sơ lơ dơng tơm nus nhờm ală cau git gơn kơnòm tơm Yang. Bulah oh mi găm ơm tơm bơta lơi, lời té Yang bờ tào wơl bơta hon chờ hớ. Tài bơh bơta tơlik mat Yang dila bơta pran hwêngf nus oh mi di. Mơ ò gơs bơta lơi ai bơta nđac krơi is hớ tú oh mi king trú tơm đar Yang di.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply