Puas muaj zaum twg koj thov kom Vajtswv hloov pauv ib tug neeg twg lawm tau, nyob rau hauv ib lub sijhawm ntev loo, ntau zaug yog ntau hnub ntau hli, tiamsis cuag li lawv yeej tsis pom muaj dabtsi hloov pauv? Peb tej lus taij thov maj mam ntws mus, peb lub siab ces qaug zog zuj zus. Peb cim civ nug: “Tsis paub Vajtswv puas hnov kuv tej lus thov?” Tej lub sijhawm zoo li no, peb yooj yim ua xyem xyav thiab xav muab tso tseg. Tiamsis lo lus thov Vajtswv tiag yuav muaj lub zog loj, thiab cov lus thov Vajtswv tsis tseg tsis tu yuav pab peb txais tau tej koob hmoob loj dhau yam uas peb lub siab xav.
Hnub no, yog hnub 02/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bob Segress dhau ntawm Zaj kawm RUAJ SIAB THOV VAJTSWV TSIS TSEG
Vajluskub: “Vajtswv yog tus saib xyuas kuv… kuv yuav nyob hauv tus Tswv lub tsev mus ib txhis” (Ntawv Nkauj 23:1-6)
Muaj ib hnub thaum kuv tab tom tsav tsheb, kuv pojniam cia li nug: “Koj puas xav tias yus yuav tuag zoo li cas lawm tau?”
Kuv txhob txwm ua txuj tsis hnov vim sawv daws tab tom taug kev coob coob. Tiamsis ib yam li txhua zaug, thaum kuv pojniam xav tau lo lus teb yeej tsis yooj yim ua rau nws hnov qab. Kuv lam hais ob peb los cia kom zam dhau mus. Paub tias yuav khiav tsis dhau, tiamsis ntshe kuj nres tau nws ib pliag.
Thaum ntsib daim phiaj qhia kom “nres tsheb” kuv yuav tau nres tsheb. Kuv pojniam tig los ntsia kuv, nws yeej xav kom kuv teb nws lo lus teb:
“Yog li… koj twv xav txog qhov ntawd lawm los tsis tau, koj txiv?”
Kuv ua twjywm. Vim kuv paub tias thaum kuv pojniam nug li no, ces nws yeej xav qhia ib yam dabtsi twg rau kuv.
Tau ob peb feeb, nws maj mam hais:
“Kuv xav tias… kuv xav kom kuv tau tuag zoo li koj txiv. Txiv noj mov nraum zoov, hauv qab cov txiv hmab, ke noj tshais ke nyeem xov xwm. Niam nkag mus hauv tsev nqa ib taig café rau txiv. Lub sijhawm ntawd, muaj ib tug quab dawb ya los npuj ntawm lub tsev ua mov lub qhov rai, yam li xav ya mus rau hauv tsev. Niam ceeb tag thiab khiav tawm mus saib, twb pom txiv nyo hau ntxis rau saum tsab ntawv xov xwm. Ces txiv cia li mus ntsib Vajtswv twjywm li ntawd. Thaum niam tsa muag saib, niam pom tus nqua ntawd lov tis tab tom ya khiav. Txhua zaug xav txog lub sijhawm uas txiv mus ntuj ceebtsheej, kuv ib ce plaub xob tas…”
Zoo li txhua zaug, thaum kuv cia kuv pojniam cim civ hais tawm tej kev xav nyob hauv nws lub siab, kuv rov qab txais tau ib lo lus teb tob tob thiab tsimnyog muab los xav.
Thaum no kuv rov qab nco txog thaum kuv txiv rov qab mus ntsib Vajtswv. Kuv niam thov Vajtswv tau 25 xyoo. Kuv txiv yog ib tug neeg quav cawv loj heev, thaum yawg yog ib tug thawj ntawm cov tib neeg ua kws ntoo. Txiv yog ib tug neeg siab ceev, ntau zaug tseem thawb luag ntog tsoo ntawm tej qib ntaiv vim npau taws sai. Tiamsis niam yeej thov Vajtswv thiab ntseeg tias txiv yuav hloov pauv. Niam tsis tau muaj ib zaum xav txog qhov uas yuav muab txiv nrauj, vim niam ntseeg muaj ib hnub twg Vajtswv yuav cawm txiv.
Muaj ib hmo, thaum lawv tab tom so rau lub caij ntuj sov, kuv cia li nug txiv tias:
“Txiv, kuv ntshai tsam koj tsis tau mus nrog niam nyob saum ntuj ceebtsheej, thiab nrog peb nyob ua ke saud…ces ntshe peb yuav nco koj heev.”
Kuv txiv txawm cia li teb tias:
“Yog koj txhawj rau kuv npaum ntawd, ces thaum no wb mus hauv tsev da dej, koom thov Vajtswv kom kuv txais yuav Vajtswv tamsim.”
Yog li wb thiaj nkag mus rau hauv lub chav da dej me me ntawd, txhos caug thov Vajtswv. Kuv txiv thov Vajtswv zam txim, thov Vajtswv cawm kuv txiv tus ntsujplig, txawm yog yawg tau ua ntau yam tsis yog. Txiv lees txim, kuv ntsia pom tej kua muag ntws ntawm txiv lub qhov muag los. Lub sijhawm ntawd, kuv pom txiv yog ib tug neeg tshiab. Tus txiv neej uas tus twg twb ntshai, thaum no hloov dua tshiab lawm. Thiab Vajtswv txojlus nyob hauv Ntawv Nkauj tshooj 23 dhau los ua ib lub qe hlaws muaj nqis hauv kuv txiv lub siab.
Txiv muab txiv tej cawv muaj nqis uas cov neeg ua lag luam tau muab pub hliv pov tseg tag. Txawm yog txiv tes haujlwm yeej yuam kom txiv yuav tau txais tos lawv hauv tej chaw haus cawv, los yawg yeej nthuav tawm yawg txoj kev ntseeg los ntawm coj rawv tus ntoo khaub lig me rau ntawm txoj hlua khi caj dab, thiab yawg tsuas haus dej qab zib hloov cawv li yav dhau los. Txhua hnub thaum tav su tau ntau xyoo, yawg zaum hauv tsheb, qhib xibhwb tej lus qhuab qhia los mloog, ke mloog ke muab sau cia rau hauv txiv phau ntawv.
Kuv muaj ib leej txiv tshiab! Txawm yog yawg yeej tseem tshuav ntau yam tsis zoo, tiamsis hnub ntawd dhau mus, yawg muab yawg lub neej tso rau Tus Tswv uas puab laujkaub txhais tes. Niam cov lus thov Vajtswv tsis tseg ntau xyoo dhau los thaum kawg kuj tau Vajtswv teb. Thiab sawv ntxov hnub ntawd, yog hnub uas kuv txiv tuag, thaum tus nquab ya los npuj tis lov, Vajtswv txojlus hauv Vajluskub ciaj sia ntuas kuv tias kuv txiv “tau tso lub cev ntaj ntsug no tseg thiab mus nrog Vajtswv nyob” (II Kauleethaus 5:8).
Txiv txoj kev tuag zoo li ntawd – yog ib txoj kev tuag uas tau koob hmoov tshaj plaws!
Thov caw nrog kuv peb thov Vajtswv ua ke
Tus Tswv uas muaj kev hlub, hnub no kuv los cuag Koj nrog tus ntsujplig raug tsuam nyhav, nrog tej lus taij thov uas ntev loo los no tsis hnov Koj teb. Thov Vajtswv txhob pub kom kuv tag kev cia siab, txhob cia kuv tig nruab qaum rau koj vim yuav tau tos ntev. Thov Vajtswv pub lub zog rau kuv kom kuv ua siab ntev, kom kuv ruaj siab ntseeg tias koj tab tom ua haujlwm zoo kawg nkaus raws li Vajtswv koj lub homphiaj zoo. Kuv ntseeg tias koj yuav hnov kuv lub suab, thiab koj yuav teb kuv tej lus thov los ntawm hlub hwjchim hloov pauv uas zoo kawg nkaus. Kuv thov hauv Tswv Yexus Khetos lub npe. Amees.
Cov kwv tij txhua tus, ua siab ntev thov Vajtswv tsis yog ib txoj kev yooj yim, tiamsis nws yog tib txoj kev ua rau muaj kev hloov pauv nyob hauv lub neej, ib txoj kev hloov pauv uas tsis muaj lwm tus, tsis muaj ib yam dabtsi yuav ua tau. Thaum peb tuav peb txoj kev ntseeg kom ruaj thiab tig peb lub siab mus rau ntawm Vajtswv tsis tseg, Vajtswv yuav hliv Nws txoj kev hlub, Nws yuav ua kom peb tus ntsujplig tshiab, thiab hloov pauv tej yam phem dhau los ua yam zoo. Ib lub neej tau Vajtswv hloov pauv yuav yog ib lub cim nco ntev, mus txog rau thaum kawg. Ua Vajtswv tsaug! Txoj kev ua siab ntev thov Vajtswv tsis tseg yuav hloov pauv koj lub neej thiab tej tib neeg uas koj hlub tshua txog!
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.
Leave a Reply