Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.
“Kuv lub neej, kuv paub zoo tshaj plaws!” Tej zaug qhov kev xav no tau muaj ib zaug hla dhau nyob rau hauv koj lub hlwb. Peb pheej suav hais tias peb yog tus uas paub zoo thiab siv zog ua tus tswj txhua yam kom mus raws li yus lub siab nyiam. Tiamsis twb txog lub sijhawm uas peb yuav tau pom tias Vajtswv thiaj yog tus tswj ib puas tsav yam thiab Vajtswv muaj homphiaj zoo tseg rau peb lub neej. Peb qhov haujlwm tsis yog siv zog kom tau ua tus tswj tiamsis yog ntseeg thiab muab txhua yam fij rau Vajtswv.
Hnub no, yog hnub 22/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Tori Troncone dhau ntawm Zaj kawm KUV LUB SIAB NYIAM LOSSIS VAJTSWV LUB?
“Peb Leej Txiv tus uas nyob saum ntuj ceebtsheej; Thov kom sawvdaws hwm koj lub npe; thov koj los kav neeg lub siab; thov koj pab kom peb ua tau raws li koj lub siab nyiam yam li cov uas nyob sa urn ntuj.”(Mathais 6:9-10)
Kuv pom tau tias kuv muaj ib tug cwjpwm ib txwm coj uas xav tsis thoob. Ntawd yog kuv coj nruj heev txoj kev uas muab tej phaj ntim tso rau hauv lub máy ntxuav ntim. Kuv paub qhov no saib cuag li tsis yog kev, tiamsis tseeb tiag kuv tau ua li ntawd lawm tiag. Yog tias cov phaj tim tsis tau muab tso kom yog chaw, kuv muaj txoj kev xav tias tej ntawd yuav ntxuav tsis huv.
Kuv tus txiv nkag siab kuv txoj kev xav ntawm no. Nws yeej siv zog xyaum kom coj tau raws li txoj cai ntxuav ntim uas kuv tau tsim muaj.
Qho zaug ces nws nug kuv tias: “Koj xav kom kuv tso lub khob no rau qhov twg koj niam?”
“Qhov twg twb tau, tsuav yog kom pom tias zoo xwb” – kuv pheej teb li ntawd. Lub sijhawm ntawd mas, kuv yeej xav li ntawd tiag. Tiamsis thaum uas tsuas tshuav kuv ib leeg nyob hauv chaw ua mov xwb ces, kuv ho lem kaum muag mus saib lub máy ntxuav ntim ntawd thiab nug tias tsis paub puas yuav muaj dua lwm txoj kev zoo dua. Ntau zaug kuv yuav cia nws nyob nws twj ywm li ntawd, ntau zaug kuv yuav hloov pauv chaw tso qee lub ntim, thiab ntau zaug kuv ho poob sijhawm ntau los npaj tso txhua yam kom zoo kawg nkaus.
Tsis paub koj puas tau ua li ntawd rau Vajtswv lawm tau? Koj puas siv zog txeem kom tau rau Vajtswv lub homphiaj thiab npaj txhua yam kom mus raws li koj lub siab nyiam? Tej zaug kuv xav tias kuv yog ib tug uas paub zoo tshaj plaws. Kuv pheej hais tias kuv ntseeg tias Vajtswv yuav ua raws li Vajtswv lub siab nyiam zoo kawg nkaus nyob rau txhua lub sijhawm, tiamsis thaum kawg kuv ho rov qab ua txhua yam raws li kuv lub siab nyiam. Kuv hais tias Vajtswv kuv paub Vajtswv yog tus tuav kuv lub neej, tiamsis thaum kawg kuv ho siv zog txeeb kom tau txojcai ua tus tswj thiab kuv cim civ txiav txim siab ua txhua yam.
Tomqab uas kuv poob kaum feeb los npaj lub máy ntxuav ntim ntawd, kuv pom tias thaum kawg kuv ho muab txhua yam tso tseg raws li thaum pib lawm dua. Ntawd yog tej uas kuv siv zog tav Vajtswv lub homphiaj thiab nrog Vajtswv sib txeeb ua tus tswj. Kuv pheej poob sijhawm ntau thiab dag zog los npaj txhua yam tiamsis txog thaum kawg ho yog raws li Vajtswv lub siab nyiam. Raws li Vajtswv txojlus nyob hauv Pajlug 16:9 sau tias:
“Koj yog tus npaj siab ua, tiamsis Vajtswv yog tus coj txoj haukev”
Thaum Tswv Yexus qhia cov thwjtim thov Vajtswv nyob hauv Mathais 6, Tswv Yexus pib ntawm lo lus taij thov li no tias:
“Peb Leej Txiv tus uas nyob saum ntuj ceebtsheej; Thov kom sawvdaws hwm koj lub npe; thov koj los kav neeg lub siab; thov koj pab kom peb ua tau raws li koj lub siab nyiam yam li cov uas nyob saum ntuj.”(Mathais 6:9-10).
Nyob hauv lub vaj khexemanes, Tswv Yexus kuj tau thov Vajtswv zoo ib yam li ntawd nrog Leej Txiv:
“Kuv Txiv, yog koj pom zoo, thov koj tshem lub khob no ntawm kuv mus! Txawm yog li cas los thov koj tsis txhob ua raws li kuv lub siab nyiam, tiamsis cia ua raws li koj lub siab nyiam xwb!” (Mathais 26:39).
Tswv Yexus niaj hnub thov kom tau ua raws li Leej Txiv lub siab nyiam! Yog li zaj kawm zoo kawg nkaus txog kev txo hwjchim no tau Yexus Khetos ua qauv rau peb xyaum.
Thaum thov Vajtswv “kom ua raws li Leej Txiv siab nyiam” zoo li Tswv Yexus, kuv tab tom muab lub hwjchim ua tus tswj kuv lub neej rau Nws. Kuv muab kuv lub siab khav theeb thiab tus cwjpwm “kuv paub zoo kuv tus kheej”. Tso pov tseg. Pauv rau ntawd, kuv lees txais tias Vajtswv lub siab nyiam yog zoo kawg nkaus, thiab kuv ntseeg Vajtswv txoj kev ncaj ncees zoo dua kuv tej homphiaj thiab kuv tus kheej txoj kev ntshaw.
Txhua zaug uas kuv cim civ tuav txojcai tswj kuv tus kheej pauv qhov uas ua raws li Vajtswv txoj kev npaj ces peb yuav tau txo lub hwjchim mus rau ntawm Leej Txiv xub ntiag nrog lub siab txo hwjchim, thiab taij thov raws li Yexus Khetos:
“Peb Leej Txiv tus uas nyob saum ntuj ceebtsheej; Thov kom sawvdaws hwm koj lub npe; thov koj los kav neeg lub siab; thov koj pab kom peb ua tau raws li koj lub siab nyiam yam li cov uas nyob saum ntuj.”
Thov caw nrog kuv peb thov Vajtswv ua ke.
Tus Tswv kuv paub tias kuv yeej tswj tsis tau txhua yam nyob hauv kuv lub neej. Tus Tswv, kuv paub tias kuv yeej tswj tsis tau txhua yam nyob hauv kuv lub neej. Tsuas yog koj thiaj paub yam twg yog yam zoo tshaj plaws rau kuv thiab kuv ntseeg Koj. Thov Vajtswv pab kom kuv tso txoj kev tswj tus kheej tseg thiab muab txhua yam fij rau koj. Kuv thov hauv Tswv Yexus Khetos lub npe. Amees.
Cov kwv tij txhua tus, ntev loo los no koj puas tab tom siv zog txeeb kom tau lub hwjchim ua tus tswj nyob rau hauv feem twg? Cia li muab tso tseg, mloog lus thiab muab tag nrho txhua tes haujlwm uas koj tab tom ua fij rau Vajtswv. Caw Vajtswv los ua tus tswj thiab ua tiav Vajtswv lub siab nyiam nyob hauv koj lub neej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply