Koj puas tau mus tav ntoo zaug puav lawm tau? Saib mas cuag li peb tab tom tav tsis pub kom nws loj hlob, tiamsis qhov tseeb tiag yog cia kom tsob ntoo nws loj hlob zoo dua, zoo nkauj dua. Nyob rau hauv lub neej sab ntsujplig los kuj ib yam li ntawd, ntau zaug Vajtswv yuav tav peb kom tshem tej kev txhaum uas tseem khuam rau hauv peb tawm thiab pab kom peb loj hlob zoo tshaj plaws raws li Vajtswv lub siab nyiam.
Hnub no, yog hnub 11/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Susan Norris dhau ntawm Zaj kawm KAM CIA TAV KOM THIAJ LOJ HLOB.
“Kuv yog tsob hmab, nej yog cov ceg. Tus uas txuas rau ntawm kuv, thiab kuv txuas rau ntawm nws, tus ntawd yuav txi txiv new; yog nej tsis txuas rau ntawm kuv, nej yeej ua tsis tau ib yam dabtsi li (Yauhas 15:5).
“Kuv yog tsob hmab, nej yog cov ceg. Tus uas txuas rau ntawm kuv, thiab kuv txuas rau ntawm nws, tus ntawd yuav txi txiv new; yog nej tsis txuas rau ntawm kuv, nej yeej ua tsis tau ib yam dabtsi li (Yauhas 15:5).
Nyob ntawm thaj chaw kuv nyob, tsob ntoo bằng lăng sib tw tawg paj rau txhua qhov. Zoo li txhua zaug, txhua tsev neeg tuaj nyias taus nyias txiav nyias li, ntau zaug tsuas tseg qho nyuag ceg me me xwb. Tiamsis thaum txog lub caij ntuj tshiab tej ceg me me ntawd ho loj hlob tuaj, tawg tau tej lub paj zoo.
Kuv txiv kuj kuj nyiam txiav kho tej tsob ntoo ntawm qhov rooj ib yam li ntawd. Txhua zaug uas niam thov kom txiv pab txiav, ces txiv yeej sov siab so los txiav tsuas tseg qho ceg lawm xwb. Thaum pib saib cuag nws tsis muaj zog, tsis khov, tiamsis tau ib ntus xwb, ces yuav tuaj kaus, dhau los zoo heev ua rau xav tsis thoob. Kuv txiv nws txaus siab rau nws txoj kev txiav ntoo ntawd, ua pov thawj rau tej uas ib txwm muaj nyob ntawd nws cim civ rov qab huam vam tuaj.
Lub neej no ntau zaug yuav coj tej kev nyuaj siab quaj ntsuag los raug peb. Ntau zaug tej kev mob no tsuas yog txoj nyuag kev maj mam tav me ntsis xwb, tiamsis muaj qho zaug peb kuj hnov cuag li twb muab peb ntov pov tseg, tsis muaj zog li lawm. Tiamsis twb yog dhau los ntawm tej kev sim siab ntawd peb thiaj rov qab tawg kaus thiab loj hlob zoo mus rau peb lub homphiaj. Leej txiv saum ntuj nws yog ib tug uas txawj tu vaj, paub zoo txog peb cheem tsum yam dabtsi. Tswv Yexus hais nyob hauv Yauhas 15:1 “Kuv yog tsob uas tseem txiv hmab thiab kuv txiv yog tus uas tu”.
Leej Txiv saum ntuj tsuas txiav tej ceg uas tsis cheem tsum pov tseg nrog rau tej yam uas yuav tav kom peb tsis loj hlob mus. Ntau zaug peb yuav hnov cuag li yus raug muab tso tseg, lossis raug muab qhau ntog zoo li txoj kev uas kuv txiv muab tej ntoo tav. Tiamsis thaum kawg, kuj tawg paj txi txiv zoo, puv npo koob hmoov, yog qhov pov thawj tseg rau Vajtswv txoj kev txawj ntse thiab kev hlub.
Nyob hauv txoj kev ua neej, muaj ntau zaug Vajtswv yuav tau tav peb lub neej rau tej yam uas peb tau ua yuam kev. Ib yam li nyob hauv 2 Xamuyees 11&12, Vajtswv tau muab Daviv txoj kev ntshaw thiab kev phem kev qias nrauj pov tseg. Ntau zaug Vajtswv kuj yuav tav peb tej feem uas phem phem nyob hauv peb tus cwjpwm mus xws li kev khav theeb. Chiv keeb 37, Vajtswv qhia kom Yauxej ua ib tug tub txib uas txo hwjchim pauv qhov uas ua ib tug kwv khav theeb. Peb yuav tau pom tias, txoj kev uas muab tav ntawd ntau zaug yuav yog tamsim, zoo li tsob ntoo bằng lăng nws yuav tawg kaus, tiamsis ntau zaug kuj yuav poob lub sijhawm ntev.
Txawm yog lub sijhawm txiav yuav ua rau muaj kev mob los, ntawd yog yam uas tsim nyog. Peb yuav tsum tau ntsib dhau txoj kev hloov pauv no. Vim Vajtswv txoj kev hlub uas Vajtswv xav qhuab ntuas peb, vim Vajtswv xav kom peb siv tag nrho peb lub peev xwm. Vajtswv paub tias tom qab txoj kev txiav ntawd yog tej koob hmoov tab tom tos peb. Yog li, yuav tau ua siab ntev tos, thiab nyob rau lub sijhawm uas txomnyem tshaj plaws ntawd txhob tsuas ntsia rau tej qhov mob ntawm tus kheej xwb tiamsis saib mus rau tus Tswv uas cog tsob txiv hmab – tus uas coj txojsia tshiab los rau peb.
Thov caw nrog kuv peb thov Vajtswv ua ke:
Tus Tswv, kuv zoo siab txais yuav koj tej kev cob qhia, tav kuv kom dhau ntawd kuv thiaj loj hlob zoo, thiab txi tau txiv ncw. Nyob rau tej lub sijhawm uas koj muab kuv tav uas ntsib kev txomnyem, thov Vajtswv ntuas kom kuv nco ntsoov txog koj txoj kev hlub thiab koj txoj kev tiv thaiv. Thov ntxiv zog rau kuv kom kuv tiv dhau lub caijnyoog uas koj tav kuv, vim paub tias tej koob hmoov nplua mias tab tom tos kuv nyob tom hauv ntej. Kuv thov hauv Tswv Yexus Khetos lub npe. Amees.
Cov kwv tij, peb txhua tus cheem tsum yuav tav kom thiaj yuav dhau los muaj zog thiab tawg paj txi txiv rau Vajtswv. Nco ntsoov tias, tom qab txoj kev qhuab ntuas ntawd ces yog kev hlub thiab kev loj hlob tab tom tos ntsoov peb. Yog li, yuav tau ua siab ntev thiab ntseeg siab vim thaum kawg, peb kuj yuav txais tau ntau lub txiv qab uas Vajtswv pub.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.