Koob tsheej Tswv Yexus yug yog cov lus zoo qhia txog txoj kev uas Vajtswv ua tej haujlwm loj dhau ntawm ib tug tib neeg. Los ntawm lub zos me hauv Naxales txog rau tus ntxhais hluas Malis, zaj xwm txheej Tswv Yexus yug hais meej meej thaum ntseeg siab rau Vajtswv lub hwjchim thiab mloog raws li Vajtswv tej lus qhia, peb muaj cuab kav hloov pauv tag nrho lub ntiajteb.
Hnub no, yog hnub 14/12/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wally Odum dhau ntawm Zaj kawm KOOB TSHEEJ TSWV YEXUS YUG LUB HWJCHIM
“Rau qhov yeej tsis muaj ib yam dabtsi uas Vajtswv yuav ua tsis tau li” (Lukas 1:37).
Zaj xwm txheej Tswv Yexus yug pib nyob rau hauv ib qhov chaw uas tsis muaj leej twg xav txog – yog lub nroog me Naxales. Vajtswv tus timtswv Kamayees mus rau hauv Kalilais, pauv qhov uas mus rau Yudas. Timtswv kuj tsis mus rau hauv Yeluxalees, tiamsis mus rau hauv Naxales. Qhov no xav tsis thoob, vim nyob rau lub sijhawm ntawd, Kalilais luag yeej saib tsis tseem ceeb. Thaj av no twb raug lwm haiv neeg tuaj txeeb ntev heev los lawm thiab ib txwm raug cov neeg Yudais saib tsis taus. Tej zaug Nathana-ees twb hais yog tiam neeg ntawd lub siab thaum uas yawg nug Filis:
“Puas muaj ib yam dabtsi zoo uas tuaj hauv lub nroog Naxales tuaj” (Yauhas 1:46).
Nathana-ees paub zoo txog thaj chaw no.
Tiamsis Vajtswv yeej tsis xam txog lub nroog Naxales thiab Kalilais lub koob npe. Vajtswv zoo siab mus rau qhov chaw no, tsis muaj leej twg ceev faj txog, mus nrhiav ib tug ntxhais muaj kev ntseeg. Nws ntsia thoob ntiajteb xaiv ib tug pojniam xeeb Nws tus tub.
Thiab Malis yog txoj kev xaiv uas zoo kawg nkaus! Nws yuav xeeb tub tsis tas yuav nrog ib tug txiv neej twg pw. Ib tug ntxhais nkauj xwb yuav yug Vajtswv tus tub. Ua raws li tus timtswv tej lus, Malis tsuas paub nug ib lo kom yog kev lub sijhawm ntawd:
“Malis nug tus timtswv hais tias, “Kuv yog ib tug nkaujxwb, yuav ua li cas muaj tau li ntawd?” (Lukas 1:34).
Timtswv teb tias qhov no yuav muaj raws li Vaj Ntsujplig lub hwjchim.
“Tus timtswv teb hais tias, “Vaj Ntsujplig tus Dawbhuv yuav los rau saum koj, thiab Vajtswv lub hwjchim yuav roos koj. Vim li no sawvdaws thiaj yuav hu tus metub uas dawbhuv uas yuav yug los ntawd hais tias, nws yog Vajtswv tus Tub” (Lukas 1:35).
Txujci yuav tsis muaj yog tsis muaj Vaj Ntsujplig ua haujlwm. Qhov no yog nyob rau hauv zaj xwm txheej no, thiab kuj yog nyob rau hauv peb lub neej niaj hnub nim no. zaj xwm txheej Tswv Yexus los yug kuj ntuas kom peb nco ntsoov tias, tsis yog tsuas nyob rau hauv koob tsheej Tswv Yexus yug xwb tiamsis tseem yog rau txhua hnub, peb puav leej cheem tsum Vaj Ntsujplig lub hwjchim kom ua tau lub neej raws li Vajtswv lub siab nyiam thiab ua tiav Vajtswv tes haujlwm Vajtswv npaj tseg rau peb.
Sim xav saib yog koj siv zog ua txhua yam tiamsis yeej ua tsis tau kom koj lub tsheb nrov. Thaum kawg koj pom tias nws lub hauv paus siav raug leej twg muab rho nqa lawm.
Kuj zoo li lub tsheb yuav tsis khiav yog tsis muaj lub hauv paus siav. Ib yam li ntawd peb yuav ua neej tsis tau yog tsis muaj Vaj Ntsujplig lub hwjchim.
Txujci yog Vajtswv tes haujlwm, tiamsis Malis kuj yuav tau ris nws lub nra. Timtswv hais rau Malis:
“rau qhov yeej tsis muaj ib yam dabtsi uas Vajtswv yuav ua tsis tau li” (Lukas 1:37).
Malis teb tus timtswv:
“Malis hais tias, “Kuv yog Vajtswv tus ntxhais qhev, thov kom muaj raws li koj hais ko rau kuv.” Ces tus timtswv txawm ncaim Malis mus lawm” (Lukas 1:38).
Nyob hauv txoj kev sib tham no, cov lus Kilis muaj lo lus “rhema” muaj lub ntsiab tob heev-txhais tias Vajtswv yog tus ua tau txhua yam, thiab Vajtswv txhua lo lus hais puav leej tau ua tiav. Thiab Malis teb cov lus ntawd los ntawm txoj kev ntseeg.
Vajtswv kuj xav kom peb teb Vajtswv tej lus zoo ib yam li Malis: “rau qhov Vajtswv tej lus muaj hwjchim, thov kom txhua yam ntawd tshwmsim los rau hauv kuv lub neej raws li tej uas Vajtswv tau hais”
Dhau los ntawm Malis tus qauv, peb kawm tau tias txhob muaj ib zaum twg muab Vajtswv tej lus cog tseg tso tseg. txawm yuav ntsib ntau yam kev tab kaum, yog peb pheeb ruaj ruaj rau ntawm Vajtswv tej lus, ces yeej tsis muaj ib yam dabtsi yuav tav tau peb kev. Vajtswv txojlus puv npo lub hwjchim thiab Vaj Ntsujplig lub hwjchim yeej ib txwm ua haujlwm rau txhua qhov.
Ntawm no yog lub sijhawm uas peb tos thiab yuav pom tej yam zoo uas Vajtswv yuav ua. Qhov no twb tshwmsim rau Malis lawm thiab kuj yuav tshwmsim los rau peb txhua tus.
Thov caw nrog kuv peb thov Vajtswv ua ke:
Tus Tswv, ua Koj tsaug vim zaj xwm txheej Tswv Yexus los yug ntuas kom kuv nco ntsoov tias yeej tsis muaj dabtsi uas koj ua tsis tau. Thov pab kom kuv muaj lub siab ntseeg li Malis, zoo siab hlo txais yuav Nws tej lus thiab txhais ruam mus, mloog lus. Kuv thov Vaj Ntsujplig lub hwjchim ua tus coj kuv lub neej, kom txhua hnub kuv ua lub neej raws li Vajtswv lub siab nyiam thiab pom tej yam zoo uas Vajtswv ua. Kuv thov hauv Tswv Yexus Khetos lub npe. Amees.
Cov kwv tij txhua tus, thaum uas tuav rawv Vajtswv tej lus thiab txhais ruam mus hauv Vaj Ntsujplig lub hwjchim, peb yuav kov yeej txhua txoj kev tab kaum. Txujci yuav tshwmsim tuaj tsis yog nyob rau lub sijhawm tseem ceeb xwb, tiamsis tseem nyob rau hauv txoj kev ntseeg me txhua hnub. Yam uas Vajtswv ua rau Malis, Vajtswv kuj muaj cuab kav ua rau peb. Cia li npaj kom txhij kom thiaj yuav ntsia pom tej yam zoo uas Vajtswv ua nyob rau hauv koj lub neej.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tag kis!
Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email:[email protected]. Tswv Yexus hlub koj. Thiab peb xav kom txuas tau nrog koj.
Leave a Reply