Puas muaj zaum twg koj ntshaw ib yam dabtsi twg, koj twb hu Vajtswv tiamsis tsis hnov Vajtswv teb? Lub ntiajteb niaj hnub nim no lawv nyias siv zog nrhiav tej kev cheem tsum rau nyias tus kheej. Peb – yog cov ntseeg Vajtswv – kuj zam tsis dhau txoj kev khwv noj rau lub neej txhua hnub. Tiamsis, Vajtswv xav kom peb yuav tau kawm paub txoj kev paub txaus siab rau yam Vajtswv muab pub, thiab paub tias Vajtswv yuav pub peb tej kev cheem tsum rau peb thaum txog Vajtswv lub sijhawm zoo.
Hnub no, yog hnub 18/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kay Camenisch dhau ntawm Zaj kawm UA LUB NEEJ TXAUS SIAB.
“Qhov ntawd kuj qhia rau kuv tias. “Tseeb tiag, tus ntseeg uas txaus siab rau tej uas nws muaj lawm thiaj yog tus npluanuj tiag. Thaum peb niam peb txiv yug peb los, peb yeej tsis coj ib yam dabtsi los. Thaum peb tuag peb yeej yuav coj tsis tau ib yam dabtsi mus thiab. Yog li ntawd, yog peb muaj noj muaj hnav lawm, peb cia li txaus siab rau tej ntawd xwb” (I Timautes 6:6-8).
Thaum tseem yau, kuv puav leej tau txais txhua yam uas kuv xav tau. Tiamsis ua neej nyob rau hauv tsev neeg muaj rau tus menyuam, kuv paub tias kuv yuav tsis mus taij nyiaj los yuav tej khoom zoo khiav raws li lub caijnyoog, lossis yuav tej yam uas zoo zoo tamsim. Thaum ntawd, kuv lo lus nug yog, “Kuv puas yuav cheem tsum tej ntawd?” Yog tias tsis cheem tsum, ces txoj kev mus thov nyiaj los yuav tsuas poob sijhawm thiab dag zog xwb.
Thaum loj hlob lawm kuv cim civ txiav txim siab rau kuv txoj kev siv nyiaj. Ntau zaug kuv yuav vim yog kuv nyiam yam khoom ntawd xwb, tiamsis txhua zaug zoo li ntawd, hauv kuv lub taubhau rov tshwm lo lus nug thaum tseem yau tuaj, “Kuv puas cheem tsum yam ntawd tiag?” Ntau zaug kuv los tsev thiab cim civ nug tias vim li cas kuv ho yuav qhov khoom ntawd, tiamsis, twb yog lo lus nug ntawd ua rau kuv tseg tau nyiaj ntau cia tsis yuav tej yam uas tsis cheem tsum.
Thaum tseem kawm ntawv qib siab xyoo peb, kuv xav yuav ib lub tsheb heev. Lub sijhawm ntawd tsis muaj coob tus tub kawm yuav tau tsheb, tiamsis txog rau lub caij ntuj tshiab xyoo ntawd, kuv cheem tsum tsheb mus ua haujlwm. Yog li kuv thiaj xav txog qhov uas yuav yuav ib lub tsheb kom tus kheej tau tsav. Yim xav ntau txog yam no, kuv ho yim pom tias txoj kev xav no nws yog kev.
Kuv paub tias tsev neeg tsis muaj nyiaj ntau, kuv yeej paub tias kuv peb tug tij laug thiab niam laus lawv yeej tsis muaj tsheb thaum lawv kawm ntawv qib siab. Kuv paub tias kuv niam lawv yeej yuav yuav tsis taus tsheb rau kuv. Tiamsis txoj kev xav no nws yeej tsis raug tav. Txog rau txoj kev ntshaw twb tsis muaj yuav ua li cas thiaj yuav tau tsheb. Kuv pheej xav zoo li cas los yeej yuav muaj kev mus xwb.
Txog koob tsheej Tswv Yexus yug xyoo ntawd, kuv rov qab los tsev, ntawm no yog ib lub sijhawm zoo rau kuv. Sawv daws puav leej tawm mus lawm, tsuas tshuav kuv thiab txiv wb zaum ua ke ntawm chav txais qhua xwb. Kuv tsis hais ncaj nraim rau txiv tias, “Txiv yuav ib lub tsheb rau kuv puas tau?” Tiamsis kuv nthuav kuv lub siab qhia rau txiv, “Thaum no kuv xav kom muaj ib lub tsheb rov rais mus los”.
Txiv maj mam teb tiamsis kuj txiav txim siab kiag. Txiv teb “Yog tias koj tab tom cheem tsum ces cia li mus nrhiav txoj hau kev.”
Lo lus teb ntawd xaus kuv thiab txiv wb txoj kev sib tham. Kuv paub tias yuav tsis tau dabtsi yog pheej mus thov txim kom txiv ua raws li kuv txoj kev xav.
Txiv lo lus teb ntawd ua rau kuv tsis xav txog qhov uas yuav yuav ib lub tsheb rau kuv tus kheej. Ntau zaug kuv tsis xav nrhiav kev – vim kuv paub tias yeej pab tsis tau kuv. Txog lub caij ntuj tshiab xyoo ntawd, kuv thiaj qiv cov phooj ywg cov tsheb mus xyaum haujlwm.
Sijhawm hloov pauv. Yog tias thaum ub, sawv daws siv nyiaj txuag thiab ua tib zoo ces thaum no, txoj kev siv nyiaj cuag li tau txiav txim siab los ntawm tej nyuag kev ntshaw ib pliag dua li yus txoj kev cheem tsum tiag.
Peb txoj kev ua lag luam tab tom hloov pauv vim cov neeg siv thiab cov chaw ua haujlwm puav leej siv cov nyiaj uas lawv tsis muaj. Lawv qiv nyiaj ntau tshaj thiab muab lwm yam coj mus luab ua nuj nqis ntau tshaj tej nyiaj uas lawv khwv tau los. Muaj ntau lub tsev cia nyiaj loj lawv tau txhawb kom siv nyiaj tsis tas yuav tswj tus kheej. Ntau zaug nom tswv kuj tab tom siv nyiaj tshaj qhov kev cheem tsum siv. Nyob rau ntawm ntau yam, ntau zaug cuag li peb hnov muaj tsis txaus yog peb tsis yuav yam uas peb ntshaw.
Ntau zaug kuv cim civ nug tias txoj kev khwv nyiaj no puas yuav zoo dua yog tias tib neeg tsis mus nrhiav kev. Vim thaum uas peb pib nyiam ib yam dabtsi twg lawm peb tsis muaj peev xwm them, peb pheej mus nrhiav kev daws. Thaum kawg txoj kev ntawd kuj ua rau peb ris nuj nqis ntau tom qab no.
Muaj ib txoj kev zoo yog qhia tej menyuam kom lawv mus nrhiav kev. Kuv nco niam txiv txiaj ntsig vim tau qhia rau kuv paub kom kuv yuav tej yam khoom nyob ntawm tej kev cheem tsum uas kuv cheem tsum tiag tiag txhob yog vim kuv ntshaw tej ntawd. Tsis yog tias thaum twg twb ua raws li tej yam yus ntshaw. Niam txiv qhia kom kuv paub txais yuav thaum uas lawv hais tias “tsis tau” rau kuv. Qhov no pab rau kuv swm thiab mus rau tom ntej. Kuv kuj tsis cia siab tias kuv tej kev ntshaw yuav tau txais, vim kuv twb kawm tau txoj kev paub txaus siab lawm.
Tib neeg pheej ntsia yam uas yus ua tau los ntawm tej uas yus muaj. Los txog rau tamsim no kuv yeej tseem muaj tsis txaus yam uas yus ntshaw. Tiamsis kuv nco niam txiv txiaj ntsig thaum uas qhia kom kuv mus nrhiav kev thaum kuv pib ntshaw ib yam dabtsi twg ntawd. Txawm yog tsis muaj neeg muab ib lub tsheb rau kuv los, txoj kev cob qhia ntawd yog ib qhov khoom plig rau kuv lub neej.
Qhov ntawd kuj qhia rau kuv tias. “Tseeb tiag, tus ntseeg uas txaus siab rau tej uas nws muaj lawm thiaj yog tus npluanuj tiag. Thaum peb niam peb txiv yug peb los, peb yeej tsis coj ib yam dabtsi los. Thaum peb tuag peb yeej yuav coj tsis tau ib yam dabtsi mus thiab. Yog li ntawd, yog peb muaj noj muaj hnav lawm, peb cia li txaus siab rau tej ntawd xwb (I Timautes 6:6-8).
Thov caw nrog kuv peb thov Vajtswv ua ke:
Tus Tswv thaum peb pom peb tej kev cheem tsum nyuaj teb, thov Vajtswv qhia peb kawm paub txoj kev txaus siab thiab paub Vajtswv koj lub siab nyiam nyob rau tej lub caijnyoog ntawd. Thov Vajtswv koj pub rau peb kom ua lub neej ntsia mus rau yam uas nyob ib txhis. Thov pab kom peb ntsia pom koj txoj kev muab pub nyob hauv txhua yam kom pab peb ntseeg siab rau koj txawm yog thaum uas peb hais tias peb “tsis kam” Kuv thov hauv Tswv Yexus Khetos lub npe. Amees.
Cov kwv tij tso siab thiab ntseeg siab rau Vajtswv yog tus tu koj txhua hnub. Vajtswv yeej hlub thiab tsis txav deb koj txawm yog koj ntsia tsis pom Vajtswv teb koj tej lus thov. Lub neej uas muaj kev txaus siab yog lub neej tau Vajtswv coj kev. Cia li ua lub neej muab siab ntseeg ruaj khov thiab nthuav tawm Vajtswv txoj kev zoo ntawd pub rau tej neeg ib ncig koj.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply