Muaj qee hom paj saib zoo nkauj heev tiamsis thaum me ze mam paub tias nws tsis tsw qab li. Muaj qee txoj kev txiav txim siab hauv peb lub neej cuag li zoo, tiamsis ho ua rau tsis haum Vajtswv siab. Vajluskub qhia rau peb paub muaj ib txoj kev tsimnyog rau noob neej, tiamsis thaum kawg ho coj mus txog rau txoj kev tuag. Yuav ua li cas thiaj yuav muaj kev txiav txim siab txawj ntse thiab kov yeej tej kev sim siab hauv lub neej?
Hnub no, yog hnub 26/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dianne Neal Matthews dhau ntawm Zaj kawm LUB PAJ LWJ.
“Tus pojniam pom hais tias, tsob ntoo ntawd zoo nkauj thiab tej txiv ntxim qab kawg li, tsis yog li ntawd xwb, nws xav hais tias tej txiv ntoo ntawd tseem yuav ua rau nws muaj tswvyim thiab. Ces nws txawm cev tes mus de cov txiv los noj . Nws muab rau nws tus txiv noj thiab.” (Chivkeeb 3:6).
Hnub 8 hli 6 xyoo 1937, nyob hauv lub vaj paj New York, Amelikas, muaj ib hom paj uas loj tshaj plaws tau tawg paj.
Hom paj loj loj no nws lub npe hu ua Sumatra Titan Arum (lossis hu ua paj tsw lwj) siab li 2 tshim 5. Thiab loj li 1 tshim 2.
Thaum mus saib cov paj no, cov qhua mus saib lawv xav tsis thoob rau tus pa tsw lwj ib yam li thaum tuag lawm.
Ntawm no yog hom paj nyob rau Sumatra, Indonesia, yog thaj chaw uas luag hu ua “Paj tuag tsw lwj”
Thawj tug tub txawg uas nws nrhiav tau hom paj no yog Odoardo Beccari, neeg Ý. Yawg xa lub noob mus rau nws tus thawj saib xyuas thiab nrhiav qhov chaw cog rau teb chaws Ý. Txij thaum ntawd los luag thiaj xa hom paj uas tsw lwj no mus rau lwm lub tebchaws.
Qhov no ua rau kuv xav txog ib hom paj tau sau txog nyob hauv Vajluskub. Pog Eva raws li nws lub qhov muag pom tsob txiv paub qhov phem thiab zoo saib zoo nkauj thiab ntxim qab thiab muaj cuab kav ua rau nws txawj ntse tuaj.
Chivkeeb 3:6 sau li no: “Tus pojniam porn hais tias, tsob ntoo ntawd zoo nkauj thiab tej txiv ntxim qab kawg li, tsis yog li ntawd xwb, nws xav hais tias tej txiv ntoo ntawd tseem yuav ua rau nws muaj tswvyim thiab. Ces nws txawm cev tes mus de cov txiv los noj . Nws muab rau nws tus txiv noj thiab.”
Thaum uas Adas thiab Evas nkawd tsis mloog Vajtswv lus thiab noj tsob txiv txwv, cuag li yog zoo, tiamsis ho coj yam tsis zoo los raug rau tib neeg. thawj zaug lub cim ntawm txoj kev tuag thiab nrhuav tshem pib nkag los rau hauv vaj Edees yeej ib txwm tau Vajtswv tsim los zoo kawg nkaus. Thaum uas nkawd ua txhaum thiab raug ntiab tawm hauv vaj mus.
Peb yeej tsis txawv peb tej yawg koob thaum ub txhua zaug uas peb swb lub zog ntawm txoj kev txhaum. Tej zaug ntawd yog ib tug cwjpwm qub saib nws yeej tsis muaj dabtsi, lossis ib txoj kev ua si, lossis ib txoj kev hlub zoo raws li yus lub qhov muag. Vim peb pom tias tsis muaj qab hau yog li peb thiaj tsis quav ntsej tej uas Vaj Ntsujplig ceeb toom tias qhov no tsis ua rau Vajtswv zoo siab.
Thaum kawg tej yam uas saib cuag li tsis muaj qab hau ho dhau los ua kev txhaum, coj txoj kev tuag thiab kev puas tshuaj los. kev txhaum ua rau peb txoj kev npau suav puas tshuaj, ua rau peb tes haujlwm uas peb tab tom koom tes tsis tau koob hmoov thiab tsis tawg paj txi txiv lossis thaum kev txhaum twb xaiv yuav yog kev tuag thiab tuag sab nqaij tawv.
Peb yuav tau nco ntsoov tias ib lub paj zoo, muaj ntau yam xim yeej tsis muaj lub ntsiab tias nws yuav tsw qab. Kuj ib yam li ntawd, ib txoj kev xaiv cuag li tsis muaj qab hau tsis tau txhais tias yuav tsis coj tej kev puas tshuaj los tom qab no.
Thov caw nrog kuv peb thov Vajtswv ua ke:
Tus Tswv peb lees tias peb tau xaiv raws li peb lub qhov muag pom tsis yog raws li koj tej lus qhia. Peb saib kev txhaum tsis muaj dabtsi thiab cia rau kev txhaum ua rau peb lub siab fab nyho. Thaum no peb nkaum hauv Tswv Yexus cov ntshav, thov Vajtswv koj zam txim rau peb thiab ntxuav kom peb huv. Thov Vajtswv pab kom peb nyob ze koj txhua txhua hnub, kom peb txais lub zog loj thiab paub Vajtswv koj tus ntsujplig kom kov yeej kev txhaum. Kuv thov hauv Tswv Yexus Khetos lub npe. Amees.
Cov kwv tij zoo li tsob ntoo paub qhov phem qhov zoo thaum ub: saib ntxim qab, zoo nkauj, tiamsis nws yuav coj mus raug txoj kev puas tshuaj, niaj hnub nim no koj lub siab puas tab tom kho siab khuav rau lub ntiajteb no? koj puas tab tom txeem qees rau koj txoj kev ntawm koj tus kheej, koj tej kev xaiv ua rau koj khuv xim? Cia siab tias cov mloog yuav nrhiav Vajtswv lub siab nyob hauv txhua tes haujlwm; thiab muaj lub siab mos muag ua raws li Vajtswv tej lus qhia.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply