Peb txhua tus lub neej piv zoo li ib txoj kev sib twv, txoj kev sib tw no yuav coj peb mus txais tau qhov khoom plig uas loj tshaj plaws nyob rau saum ntuj ceebtsheej. Nyob hauv txoj kev sib tw ntawd, yeej tsis muaj dabtsi tseem ceeb npaum li qhov uas peb yuav tau npaj kom txhij txhua yam rau sab ntsujplig: Vaj Ntsujplig cov roj thiab dej uas yog Vajtswv tej lus. Tsuas yog li no xwb, peb thiaj yuav hla dhau tej kev sim siab, ceev tau peb txoj kev sib tw khiav thiab yeej tsis so khiav mus rau tus ciam tom kawg uas yog Vajtswv.
Hnub no, yog hnub 27/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm TXOJ KEV SIB TW HAUV LUB NEEJ.
“Yog li ntawd, kuv thiaj li khiav ncaj nraim mus rau tus ciam tom kawg kom kuv tau nqi zog. Qhov nqi zog ntawd yog txojsia ntev dhawv mus ibtxhis uas Vajtswv khaws cia rau saum ntuj ceebtsheej tos peb cov uas ntseeg Yexus Khetos” (Filipis 3:14).
Yog ib tug tub sib tw nws yuav mus tau hov deb yog tias nws lub tsheb tsis muaj roj, lossis tsis muaj dej ywg kom txhob kub? Peb lub neej los kuj zoo li ib txoj kev sib tw kom txais tau qhov khoom plig tab tom nyob tom tus ciam kawg tos peb. Qhov tseem ceeb yuav tsum muaj yog peb yuav tau kawm paub tej yam cheem tsum kom mus txog rau tus ciam tom kawg.
Zoo li cov tsheb sib tw cheem tsum roj thiab dej thiaj khiav tau zoo ces peb kuj yuav tau npaj tej ntawd ib yam nkaus li ntawd. Peb yuav tau hliv rau peb lub teeb kom puv nkaus. Nyob hauv Vajluskub Tshiab, roj piv rau Vaj Ntsujplig. Dej sawv cev rau qhov uas peb tau Vajtswv txojlus ntxuav kom peb lub hlwb thiab tus ntsujplig huv. Muaj qee nqe Vajluskub hais txog qhov no li no:
“Lub sijhawm ntawd ntuj ceebtsheej piv ib yam li kaum tus hluas nkauj uas taws teeb mus tos tus nraug vauv” (Mathais 25:1).
“Nws muab dej thiab muab nws Txojlus los ntxuav cov ntseeg kom huv, nws thiaj zoo muab lawv pub rau Vajtswv” (Efexaus 5:26).
Muaj tej zaug ntshe peb yuav ntog lossis ntau zaug ho yuav tau maj mam tsuav yog peb mus ntxiv xwb, ces peb yuav mus txog rau tus ciam tom kawg. nyob hauv txoj kev sib tw, yeej tsis muaj ib tug tub sib tw twg yuav rov qab los rau ntawm qhov pib li. Lawv yuav tau tsom ntsoov mus rau tus ciam kawg, tshwj xeeb yog rau ncua kev kawg hauv txoj kev sib tw. Yeej tsis muaj yuav rov qab thiab pib hauv hauv paus. Peb yuav tau tig mus rau ntawm lub homphiaj loj tshaj plaws hauv Tswv Yexus.
“Yog li ntawd, kuv thiaj li khiav ncaj nraim mus rau tus ciam tom kawg kom kuv tau nqi zog. Qhov nqi zog ntawd yog txojsia ntev dhawv mus ibtxhis uas Vajtswv khaws cia rau saum ntuj ceebtsheej tos peb cov uas ntseeg Yexus Khetos” (Filipis 3:14). Txoj kev kom txais tau kev muaj yeej yog MUS RAU TOM NTEJ. Tuav txoj kev sib raug zoo ua ke nrog Vajtswv dhau los ntawm txoj kev thov Vajtswv, nyeem thiab tshawb nrhiav Vajluskub txhua hnub. Cia cov dej uas yog Vajtswv cov lus yuav ntxuav koj tus ntsujplig, ua rau kom koj huv tsis muaj dabtsi caws pliav.
Cia Vaj Ntsujplig cov roj puv npo rau hauv koj lub teeb, ntxiv zog tshiab rau koj hauv koj txoj kev sib tw. Ntawm no yog Vaj Ntsujplig txoj kev ywg roj, yog lub cim qhia paub tias Vajtswv tshwm ntsej muag nyob hauv koj lub neej.
Yog, ntawm no yog txoj kev sib tw uas tseem ceeb peb yuav tau caum. Peb tab tom khiav mus rau ntawm TUS CIAM NYOB MUS IB TXHIS. Ceev kom zoo rau ncua kev kawg, vim ntuj ceebtsheej tab tom tos peb. nyob ntawd, peb yuav tau ntsib Tswv Yexus, tus uas tau tuag rau peb. Yuav tau npaj kom txhij thiab pib KHIAV!
Thov caw nrog kuv peb thov Vajtswv ua ke:
Tus Tswv thov koj pab peb kom peb nco ntsoov tias lub neej no yog ib txoj kev sib tw tsis so khiav kom tau koob meej nyob saum ntuj ceebtsheej. Thov Vajtswv pub Vaj Ntsujplig cov roj rau peb kom peb thiaj yuav mus taus ntxiv tsis qaug zog. Thov Vajtswv ntxuav kom peb huv los ntawm koj tej lus dawbhuv uas yog koj tej lus. Thov kom Vajtswv txoj kev tshwm ntsej muag yuav yog lub zog loj pab kom peb tsis qaug zog nyob hauv ncua kev sib tw kawg no. Kuv thov hauv Tswv Yexus Khetos lub npe. Amees.
Cov kwv tij, hnub no koj thiab kuv tab tom taug ncua kev kawg hauv txoj kev sib tw ntawm sab ntsujplig. Thov kom peb yuav tsis hnov qaug zog lossis ua xyem xyav tiamsis siv zog khiav mus rau tom hauv ntej. Rau qhov peb paub tias nyob tom tus ciam kawg, Vajtswv tab tom xyab nws txhais tes dav dav tos peb. Nws yog peb lub zog tshiab, yog qhov chaw pheeb ruaj khov rau peb txhua tus kom peb txais tau qhov khoom plig loj uas Vajtswv twb npaj txhij nyob saum ntuj ceebtsheej lawm. nyob twj ywm hauv txoj kev sib tw, vim peb txhua kaujruam tab tom mus nyob ze Vaj Leej Txiv tus muaj kev hlub!
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!.
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.