Puas muaj zaum twg koj khib lossis xav kom tau ua lub neej zoo li lwm tus lub? Koj xav kom koj yog neeg txawj ntse, ua tau haujlwm zoo thiab muaj koob npe zoo li lawv? Peb yuav tsum tau nco ntsoov tias Vajtswv tsim peb los zoo kawg nkaus, ib leeg nyias muaj nyias ib qhov haujlwm. Nyob hauv Vajtswv lub homphiaj zoo kawg nkaus tag nrho peb txhua tus yuav zoo tshwj xeeb raws li qhov uas nyias tau tsim los.
Hnub no, yog hnub 05/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sherry Meneley dhau ntawm Zaj kawm LUB NOOB ME
“Koj yog tus tsim kuv lub cev txhua yam huv tibsi, thiab koj yog tus uas puab kuv rau hauv kuv niam plab. Kuv qhuas koj rau qhov koj thiaj yog tus uas tsimnyog sawvdaws hwm, tej uas koj ua mas kuv xav tsis thoob thiab tsis txawj piav li, tiamsis kuv paub hais tias tej ntawd yeej yog koj ua” (Ntawv Nkauj 139:13-14).
“Koj yog tus tsim kuv lub cev txhua yam huv tibsi, thiab koj yog tus uas puab kuv rau hauv kuv niam plab. Kuv qhuas koj rau qhov koj thiaj yog tus uas tsimnyog sawvdaws hwm, tej uas koj ua mas kuv xav tsis thoob thiab tsis txawj piav li, tiamsis kuv paub hais tias tej ntawd yeej yog koj ua. Thaum kuv tej pobtxha tabtom hlob tuaj sib dhos ua ke hauv kuv niam plab, thiab kuv hlob nraim nkoos hauv nruab thiab los koj yeej paub hais tias kuv nyob hauv. Thaum kuv tseem tsis tau yug los, koj twb pom kuv lawm, kuv tej hnubnyoog ua neej nyob, koj twb xub muab sau rau hauv koj phau ntawv ua ntej uas tsis tau muaj tej hnubnyoog ntawd lawm” (Ntawv Nkauj 139:13-16).
Sim xam saib piv xam koj nyuam qhuav muab lub noob kws coj mus cog rau hauv av, tu, ywg dej thiab tos kom tuaj. Txog rau ib hnub, pom tej kaus tuaj ntsuab mos nyoos. Zoo kawg li thaum uas saib pom tej no. Tomqab ntawd koj tu ywg dej thiab cia cov kaus ntawd ziab tshav. Ib thiv tas ib hlis tuaj dhau mus- thaum no tsob pob kws pib loj hlob! Yuav xav tsis thoob, koj pom tias lub pob uas nyob hauv tsob pob kws ntawd tsis yog lub pob kws nws ho yog tib lub txiv pos!
Qhov no puas yuav tshwmsim tau li no? Lub noob yog kws ces nws yeej yuav yog pob kws. Lub noob txiv ntoo ces yeej yuav yog txiv ntoo, lub noob nplej ces yeej yuav yog nplej! Kev txawj ntse thiab cov tub txawg tau siv zog kom tsim muaj ib cov noob tshiab, tiamsis thaum koj pib cog ib yam noob dabtsi twg, ces koj yeej paub zoo tias koj yuav tau sau hom txiv twg. Vim txhua lub noob nws yeej tau tsim los tshwj xeeb li ntawd, kom tawg kaus raws li nyias yam.
Zoo kawg nkaus, koj ntsia rau ob lub noob me me no zoo thooj tib yam, thiab paub tias nws yuav tawg kaus tuaj ob tsob sib txawv. Ib lub noob twg yeej tau tsim tseg rau yam ntawd. Piv txwv lub noob sồi thiab củ hoa nghệ tây, ob hom no ob lub noob me heev, nws muaj ntsis dub, thiab saib tsis muaj txojsia hauv li – saib mas yeej yuav tsis yog tej tsob ntoo zoo nkauj thaum uas loj hlob tuaj li – dhau los ntawm tej uas tau tsim tseg zoo kawg nkaus nyob rau hauv txhua lub noob ntawd, yog tau muab mus cog thiab tu kom yog kev, lub noob yuav dhau los ua tau tsob ntoo loj, tiv thaiv tshav kub thiab tseg ua zaub noj rau ntau xyoo tom qab. Tshuav cov củ hoa nghệ tây yuav dhau los ua ib hom paj uas tawg zoo tshaj plaws, tsw qab ntxiag, tsuas nyob ib vuag xwb nws yuav tag nws txoj kev ua neej li tau teem tseg.
Peb txhua tus nyias yeej muaj nyias kev ntshaw thiab kuv npau suav zoo tsis sib thooj. Muaj qee tus yuav xav kom yus dhau los ua tsob ntoo khov kho, ua tau tej haujlwm loj thiab tseg tau koob npe zoo cia. Lawv xav dhau los ua ib tug neeg muaj nqi, ua tus tiv thaiv thiab saib xyuas tej neeg ib ncig, zoo li tsob ntoo tau ua duab nkaum tshav thiab tiv thaiv ntau yam. Muaj qee tus ces xav kom yus yog ib lub paj uas tawg tshiab tshaj, ua rau sawv daws nyiam saib thiab muaj sia. Tiamsis peb txhua tus lub neej puav leej tau Vajtswv teem tseg raws li Vajtswv lub homphiaj tshwj xeeb. Yog tias koj tau tsim los kom ua lub neej zoo li ib lub paj, ces koj yuav cim civ pauv mus ua ntoo tsis tau, thiab kuj ib yam li ntawd. Vajtswv tsim peb los nyias muaj nyias homphiaj, ib leeg muaj ib zaj xwm txheej, thiab nyias yuav ua nyias qauv sib txawv rau lub ntiajteb no. Vajtswv paub peb yog leej twg, txij thaum uas peb tseem yog lub noob me me.
Vajtswv tseb rau hauv peb ib leeg ib lub noob, muaj ntau lub peev xwm. Zoo li ib tug tub txawg txawj, Vajtswv yuav ywg dej, rau chiv, ci tshav kub thiab coj peb mus tso rau ntawm qhov chaw uas loj hlob zoo tshaj plaws. Yog tias kuv yog paj tsis yog ntoo, kuv yuav tsis siv zog hloov pauv tus yamntxwv uas Vajtswv muab pub. Yuav yog ib lub noob txo hwjchim, tawg kaus raws li daim ntawv teem tseg uas tus tsim los tau npaj tseg, thiab ua raws li Vajtswv lub homphiaj tau npaj rau kuv. Kuv tsis tas yuav khi lwm yam paj, ntoo nyob rau hauv vaj, vim kuv paub tias kuv tshwj xeeb – tshwj xeeb nyob hauv Vajtswv lub qhov muag thiab Vajtswv lub homphiaj tseg rau kuv.
“Tus Tswv hais rau kuv hais tias, “Thaum koj tseem tsis tau xeeb rau hauv koj niam plab, kuv twb xaiv koj thiab thaum tsis tau yug koj , kuv twb tsa koj ua tug cev Vajtswv lus rau txhua haivneeg lawm.” Kuv teb hais tias, “Tus Tswv uas kav ib puas tsav yam, kuv tsis paub yuav qhia li cas, rau qhov kuv tseem hluas.” Tus Tswv hais rau kuv hais tias, “Koj tsis txhob hais tias koj tseem hluas, tiamsis koj cia li mus rau hauv cov neeg uas kuv txib koj mus, thiab qhia txhua yam uas kuv kom koj qhia rau lawv. Koj tsis txhob ntshai cov neeg ntawd, rau qhov kuv yuav nrog nraim koj thiab tsomkwm koj. Kuv yog tus Tswv uas hais li ntawd.” Tus Tswv txawm cev tes kov kuv lub qhovncauj thiab hais rau kuv hais tias, “Koj mloog kuv hais, kuv muab kuv tej lus tso rau hauv koj qhovncauj” (Yelemis 1:4-9).
Thov caw nrog kuv peb thov Vajtswv ua ke
Ua Vajtswv tsaug vim peb txhua tus tau tsim los zoo kawg nkaus. Kuv paub tias kuv tsis tas yuav mus khib nrog ib tug twg, vim kuv tshwj xeeb hauv Vajtswv lub qhov muag. Thov Vajtswv pab kom kuv pom txog Vajtswv lub homphiaj zoo kawg nkaus tseg rau peb txhua tus lub neej. Thov Vajtswv qhib peb lub hlwb, kom peb loj hlob thiab cig raws li Vajtswv lub siab nyiam uas zoo kawg nkaus. Kuv thov hauv Tswv Yexus Khetos lub npe. Amees.
Cov kwv tij txhua lub noob me me ntawd nws yeej muaj nws txojsia zoo kawg nkaus nyob hauv tau tsim los tseg kom tuaj kaus dhau los ua ib tsob ntoo twg ntawd. Thiab zoo ib yam li lub noob ntawd, peb txhua tus tau Vajtswv tsim los zoo kawg nkaus, ib leeg muaj nqis lawm ib yam raws li Vajtswv lub siab nyiam. Cia lub noob ntawd hauv peb txhua tus tawg kaus thiab loj hlob raws li Vajtswv txoj kev npaj, kom peb txhua tus yuav ua lub neej nthuav tawm Vajtswv lub npe. Vim nyob hauv Vajtswv lub homphiaj, peb txhua tus puav leej tshwj xeeb thiab muaj nqis.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply