Niaj hnub nim no saum fuab cua muaj ntau yam kev ua si yooj yim haub ntxias rub tau peb, ua rau tej lub sijhawm uas muaj nqis pub rau tsev neeg txawm cia li tsis muaj ntau. Nyob rau thaum lub neej muaj ntau yam haujlwm, peb hnov qab lawm hais tias, yeej tsis muaj dabtsi yuav hloov pauv tau tej menyuam lub suab luag, niam txiv txoj kev puag tej menyuam lossis tej zaj lus sib tham ua ke ntawm tsev neeg. Nyuaj siab tshaj ntxiv thiab yog peb hnov qab tseg sijhawm rau Vajtswv thiab tsis tag siab nrhiav Vajtswv.
Hnub no, yog hnub 28/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm KEVCAI TSHIAB HAUV TSEV NEEG.
“Thaum nej mus nyob hauv luag tej tebchaws, yog nej muab siab rau nrhiav tus Tswv uas yog nej tus Vajtswv tiag, nej yeej yuav ntsib nws. Thaum tej xwm no los raug nej thiab nej raug kev txomnyem ntxhov siab, thaum ntawd nej yuav tig rov los cuag tus Tswv thiab mloog nws lus. Nws yog tus Vajtswv uas muaj kev hlub. Nws yuav tsis tso nej tseg lossis ua rau nej puastsuaj, nws yuav nco ntsoov tej Ius uas thaum ub nws tau cog tseg rau nej cov yawgkoob lawm” (2 Kevcai 4:29-31).
Kuv tsev neeg nyuam qhuav tsim muaj ib txojcai tshiab. Tej zaug nws ho yuav yog ib txojcai uas zoo! Txij li thaum uas pib kawm ntawv rau xyoo tshiab yog lub cuaj hlis, kuv tus ntxhais – yog ib tug kws qhia ntawd – tau tsim txojcai no. Ntawd yog peb tsis saib tivi lossis saib xov tooj rau tej hmo tsaus ntuj. Tsuas saib xov xwm xwb, tshuav sijhawm ces tsis pub saib ntxiv lawm. tshuav hmo rau ces yuav ua cas ua. Txojcai no tsim los pab kom kuv tus ntxhais xeeb nws yuav kawm tau ntawv zoo nyob hauv tsev kawm ntawv. Alexandra thaum no kawm qib 2 thiab pib muaj ntau yam yuav ua thaum los tsev. Tseg tsis saib tivi yuav pab kom nws muaj ntau sijhawm, muaj sijhawm los kawm tej yam muaj nqis dua xws li kawm ntawv, nyeem ntawv, nrog tsev neeg nyob ua ke, thiab zoo siab ua si ua ke.
Ib qhov txojcai no tau tsim muaj lub homphiaj yog coj peb tsev neeg los nyob ua ke. Tom qab ib hnub ua haujlwm khwv khwv, cuag li sawv daws kuj xav kom tau so thiab tsau tsawv rau hauv nyias qhov chaw so, tsuas yog tseg saib xov tooj lossis saib tej movies luv luv tsis muaj qab hau. Nyob rau txoj kevcai tshiab no, tag nrho kuv tsev neeg yuav tau ncaim lub tivi thiab fuab cua tseg los nyob ua ke, xav txog ib ntu Vajluskub, hu nkauj qhuas Vajtswv thiab thov Vajtswv ua ke. Tom qab ntawd, peb ib leeg thiaj qhia ib leeg txog tej zaj xwm txheej luv luv rau tej hnub dhau los. pauv qhov uas peb saib ntsoov peb lub xov tooj, txhua hmo peb los nyob ua ke ua rau kuv tsev neeg dhau los muaj nqis thiab muaj txoj kev sib txuas tau zoo heev.
Txij li thaum muaj txoj kevcai tshiab no, kuv pom kuv tus ntxhais xeeb nws muaj kev zoo siab tuaj tos kuv txhua zaug kuv mus ua haujlwm los. thaum uas tseem raug lub tivi ua tab kaum kuv, kuv tus ntxhais xeeb nws yuav tshua txog tsev neeg thiab txhua yam nyob ib ncig. Kuv tseem nco lub sijhawm uas kuv tau kuv tus ntxhais xeeb tuaj tos txhua zaug uas kuv los txog tsev, nws saib ntsoov kuv. Nws txoj kev zoo siab muaj nyob ua rau kuv sov siab, txhua zaug uas kuv tus ntxhais zoo siab khiav tuaj tos kuv.
Qhov no ua rau kuv xav txog lub sijhawm uas kuv tseg rau Vajtswv. Kuv txais tos Vajtswv hauv kuv lub siab los ntawm tus cwjpwm zoo li cas? tsis paub kuv puas txais tos kuv tus cawm seej los ntawm txoj kev hlub thiab kub siab lug? Kuv lub siab no puas kub lug thaum uas mus cuag Vajtswv, ib yam li kuv tus ntxhais khiav tuaj tos kuv? Nyob rau lub sijhawm nyob ib leeg, kuv tsom ntsoov rau Vajtswv, zoo siab txais tos los ntawm txoj kev zoo siab? Lossis kuv yuam kev rau hauv ib puas tsav yam haujlwm hauv lub neej, hnov qab tsis nrhiav Vajtswv thiab Vajtswv tej lus qhia?
“Thaum nej mus nyob hauv luag tej tebchaws, yog nej muab siab rau nrhiav tus Tswv uas yog nej tus Vajtswv tiag, nej yeej yuav ntsib nws. Thaum tej xwm no los raug nej thiab nej raug kev txomnyem ntxhov siab, thaum ntawd nej yuav tig rov los cuag tus Tswv thiab mloog nws Ius. Nws yog tus Vajtswv uas muaj kev hlub. Nws yuav tsis tso nej tseg lossis ua rau nej puastsuaj , nws yuav nco ntsoov tej Ius uas thaum ub nws tau cog tseg rau nej cov yawgkoob lawm” (2 Kevcai 4:29-31).
Nyob rau tej lub sijhawm ntsiag to, thaum kuv tseg sijhawm los xav, muaj ntau lub homphiaj thiab ntau txoj kev npaj hla dhau hauv kuv lub hlwb, zoo li ib nthwv dej ntsawj ua rau kuv lub siab no yij fab yij fwj tsis so. Kuv pom tias, zoo li kuv tus ntxhais xeeb txoj kev zoo siab thaum nws txaus siab rau tej zaj movies, kuv kuj raug haub ntxias rau tej yam zoo ib vuag hauv lub ntiajteb no. txawm li ntawd los Vajtswv yeej xyab tes txais tos kuv, txawm yog thaum kuv tab tom siv zog khwv heev hauv lub ntiajteb no hnov qab tsis tseg sijhawm pub rau Vajtswv. Thiab kuv paub hais tias tsuas yog tau nyob hauv Vajtswv txoj kev tshwm ntsej muag xwb, ces kuv yuav ntsia pom txoj kev zoo siab mus ib txhis.
“Koj yuav qhia txojkev uas mus tau txojsia rau kuv, koj nrog nraim kuv ua rau kuv txaus siab thiab zoo siab mus ibtxhis” (Ntawv Nkauj 16:11).
Thaum twg los kuv twb zoo siab thaum uas kuv ntsia pom kuv tus ntxhais xeeb, tiamsis tseeb tiag kuv zoo siab heev thaum kuv tus ntxhais xeeb nws tshua txog kuv. Yog li, tag nrho kuv tsev neeg thiaj cog lus kawm tseg lub sijhawm pub rau Vajtswv thiab ib leeg pub rau ib leeg, kom sib pab sib tu zoo tshaj plaws. Cia li los mus cuag Vajtswv nrog txoj kev zoo siab thiab muaj kev txaus siab, hlub Vajtswv tag siab tag ntsws, thiab tseg tag nrho pub rau Vajtswv.
Thov kom peb nco ntsoov tias Vajtswv hlub peb npaum cas.
Thov caw nrog kuv peb thov Vajtswv ua ke:
Ua Vajtswv tsaug vim Koj tau pub rau kuv muaj tsev neeg. thov pab kom kuv pom tias yeej tsis muaj dabtsi muaj nqis tshaj lub sijhawm uas peb tau nyob ze Vajtswv thiab cov neeg txheeb ze hauv yus tsev neeg. thov Vajtswv qhia txoj kev rau peb kom peb sib hlub thiab sib pab, kom peb txhua tus yuav koom ua neej ib hnub puv npo kev hlub thiab kev zoo siab. Thiab ua ntej tshaj plaws, thov Vajtswv pab kom peb yuav tsom ntsoov rau hauv Vajtswv, tuav txoj kev sib raug zoo ua ke nrog Nws. thov kom Vajtswv nrog nraim kuv tsev neeg, thiab saib xyuas kuv los ntawm txoj kev hlub tsis hloov pauv. Kuv thov hauv Tswv Yexus Khetos lub npe. Amees.
Cov kwv tij, cia siab tias hnub uas nco txog tsev neeg zoo li hnub no yuav yog ib lub sijhawm tseg rau peb muab xov tooj, máy tính, thiab txhua yam ua tab kaum peb tso tseg, tig rov qab los rau ntawm peb tsev neeg. saib taus txoj kev sib raug zoo hauv tsev neeg uas Vajtswv tau muab pub, vim ntawd yog qhov chaw ruaj khov rub peb, thiab yog lub hauv paus zog loj pab kom peb tiv dhau tej kev sim siab hauv lub neej. Tseem ceeb dua ntais yog tseg sijhawm los txais yuav Vajtswv rau hauv peb lub siab, caw Vajtswv ua lub teeb ci pom kev thiab coj koj tsev neeg mus li.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.