Lub neej no muaj puas tsav yam haujlwm, txhawj xeeb ntau ua rau peb hnov qaug zog zis. Nyob rau hauv lub neej puv npo kev nyuaj siab thiab puas tsuaj li no, cuag li txoj kev mob tab tom nkag los thiab tsis tshwj ib tug twg li. Tiamsis thaum uas koj hnov tias cuag li yus tab tom tawm tsam nrog txhua yam nyob hauv lub neej, nco ntsoov tias muaj ib lub zog uas peb ntsia tsis pom nws yuav pab koj. Ntawd yog lub siab hlub uas Cawm Seej Tswv Yexus npaj txhij yuav pub rau peb, ib lub zog uas muaj cuab kav hloov pauv txhua txoj kev mob siab dhau los ua kev cia siab.
Hnub no, yog hnub 30/06/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Michael Plemmons dhau ntawm Zaj kawm VAJTSWV TUS DEJ SIAB.
“Nej cov uas sab sab vim ris nra hnyav, nej cia li los cuag kuv, kuv yuav cia nej so” (Mathais 11:28).
Kuv xav xa lo lus no rau tag nrho txhua txhia tus uas tab tom txomnyem, tag kev cia siab thiab nrhiav ib lo lus teb rau yus lub neej. Nyob rau lub ntiajteb ntxhov nyho li no, qhov uas nco txog qhov tseeb dhau los tseem ceeb dua ntais. Kev txomnyem yog yam uas peb tsis muaj ib tug twg yuav zam dhau. Tamsim no, muaj tsheej triệu tus tib neeg hauv ntiajteb no tab tom ris lub nra nyhav heev txog qib uas lawv cim civ hla tsis dhau.
Kuv xav xa lus rau cov ua niam ua txiv ib leeg, cov neeg uas niaj hnub ntsib txoj kev txhawj hauv lub neej. Muaj ntau yam rau koj txhawj thiab nyhav siab. Ib leej niam pluag txhua hnub nws txhawj tsis paub yuav ua li cas thiaj nrhiav tau txaus tej menyuam noj; txoj kev ntshai zov kev tos txhua zaug uas tej menyuam mus kawm ntawv, lawv yuav nkag mus rau lub ntiajteb puv npo teeb meem thiab tsis muaj kev cia siab. Yeej tsis muaj leej twg nkag siab tau tag nrho lub nra uas leej niam yuav tau ntsib dhau txhua hnub. txawm yog leej niam yuav siv zog tas nrho lub zog los, sijhawm thiab nyiaj txiag cuag li yeej tsis muaj ib zaug txaus los daws tej teeb meem uas nws yuav tau ntsib txhua hnub.
Nyob thoob plaws lub qab ntuj no muaj ntau tus tib neeg lawv ua neej sib txiv qees kom dhau ib hnub. lawv yog cov ntsujplig uas muaj kev tu siab, cov neeg uas mus nrhiav cawv, nrhiav tshuaj los pab daws lawv txoj kev tag kev cia siab nyob hauv lawv tus ntsujplig. Muaj ntau tus neeg lawv yeej tsis tau paub txog txoj kev sov siab ntawm ib tug tib neeg ua rau ib tug, lub siab mos muag ntawm txoj kev hlub, lossis txoj kev txhawb zog. Lawv muaj tej qhov txhab hauv lub neej yav dhau los, tej kev tu siab vim lawv raug quab yuam. Nyob rau lub ntiajteb muaj tib neeg coob lawv nyob nraim nkoos. Lawv maj mam nkag ua lub neej dhau ntawm tsis muaj kev xav, lawv tsis paub kev hlub lawm los ntawm tej tshuaj tua. Txoj kev mob loj txog qib lawv xaiv tsis kam ntsib, kom tsis txais ib yam dabtsi ntxiv.
Kuv xav xa rau tus uas tab tom hnov tias luag hnov qab yus lawm, cov uas muaj lub siab ntim puv nkaus tej kev mob siab thiab kev tsis kaj siab. Muaj ib tug uas koj yuav nrhiav tau nyob rau lub sijhawm uas tag kev cia siab, ib tug nkag siab zoo koj txoj kev mob siab, tus uas los kua muag rau koj txoj kev tag kev cia siab, kev txomnyem uas koj tab tom ris. Ntawd yog Tswv Yexus, tus uas tuag txomnyem rau tib neeg ntiajteb. Nws yog Vajtswv los yug ua neeg, los rau hauv ntiajteb no ua ib teg haujlwm tseem ceeb. Nws xav xa lo lus no txhawb rau peb txhua tus: “Kuv los yog los ua rau kom yaj tau txojsia thiab lub neej puv ntoob.” (Yauhas 10:10).
Nws tiv nws ib leeg, zoo li txhua tus tib neeg txomnyem ib ncig ntawm peb. nws raug muab ntsia saum Ntoo Khaub Lig tsis yog vim nws ua txhaum. Nws ua lub neej puv npo kev hlub tshua thiab muaj kev zam txim. Nws txaus siab hlo pab txhua txhia tus uas los cuag Nws. Tiamsis cov neeg uas Tswv Yexus hlub ntawd ho yog cov uas tsa suab nrov nrov nyob hauv lub rooj txiav txiav: “Muab nws ntsia rau saum Ntoo Khaub Lig” Tswv Yexus lub siab mos muag, puv npo kev hlub thiab ua siab ntev! Tiamsis Tswv Yexus paub tias dhau ntawm nws txoj kev tuag, nws yuav coj txoj kev cia siab tshiab pub rau tib neeg ntiajteb mus ib txhis tom ntej no.
Tswv Yexus twb qhib lub qhov rooj hauv txoj kev tuag kom txhua tus uas ntseeg Nws puav leej yuav tau mus cuag Vaj Leej Txiv. Tswv Yexus tej lus tsis hloov pauv raws lub sijhawm. Pub rau cov neeg uas tau muaj lub siab puas ntsoog, tsis tau paub txog txoj kev tau luag lwm tus tu lawv: Tswv Yexus lub suab nrov rau txhua qhov, nqua hu kom koj los cuag Nws. kuv tsis hais txog ib txoj kev ntseeg twg lossis ib tug neeg twg hauv keeb kwm. Kuv tab tom hais rau koj – yog tus uas tiv txoj kev mob, Tswv Yexus xyab tes los txais tos koj lub sijhawm no. Tswv Yexus cia siab tias koj yuav los cuag Nws, cia li muab yam uas koj ua tsis tau koj kev txhawj fij rau Vajtswv. Tswv Yexus yog tus uas yuav pab koj ris koj qhov kev mob siab, kom koj txais tau Nws txoj kev hlub.
Rau qhov Tswv Yexus yog kev hlub thiab nws zam txim. Nws yuav pab kom koj tiv dhau txoj kev mob thiab lub nra nyhav uas koj tab tom tiv. Nws zoo siab hlo tso tseg kom kho zoo koj tej kev txomnyem kev mob. Tswv Yexus cog lus tias Nws yuav txais yuav txhua tus uas los nrhiav Nws. cia li qhib koj lub siab los txais yuav Nws, muab koj tej kev mob siab kev nyuaj siab fij rau Nws, nws yuav so koj kua muag, thiab coj qhov kaj uas pom kev nrig tsom tuaj rau ntawm koj txoj kev tag kev cia siab, thiab txoj kev zoo siab yuav nyob mus ib txhis, hla dhau tus ciam ntawm txoj kev tuag.
Nws xa rau cov uas tab tom muaj kev tu siab tias: “Nej cov uas sab sab vim ris nra hnyav, nej cia li los cuag kuv, kuv yuav cia nej so” (Mathais 11:28).
Thov caw nrog kuv peb thov Vajtswv ua ke:
Tus Tswv lub sijhawm no kuv los cuag Koj ntawm lub siab puas ntsoog. Ua Koj tsaug koj tau hlub kuv, txog qib uas tuag theej kuv kom kuv thiaj muaj sia ua neej nyob. Thov Vajtswv nrog nraim kuv lub sijhawm uas kuv qaug zog, thaum uas kuv hnov kuv nyob ib leeg hauv lub ntiajteb tib neeg puv npo. Thov kom Vajtswv yog lub hauv paus qhov kaj coj kuv kev dhau ntawm tus duab tsaus ntuj, yog txhais teb rub kuv sawv txhua zaug kuv ntog. Kuv thov vam khom rau koj – yog kuv lub hauv paus cia siab hauv kuv lub neej. Kuv thov hauv Tswv Yexus Khetos lub npe. Amees.
Cov kwv tij, thaum uas ntsib lub neej muaj kev tu siab, nco ntsoov tias koj tsis nyob ib leeg. Tswv Yexus txoj kev hlub yuav qhib ib txoj kev cia siab tshiab – txoj kev coj mus txog rau ntawm qhov chaw kaj siab thiab tau koob hmoov, qhov chaw uas txhua txoj kev mob siab tau kho zoo, txhua lub kua muag puav leej yuav tau so kom qhuav. Qhib siab los ntseeg Nws, koj yuav ntsia pom txoj kev tau so tiag ntawm koj tus ntsujplig, lub neej puv npo kev hlub thiab kev cia siab. Cia li los cuag Nws thiab Nws yuav pub lub neej puv ntoob rau koj.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply