Cov ntseeg Vajtswv lub neej yog ib ntsus kev tsov rog ntawm sab ntsujplig tsis so. Thaum peb sawv ntawm yeeb ncuab txoj kev nrhuav tshem puas tau muaj zaum twg koj npau taws thiab xav tawm tsam lawm tau? Vajtswv txojlus qhia rau peb paub tias qhov cuab yeej zoo tshaj plaws siv los tawm tsam yeebncuab yog cov lus thov Vajtswv thiab pehawm. Thaum thov Vajtswv, peb tab tom tsa peb tej cuab yeej ntawm sab ntsujplig, npaj txhij yuav tawm tsam thiab kov yeej dhau los ntawm Vajtswv lub hwjchim.
Hnub no, yog hnub 02/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Craig von Buseck dhau ntawm Zaj kawm TEJ CUAB YEEJ TSOV ROG NTAWM SAB NTSUJPLIG.
“Tej lus uas tus neeg ncaj ncees thov Vajtswv, tej lus ntawd muaj hwjchim heev” (Yakaunpaus 5:16b).
Puas tau muaj zaum twg koj npau taws rau dab ntxwgnyoog vim tej teeb meem niaj hnub tshwm los raug rau hauv koj lub neej? Tej zaug koj yuav txomnyem siab ntsws vim tej menyuam tsis mloog lus, vim koj tus hlub tsis ntseeg Vajtswv, lossis tsev neeg txheeb ze tab tom poob kev txhaum. Ntau zaug dab ntxwgnyoog yuav ua rau koj npau taws heev, puas yog?
Tseeb tiag, muaj ib yam kev chim tau suav tias nws yog kev. Ces koj yuav tsis txhaum thaum uas koj chim rau dab ntxwgnyoog.
Yog li yuav ua li cas thiaj yuav tawm tsam yeej yeebncuab tej tswv yim? Tej zaug koj yuav xav tsis thoob ntawm lo lus: Peb yuav tau txo hwjchim teb los ntawm lo lus thov Vajtswv, lo lus qhuas Vajtswv thiab pehawm Vajtswv.
Thov Vajtswv thiab pehawm yog qhov cuab yeej muaj hwjchim loj tshaj plaws nyob rau hauv peb txoj kev tsov rog ntawm sab ntsujplig. Nyob hauv Tshwmsim, Yauhas hais meej meej tias Tswv Yexus cov thwjtim yuav tau pub hwjchim kom kov yeej Xatas:
“Rau qhov tus uas niaj hnub niaj hmo nkaug peb cov kwvtij ntseeg tabmeeg rau ntawm Vajtswv twb raug muab pov saum ntuj los lawm. Tus menyuam Yaj cov ntshav thiab Vajtswv Txojlus uas peb qhia twb ua rau lawv kovyeej tus uas nkaug lawv lawm. Txawm yog cov kwvtij ntawd yuav raug kev tuag los lawv tsis khuvxim lawv txojsia li”. (Tshwmsim 12:10-11).
Dhau los ntawm Paulus tej lus qhia, Vaj Ntsujplig ceeb toom kom peb tsis txhob tawm tsam nrog tib neeg – tiamsis tseeb tiag, peb txoj kev tsov rog tseem cov nyom tshaj qhov no. Ntawd yog ntsus kev tsov rog ntawm sab ntsujplig nrog rau lub hwjchim ntawm txoj kev tsaus ntuj:
“Rau qhov tsis yog peb tawmtsam neeg, tiamsis yog peb tawmtsam tej dab uas nyob saum nruab ntug, tsis hais cov thawj , tej uas muaj hwjchim loj thiab tej uas muaj hwjchim kav tiam tsaus ntuj” (Efexaus 6:12).
Yog li yuav ua li cas kom thiaj yuav kov yeej ntsus kev tsov rog ntawm sab ntsujplig no? Paulus qhia rau peb paub txog lo lus teb nyob rau hauv nqe txuas ntxiv:
“Yog li ntawd, nimno nej yuav tsum muab Vajtswv tej cuabyeej los hnav. Yog nej ua li ntawd thaum dab Ntxwgnyoog los tawmtsam nej, nej thiaj kovyeej . Thiab thaum tej kev tawmtsam ntawd dhau lawm, nej thiaj tseem nyob ruaj nrees.” (Efexaus 6:13).
Ib ncig ntawm peb puv npo cov uas muaj lub neej tsis zoo, cov neeg uas tab tom txomnyem rau ib txoj kev mob uas yog ib tug neeg tsis muaj Vajtswv. Lawv nyob ib leeg, tsis paub kev mus, tag kev cia siab thiab raug khi rau hauv txoj kev txhaum tsis muaj kev tawm. Vajtswv hu cov neeg uas nrog Nws mus kom dhau los ua ib tug duab ci pom kev, tsis yog tsuas pab cov ntsujplig yuam kev xwb, tiamsis tseem pab rau cov ntseeg Vajtswv tej cuab yeej cheem tsum kom coj qhov kaj mus rau tej neeg ib ncig.
Pib ntsus kev tsov rog ntawm sab ntsujplig los ntawm lo lus thov Vajtswv, qhuas Vajtswv thiab pehawm Vajtswv, peb yuav ntsia pom yeeb ncuab xwb thiab cov neeg uas raug kaw yuav tau tso dim. Yog li, hnub no, cia li ua pauj rau dab ntxwgnyoog los ntawm lo lus thov Vajtswv, vim:
“…ib tug yuav tsum lees kev txhaum rau ib tug, thiab ib tug thov Vajtswv pab rau ib tug, nej tej mob thiaj yuav zoo. Tej lus uas tus neeg ncaj ncees thov Vajtswv, tej lus ntawd muaj hwjchim heev” (Yakaunpaus 5:16b).
Thov caw nrog kuv peb thov Vajtswv ua ke:
Tus Tswv, txoj kev tsov rog ntawm sab ntsujplig uas peb tab tom ntsib tsis yog txoj kev tawm tsam nrog tib neeg, tiamsis yog txoj kev tawm tsam txhua lub hwjchim ntawm txoj kev tsaus ntuj. peb thov tsa siab tej cuab yeej ntawm sab ntsujplig uas koj pub, muab lo lus taij thov thiab lo lus qhuas koj los tawm tsam nrog yeebncuab. Thov Vajtswv koj siv peb zoo li tej cuab yeej nyob hauv koj txhais tes, kom dhau qhov ntawd, kev hlub thiab qhov tseeb yuav tau nthuav tawm thiab kov yeej txhua yam. Kuv thov hauv Tswv Yexus Khetos lub npe. Amees.
Cov kwv tij thaum uas peb ntsib tej kev tsov rog ntawm sab ntsujplig, nco ntsoov tias peb tsis nyob ib leeg. Peb muaj Vajtswv, muaj Vajtswv tej cuab yeej uas Vajtswv pub los ntawm tej lus taij thov, muaj kev ntseeg nyob hauv Vajtswv lub hwjchim. Yog cov ntseeg Vajtswv, peb yuav tau coj txoj kev ntseeg thiab kev cia siab pub rau lub ntiajteb no, kom peb kov yeej kev tsaus ntuj thiab ci qhov pom kev saum ntuj ceebtsheej pub rau cov neeg uas tab tom tsau tsawv rau hauv txoj kev tag kev cia siab.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply