Ua ntej uas peb tshwm ntsej muag los ua neej, Vajtswv twb sau peb lub neej cia lawm. Vajtswv npaj ib leeg nyias muaj nyias ib txoj kev – yog txoj kev uas puv npo Vajtswv kev hlub thiab Vajtswv txoj kev saib xyuas. Vajtswv tsis yog tsuas xaiv peb xwb tiamsis tseem tseg rau peb ib qhov chaw tshwj xeeb nyob hauv Vajtswv tsev neeg. Vajtswv tsis muaj hnub yuav tso peb tseg, txawm yog peb yuam kev lossis tig nraub qaum rau Vajtswv. Thiab thaum uas peb paub tias peb cheem tsum Vajtswv ces Vajtswv yuav qhib siab los txais yuav peb tig rov qab los cuag Nws. vim Vajtswv yog peb leej txiv saum ntuj.
Hnub no, yog hnub 04/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Susan M. Watkins dhau ntawm Zaj kawm LEEJ TXIV SAUM NTUJ.
“Tus TSWV yog tus tsomkwm kuv, kuv muaj txhua yam txaus. Nws cia kuv so hauv lub tshav uas muaj zaub mos nyoos ntsuab xiab thiab coj kuv mus rau ntawm lub pasdej ntshiab uas nyob ntsiag to. Nws txhawb kuv lub zog. Nws coj kuv taug txojkev ncaj ncees raws li nws tau coglus tseg.” (Ntawv Nkauj 23:1-3).
Thaum tseem yau, kuv lub siab no puv npo txoj kev ntshaw kom tau kawm paub Vajtswv. Tiamsis, lub neej no hloov pauv tsis nres, nrog txoj kev loj hlob, tej kev ntshaw thaum me ploj zuj zus nrog tej kev hloov pauv hauv lub ntiajteb no. Thoob plaws lub sijhawm ntawd, Tswv Yexus yog Leej Txiv saum ntuj yeej tseem ua siab ntev tos. Vajtswv txoj kev ua siab ntev tob mus txog qib uas peb yuav siv lub hlwb no los ntsuas tsis tau. Tib pliag xwb ntau xyoo dhau mus, txog rau thaum uas kuv rov qab ntshaw kom tau Vajtswv dua ib zaug ntxiv. Tseeb tiag, kuv tus ntsujplig tab tom tshaib nqhis txhua yam. Zoo li tus tub loj leeb, kuv “xeev” rov qab los tsev. Thaum lub neej poob ti nkaus pem teb, kuv pom tias kuv txomnyem tshaj plaws.
“Tus TSWV yog tus tsomkwm kuv, kuv muaj txhua yam txaus. Nws cia kuv so hauv lub tshav uas muaj zaub mos nyoos ntsuab xiab thiab coj kuv mus rau ntawm lub pasdej ntshiab uas nyob ntsiag to. Nws txhawb kuv lub zog. Nws coj kuv taug txojkev ncaj ncees raws li nws tau coglus tseg.” (Ntawv Nkauj 23:1-3).
“Kuv yuav muaj txaus txhua yam” – yog ib lo qhia tias tsuas yog Vajtswv xwb thiaj muaj txaus lub hwjchim los ua kom tiav. Tib neeg lub peev xwm muaj nrim thiab yeej kho tsis tau tag txhua yam kev mob, tiamsis peb tib neeg lub siab ntshaw yeej xav kom tau loj dua peb lub peev xwm. Tiamsis Vajtswv tej lus cog tseg ruaj khov. Txawv kuv muaj tsis txaus los Vajtswv Leejtxiv saum ntuj yeej pub kuv muaj txaus kev zoo siab xyiv fab. Vajtswv qhib lub qhov rooj saum ntuj, caw kom kuv nkag los thiab saib Vajtswv lub txhab nyob mus ib txhis. Zoo li tus poj vajntxwv tebchaws Senpas tau sawv ntawm vajntxwv Xalumoos lub txhab nyiaj, kuv kuj ntsiag to thaum ntsia pom txoj kev vam meej nplua nuj uas tsis muaj ib lo lus twg yuav siv los hais rau Vajtswv lub txhab nyiaj. Thiab zoo ib yam li Yauj, kuv tsuas paub tsa tes pos qhov ncauj, ua twj ywm xav tsis thoob thiab nco Vajtswv tshav ntuj.
“Vajtswv ua rau kuv tus ntsujplig txaus siab” coj lub siab puas ntsoog mus cuag Leej Txiv, lub siab no tsuas thov kom tau Vajtswv hlub. Tiamsis pauv rau qhov ntawd, leej txiv khiav los rau ntawm kuv samhwm kom npaj ib rooj noj rooj haus loj, muab cev zam uas zoo tshaj plaws rau kuv hnav muab lub nplhaib muaj hwjchim rau kuv coj. Kuv ntseeg tsis tau tej yam zoo no tab tom tshwmsim tuaj. Puas yog leej txiv tab tom tig los rau ntawm kuv? Kuv tau Vajtswv txais yuav kuv los ntawm Vajtswv txhais tes sov so. Leejtxiv muab lub tsho ncaj ncees coj los hloov pauv rau kuv lub tsho qub uas lo av qias ntsuav. Tom qab txoj kev sib ntsib. Vajtswv coj kuv mus rau ntawm qhov chaw tau so. Tsis yog nyob ntawm thaj chaw tsis muaj dabtsi, tiamsis yog qhov chaw muaj zaub mos nyoos uas Vajtswv twb npaj tseg rau kuv. Kuv txais tau txoj kev kaj siab lug, tau tsau tsawv rau hauv tus dej ntws huv siab si. Thiab nyob rau qhov ntawd, kuv muaj txoj kev kaj siab, tau tso dim, tau tiv thaiv thiab Vajtswv pib ua Vajtswv qhov haujlwm kho zoo kuv tus ntsujplig, kom kuv txhais ruam mus rau ntawm txoj kev ncaj ncees.
“Thaum koj tseem tsis tau xeeb rau hauv koj niam plab, kuv twb xaiv koj.” (Yelemis 1:5).
Vajtswv yeej ib txwm paub qhov xaus ua ntej uas tsis tau pib. Txhua hnub peb puav leej tau sau cia nyob rau hauv Vajtswv phau ntawv. Yeej tsis muaj ib lub sijhawm twg hauv lub neej uas tsis muaj Vajtswv tshwm ntsej muag. Vajtswv mus ua ntej, qhib kev thiab npaj txhua yam zoo rau peb. Vajtswv txib cov timtswv ua tsev zov puas ncig tiv thaiv peb thoob plaws txoj kev peb mus. Vajtswv lub ntsej muag saib ntsoov txoj kev peb mus, tsis tso ib yam dabtsi twg tseg, vim txhua yam uas peb ntsib dhau puav leej yog tseem ceeb nyob hauv Vajtswv lub qhov muag.
“Vajtswv, kuv totaub nyuaj tej uas koj xav kawg li. Koj xav txhij xav txhua ua rau kuv suav tsis txheeb li! Yog kuv suav txheeb tej uas koj xav, ntshai muaj ntau dua tej suabzeb, thaum kuv tsim dheev los kuv tseem nrog koj nyob.” (Ntawv Nkauj 139:17-18).
Peb suav tsis tau suab zeb vim txhua hnub dhau mus suab zeb yuav ntxiv ntau heev tuaj. Ib yam li ntawd, Vajtswv txoj kev hlub thiab txoj kev xav uas Vajtswv tseg rau peb yuav yim hnub yim muaj ntau thiab loj hlob tuaj. Peb lub siab no yuav xav tsis thoob rau Vajtswv txoj kev hlub loj ntawd! Kuv thiaj cim civ nug tias: “Kuv yog leej twg ho tau Vajtswv tabncuab kuv npaum ntawd?” Thiab Vajtswv los rau ntawm peb, xyab tes txais tos los ntawm lub siab sov so. Txhua zaug zoo li ntawd, Vajtswv txoj kev hlub tseg rau peb dhau los loj dua.
“Tus TSWV uas yog nej tus Vajtswv yeej nrog nraim nej nyob; nws lub hwjchim ua rau nej kovyeej lawm! Tus TSWV yuav txaus siab kawg rau nej vim nws txojkev hlub, nws yuav pub nej muaj lub neej tshiab. Nws yuav hu nkauj thiab zoo siab heev rau nej.” (Xefaniyas 3:17).
Vajtswv yuav zoo siab rau peb? Leej Txiv yuav hu nkauj zoo siab vim peb? Tseeb tiag yog li ntawd! Ua ntej uas xeeb muaj peb nyob hauv niam plab, ua ntej uas peb ua pa thawj zaug… Vajtswv paub thiab hlub peb, tshwj peb tawm yog cov neeg uas tau Vajtswv cawm. Ua Vajtswv tsaug tsis so!
Thov caw nrog kuv peb thov Vajtswv ua ke:
Ua Vajtswv tsaug rau Koj txoj kev hlub uas tsis muaj nrim tseg rau kuv – tus tub loj leeb uas tau yuam kev mus ntau zaug. Nyob rau lub neej puv npo kev txomnyem puas ntsoog, kuv tau so rau hauv Vajtswv koj thaj zaub mos. Thov kom Leej txiv coj kuv kev tej lub sijhawm tsis paub ua dabtsi, thiab yog qhov chaw ruaj khov rau kuv lub sijhawm kuv qaug zog. Thov Vajtswv kho zoo txoj kev puas ntsoog hauv kuv, thiab sau zaj xwm txheej txuas ntxiv nyob hauv kuv lub neej los ntawm Koj txoj kev hlub. Kuv thov hauv Tswv Yexus Khetos lub npe. Amees.
Cov kwv tij txhua tus, Vajtswv tsis yog tsuas ntsia pom txhua lub sijhawm uas peb ntsib dhau xwb, tiamsis Vajtswv tseem nkag siab thiab saib xyuas yam uas peb ntshaw, peb tej kev mob siab. Thaum peb khiav mus rau ntawm Vajtswv, Vajtswv yuav xyab tes los txais tos peb nkag los rau hauv Vajtswv qhov chaw dawbhuv – qhov chaw muaj kev zoo siab, kev kaj siab thiab txoj kev hlub tsis paub kawg. Zoo li ib leej txiv tos nws tej menyuam, Vajtswv tos peb los ntawm txoj kev ua siab ntev tsis muaj nrim zoo siab hlo muab txhua yam zoo tshaj plaws uas Vajtswv twb npaj rau peb los lawm ntev. Cia li khiav mus cuag leej txiv hnub no kom tau so rau hauv Vajtswv txhais tes kev hlub!
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply