Lub ntiajteb vam meej niaj hnub nim no khiav ceev heev, peb pheej tsis khoom txog qib uas peb hnov qab noj thiab hnov qab pw lawm. Thiab yam uas ua rau xav tsis thoob yog peb hnov txaus siab rau lub sijhawm uas tsis khoom ntawd! Yog thaum peb tsau tsawv rau lub neej uas tsis paub xaus ntawd, peb ho hnov qab ib teg haujlwm yog yuav tau nres thiab saib lub ntiajteb zoo nkauj ib ncig ntawm peb – yog tej uas Vajtswv tau tsim los thiab puv npo Vajtswv lub hwjchim.
Hnub no, yog hnub 28/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Maria Schleicher dhau ntawm Zaj kawm TEJ UAS VAJTSWV TSIM LOS.
“Lub ntiajteb thiab lub ntuj cia li zoo siab hlo! Hiavtxwv thiab txhua yam tsiaj uas nyob hauv hiavtxwv cia li qw ntshoo nrooj tej liaj tej teb thiab tej qoobloo uas nyob hauv tej teb cia li zoo siab! Tej ntoo hauv havzoov yuav qw zoo siab (Ntawv Nkauj 96:11-12).
“Lub ntiajteb thiab lub ntuj cia li zoo siab hlo! Hiavtxwv thiab txhua yam tsiaj uas nyob hauv hiavtxwv cia li qw ntshoo nrooj tej liaj tej teb thiab tej qoobloo uas nyob hauv tej teb cia li zoo siab! Tej ntoo hauv havzoov yuav qw zoo siab (Ntawv Nkauj 96:11-12).
Kuv hmoov zoo tau nyob rau ntawm ib qhov chaw muaj txaus nkaus plaub lub caijnyoog. Muaj tej lub sijhawm plaub lub caij no tseem tshwmsim nyob rau hauv tib hnub tib si! Yog li, txawm yog nyob rau tej hnub ntuj tshiab sov so lossis ntuj no txias zias, kuv yeej ntsia pom tej kev zoo nkauj uas Vajtswv tau muab pub.
Kuv xav txog Ntawv Nkauj 9:11-12 thiab tseg sijhawm los saib lub ntiajteb ib ncig ntawm kuv, saib txhua yam muaj sia nyob tab tom qhuas Vajtswv lub npe thiab lees tias Vajtswv yog tus uas tsim tej ntawd los zoo kawg nkaus thiab yog tus TSWV ntawm lub ntuj thiab ntiajteb no! Kuv saib tej me xyoob ntoo tabtom loj hlob tuaj, ua tib zoo mloog suab ntseeb ntxhia. Thiab yog tseem ua zoo mloog, kuv yuav ntsia pom tej teev lwg dej nyob saum tej xov kab zaug cab. Tom qab kuv lub vaj yim hnub yuav yim pom muaj Vajtswv lub tshwjchim, los ntawm tej uas ib txwm muaj nyob.
Tseeb tiag peb lub neej tiam no yeej maj nroos rau txhua yam. Tej kev vam meej niaj hnub nim no yuam kom peb yuav tau khiav caum sijhawm. Qhov uas peb niaj hnub maj nroos tseem tau qhuas tias tsim nyog li ntawd. Qhov uas peb yuav tau “nres thiab txaus siab rau lub ntiajteb no” tsuas pom nyob rau tej lub sijhawm twb tau teem tseg ua ntej lawm xwb, thiab txawm yog peb tab tom so los peb yeej tsis hnov qab tshuaj peb lub xov tooj thiab teb tej xov xwm “uas cheem tsum tamsim”. Nyob rau lub ntiajteb sib tw khiav nrog lub sijhawm zoo li no, tsis paub peb puas tseg sijhawm txaus los zaum ua ke thiab xav txog tej yam zoo uas Vajtswv tsim los? Lossis peb twb tsis muaj sijhawm los ntsia saib tej yam uas pheej tshaj Vajtswv tsim los, xws li lub hnub tawm thaum sawv ntxov, lossis nag los ywg qoob loo, cawm txojsia?
Hnub no kuv nqua hu koj sim koj tus kheej, tseg sijhawm los txaus siab thiab muab koj tus kheej koom mus rau hauv ib puas tsav yam uas Vajtswv tau tsim los. Qhov no tsis tas yuav tsum yog ib lub sijhawm mus ntev rau pem tej roob lossis hiav txwv. Vim tias tsis yog lub ntiajteb no thiaj tau Vajtswv tsim los xwb, tiamsis peb yog cov neeg uas Vajtswv tau tsim los muaj tus yamntxwv zoo li Vajtswv – thiab tej uas Vajtswv tau tsim los zoo kawg nkaus.
“Yog li ntawd, Vajtswv thiaj tsim neeg, kom lawv muaj yam ntxwv zoo li Vajtswv ntag. Nws tsim muaj tus txivneej thiab tus pojniam” (Chivkeeb 1:27).
Yuav tau saib taus thiab ua lub neej kom txaus rau tej uas Vajtswv muab pub rau koj. Puas yog koj tab tom zais cia ib qhov peev xwm twg uas nrhiav tsis tau pom, xws li, txawj kos duab, txawj seev cev, lossis txawj tsim yam ub yam no, tiamsis Vajtswv kuj pub rau koj muaj peev xwm txawj saib xyuas – yog li yuav tau siv tej peev xwm ntawd! Tseg sijhawm los nyob ze Vajtswv. Xav txog txoj kev uas Vajtswv tau siv koj thiab thov Vajtswv cia Vajtswv qhib kev kom muaj dua sijhawm tshiab. Zoo li tej uas Vajtswv tau tsim los qhuas Vajtswv thiab nthuav tawm Vajtswv lub npe – peb kuj yuav tau qhuas Vajtswv zoo ib yam li ntawd.
Thov caw nrog kuv peb thov Vajtswv ua ke:
Tus Tswv nyob rau hauv lub neej tsis khoom li no, thov Vajtswv qhib kuv lub qhov muag kom ntsia pom txoj kev zoo nkauj uas Vajtswv tau tsim los. Thov pub kom kuv muaj lub siab nco tshav ntuj txais yuav tej koob hmoov uas Vajtswv pub. Thov pab kom kuv paub thiab txais yuav txhua yam zoo uas Vajtswv tau tsim los. Thov Vajtswv siv kuv zoo li ib yam khoom uas muaj nqis nyob hauv Koj txhais tes. Kuv thov hauv Tswv Yexus Khetos lub npe. Amees.
Cov kwv tij txhua tus, txhua hnub, Vajtswv puav leej pub rau peb tej yam uas zoo kawg nkaus, thaum sawv ntxov mus txog rau thaum tsaus ntuj, tej suab noog quaj txhia txhua qhov thaum sawv ntxov ntsiag to hauv tej vaj. Peb tus kheej kuj yog Vajtswv txhais tes puab los – tej neeg tab tom nyob ib ncig ntawm peb puav leej muaj sia nyob hauv Vajtswv txoj kev hlub. Tseg sijhawm luv los ntsia, los saj thiab pom txhua lub sijhawm ntawd, txawm yog nyob rau hauv tej yam uas cuag li tsis muaj dabtsi.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.