Bŏl he rơp găm lùp hala kơlôi sơnơng tus ală bơta bơh lơgar hơđăng trồ. Do la tiah Yang rcang ală cau don jat Kơnrẵn. Mơya ƀòn tom hơ̆ gơlơh be dunnia bŏl he găm kis sơl? Ală bơta păl càng rài kis hơđăng ù do găm gơs hơđăng trồ sơl? Gen ală cau koñ gơboh, be ur klau bŏl he mbe lơi?
Ngai do, ngai 02/08/2024, bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Janice Moore dê bơh Tơnggume ÑCHI BƠH TAI LƠGAR HƠĐĂNG TRỒ Ò GƠS BƠTA TOM HÒP BAU?
“Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.” (Luka 20:36)
Tŭ găm kơnòm să, ăñ mpau tìp dô nă cau krơi is, gen rơp geh dô bơta tom hòp bau krơi is ngăn, geh bơka niam hang mơnĕ, dô mpồl cau gre jat jơng cau ur pa bau niam ngăn. Ăñ mpau tus ngai geh tìp cau bau klau he di, gơs tŭ jơ rềp digah khai, gen bŏl he bơtô băl ală kọn ur kon klau koñ gơboh…mơ gơs dô hiu nhă ring lơngai mơ chò hòp ngăn.
Ngai do, bŏl he lơh pơnrrơ bơta tom hòp bau he di bơh rơndăp hơđăng khinh khí cầu, hala gơs cau ur pa tơ mù bơh rơndeh par nàng tìp mat băl mơ cau klau ntào kơp gơn he. Bŏl khai ò pơlai priă jền mơ rcang rơndăp bơta tom hòp bau oă nđợ kơnhai lài.
Tŭ bŏl he sền tom Sră Goh Luka 20: 34-36, Yang Jesu đơs lah: “Cau rài do lap klau tòmbau ùr, ai ală cau geh kòp la di pal dòp rài tơnơ̆ mơ geh kis wơl bơh bơta chơt, gen ò lap klau tòmbau ùr. Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.”
ÑCHI TAIH? Hơđăng trồ ò gơs lap klau tòmbau ùr ơ? Bơta geh ò rgơi nàng dòn, kŭng ò jai kơlôi sơnơng behơ̆. Lơh mbe lơi lơgar hơđăng trồ là lơgar hơđăng trồ di lah ò gơs lap klau tòmbau ùr? Oă cau gơn kơnòm mơ kơp gơn jŏ jọng nàng tom hòp bau. Gơs dô it nă cau ò tŭ lơi săng lòi tŭ neh tom hòp bau mơ tom hòp bau pa wơl nđợ dơ̆. Yang đơs Kơnrẵn là Bơtơu pa tus cau ur di – la Hiu Jum Goh Kơnrẵn (E phe sô 5: 25-27)Yang mor ri wơl nàng ơm băl mơ tom klac băl mơ Hiu Jum Goh – ò di là ală cau lòt pơjum mơya la ală cau jơh nùs dòn duh Kơnrẵn.
Ală bơta yăl tơnggit bơh bơta tom hòp bau mơ bơta koñ gơboh tom dunnia do rơp kòl ò song mơ mìng têl sơñio mìng dô nă he lơm. Broă lap klau tòmbau ùr cau bơdih mìng la ală kŭng be dềt mềr ur klau, tŭ lơm pah bơtào tơngguh đah poăc să, ală bơta ham koñ is di. Wet sền Yang Tom Trồ di gen pha is ngăn. Yang bơtào gơs bơta tom hòp bau nàng kọn mơnùs ò ơm is, nang tơngơs, mơ ai kọn mơnùs ĭn hưh nùs bơh ală bơta kơp kỡn đah poăc să(Sơnrờp 2:18; 9:7, I Korinhtô 7: 1-9)
Tiah hơđăng trồ, lap klau tòmbau ùr ò găm càng tai. Tiah hơ̆ ò găm ơm is tai. Yang Jesu ơm digah bŏl he. Rơp ò găm càng tơngơs kon tai tài bơh bŏl he rơp kis sum sum – mham bŏl he ò tŭ lơi pơndut mơ bŏl he gơlik gơs be cau gơnrơh, bŏl gơ la phăn Yang crơng mon ò lap klau tòmbau ùr mơ bŏl gơ mìng sền dô nă Kơnrẵn lơm. Bŏl he kung ò chơt tai tài bơh bŏl he la kọn Yang di mơ la kon bơta kis wơl di (Luka 20:36).
Bơta tom hòp bau ăñ ji niam ngăn. Ò di tài bơh ò gơs broă gơlik gơs, bơta tom lơh hala gơplơ̆ nùs, mơya ăñ koñ gơboh bau klau he mơ ăñ sền dờng màng jơnau hơ pơgon bŏl he gơwèt băl mơ gơp la: “Mìng bơta chơt rơp cah is bar nă” Ăñ git nền ci la Yang rơp tom gơl bơta tom hòp bau ala dô bơta lơi niam rlau tai. Gen do kung ndrom be jơnau đơs “jơl tus di bơta chơt cèng bŏl he ơm rềp băl” tom tiah găm sum sum mơ Kơnrẵn mơ Hiu Jum Goh tom bơta lơngai lowngọ sum sum.
Jơnau Yang tom I Kôrintô 2: 9 cih la: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.” Yang rơp rcang oă bơta niam her ngăn bŏl he ĭn tom tiah lơgar hơđăng trồ tian gơs ală bơta kơp kỡn hơđăng ù do ò jai pơn ndrom.
Kơp kỡn bŏl he rơp sền kwơ màng bơta tom hòp bau he di hơđăng ù do, mơya kŭng kơrmap gar bơta gơn kơnòm tom lơgar hơđăng trồ lơngai lơngọ Bèp ho ai.
Dan jà bol he dô nùs bal tòm bơta hòi dan:
Khoai Yang koñ gơboh!
Kon ưnngai Yang tài bơh Kơnrẵn bơtào gơs bơta tom hòp bau kọn mơnùs ĭn hơđăng ù do. Ưnngai Yang tài bơh phăn bàn Yang ai niăm ngăn Kơnrẵn di ai pà kọn ĭn. Dăn Yang tom gơl ală bơta kơlôi sơnơng ò wă wờng kọn di bơh lơgar hơđăng trồ nàng kọn ò wèt sền bơh mat sền gŏ rài kis hơđăng ù do. Kon dòn di bơta koñ gơboh mơ bơta niam Yang di. Dăn Kơnrẵn dŏng kọn hòn chò dòp leng bơta tom klac dềt mềr hơđăng ù do tom bơta dòn duh mơ dŏng kọn sum gơn kơnòm tom hiu Bèp lơngai lơngọ, la tiah kọn rơp tìp Yang mơ geh ơm băl mơ Kơnrẵn sum sum.
Kon jơh nùs họi dăn, kọn ai sơnđăn Yang Jesu Krist. Amen
Ơ ală ồng Mò ọh mi koñ gơboh,
Dilah he găm ơm tom gùng dà lòt jòi bơta koñ gơboh rài kis he d, kơp kỡn he rơp geh jòi bàn bơta koñ gơboh dờng mơ niăm her ngăn tom Yang Jesu. Mơ bơyô ơi, ală bơta kơp kỡn he di hơđăng ù do, lài ngăn là broă tom hòp bau, kung rơp geh Yang ti lăm mơ lơh wil tơl. Bulah he găm ơm is dô nă hala gơs hiu nhă, bŏl he găm geh tơngkah ròng siam bơta tom klac đêt mềr mơ Yang. Bơh hơ̆ rơp la bơta tom klac sum sum ò tom gơl bulah bŏl he ơm hơđăng ù do hala ri băl mơ Yang hơđăng trồ ne.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply