Koj puas tau muaj ib zaug twg txais tau tej lo lus txhawb zog uas muaj zog nchav lawm los tsis tau? Cov lus txhawb zog tej zaug yuav dhau los ua tej lus sib txhawb, ntxiv lub zog rau peb kom peb kov yeej tus kheej, ua tau tej yam uas peb xav tias peb ua tsis tau. Yog li, Vajtswv thiaj siv tej lus txhawb zog ib ncig los ntxiv zog rau peb, pab kom peb muaj lub siab tawv tiv tej kev sim siab thiab sawv khov kho. Ntawm no yog txoj kev uas Vajtswv siv los pab kom peb muaj lub siab ruaj khov, kuj ib yam li uas txhim tsa lub zej zog ntseeg Vajtswv thiab sib pab.
Hnub no, yog hnub 05/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Rich Miller dhau ntawm Zaj kawm LUB ZOG NTAWM LO LUS SIB TXHAWB.
“Txawm li cas los xij, koj yuav tsum ua siab tawv qhawv tsis txhob ntshai li! (Yausuas 1:18).
Thaum tseem kawm hauv tsev kawm ntawd, kuv chơi thể thao zoo li cov tub si tw tsis muaj suab npe. Cov kws qhia lawv txhawb kom peb yuav tau xyaum kom muaj zog thiaj sib tw taus. Lawv txaus siab heev thaum uas lawv pab peb ua tau tshaj peb lub peev xwm, thiab lawv muab haujlwm cob rau peb xyaum kom peb muaj zog. Kuv ib txwm swm qhov uas tej phooj ywg ib leeg txhawb ib leeg thaum so: “Siv zog, siv zog, tsuas tshuav 5 lub lawm thiab xwb,” “koj ua tau” “txhob tso tseg”… cov lus qw sib txhawb ntawd nrov tsis so. Thiab thaum nyob rau lub sijhawm ntawd kuv pom tias kuv muaj zog tshaj tej uas kuv xav, vim lub zog ntawm sawv daws txhawb kom kuv khiav mus rau tom ntej tsis tseg.
Tsis ntev los no, kuv pom txog ib yam zoo li ntawd thaum uas xav txog phau Yausuas tshooj 1. Tej zaug peb coob tug yeej ib txwm swm tshooj no, tshwjxeeb yog Yausuas 1:8-9. Wb ib niam txiv tseem muab nqe cim no dai rau hauv wb chav txais qhua:
“Thaum sawvdaws tuaj ua ke pehawm kuv, yuav tsum muaj neeg nyeem kuv phau Kevcai rau sawvdaws mloog. Koj yuav tsum niaj hnub niaj hmo kawm thiab ua raws li tej lus ntawd, koj tes haujlwm thiaj yuav tiav thiab vammeej. Koj yuav tsum nco ntsoov tej uas kuv hais rau koj lawm, koj ua siab tawv qhawv tsis txhob ntshai, tsis txhob txhawj, thiab tsis txhob poob siab, rau qhov kuv yog tus Tswv uas yog koj tus Vajtswv, kuv yuav nrog nraim koj txhua qhov uas koj mus.” (Yausuas 1:8-9).
Twb txog lub sijhawm haiv neeg Yixalayees yuav tau hla dej Yauladees mus txeeb lub tebchaws cog lus tseg. Thaum uas tsis muaj Mauxes lawm, Yausuas lees lub luag haujlwm ua thawj coj coj cov pej xeem mus rau ib ntu kev tshiab. Vajtswv cog lus yuav nrog nraim Yausuas ib yam li tau nrog Mauxes nyob ua ke, thiab Vajtswv tseem txhawb kom Yausuas yuav tau ua lub siab tawv. Thiab xav ntsoov txog phau Kevcai.
Yausuas txais yuav Vajtswv lub suab hu thiab samhwm rau tag nrho cov thawj coj coj cov neeg Yixalayees mus rau tebchaws Khana-as. Yausuas hais kom xeem Runpees, Das thiab ib feem Manaxes lawv nco txog lawv tej lus cog tseg. Txawm yog lawv twb xaiv feem av nyob rau sab tebchaws ntawm ntus dej Yauladees no ua lawv tug lawm los lawv yeej cog lus yuav nrog lawv cov kwv tij mus txeeb lub tebchaws nyob sab ntus dej tiv ua ntej uas lawv yuav rov qab los rau ntawm lawv tsev neeg tseem tab tom nyob tos lawd.
Thaum hais txog cov lus cog tseg no, lawv cov lus teb muaj ib lub ntsiab lus tob heev uas yav dhau los kuv tsis ceev faj txog: Lawv cog lus yuav txhawb Yausuas tag nrho lawv lub siab ib yam li tau ua pub rau Mauxes, lawv hais rau yawg hais tias:
“Txawm li cas los xij, koj yuav tsum ua siab tawv qhawv tsis txhob ntshai li!” Yausuas 1:18.
Koj puas pom yam dabtsi? Yam uas lawv hais rau Yausuas kuj yog yam uas Vajtswv tau hais rau yawg, ntawd yog yuav tau “muaj lub siab tawv khov kho”. Hais kom zoo dua mas yog “siv zog, koj yeej ua tau xwb ntag!” Vajtswv siv cov lus no los txhawb Yausuas lub zog, kom yawg muaj lub siab tawv coj cov neeg Yixalayees mus rau lub tebchaws cog lus tseg uas Vajtswv muab pub rau lawv.
Tej zaug peb yuav xav tias Vajtswv hais rau Yausuas xwb ces txaus txhawb yawg zog lawm – rau qhov yog Vajtswv tuaj yawg tog ces yuav tsis muaj leej twg tawm tsam yawg? (Loos 8:31). Tiamsis tau Vajtswv tshoov siab kom xeem neeg no cov lus txhawb Yausuas zog tau muab sau tseg rau hauv Vajluskub, vim Vajtswv ntsia pom qhov no muaj nqis rau peb.
Vim li cas? Vim Vajtswv zoo siab siv sawv daws tej lus los txhawb zog kom ntxiv zog rau peb! Peb txhua tus ib leeg yog ib feem tseem ceeb nyob hauv Vajtswv lub cev, thiab thaum uas peb koom siab ua ke, peb yuav yim hnub yim muaj zog, koom mus deb rau tom hauv ntej. Mloog Vajtswv lub suab thiab thov Vajtswv yog yam uas cheem tsum, tiamsis ntau zaug Vajtswv kuj txhawb peb zog dhau los ntawm tej neeg ib ncig cov lus txhawb. Cia li qhib siab los txais yuav Vaj Ntsujplig kom txais tau Vajtswv ua tus coj kev dhau los ntawm tej lus txhawb zog txhua hnub, mog phooj ywg!
Thov caw nrog kuv peb thov Vajtswv ua ke:
Ua Vajtswv tsaug koj yog kuv lub zog loj. Thov koj pab qhib kuv lub siab los txais yuav tej lus txhawb zog uas koj muab pub rau kuv, dhau ntawm tej neeg ib ncig kuv. Thov Vajtswv koj siv kuv kom dhau los ua ib lub hauv paus txhawb zog rau tej neeg ib ncig. Thov kom koj lub zog yuav nthuav dav thiab ci rau txhua qhov pom kev dhau los ntawm kuv lub neej. Kuv thov hauv Tswv Yexus Khetos lub npe. Amees.
Cov kwv tij txhua tus, cia tej lus txhawb zog ib ncig kuv dhau los ua lub hauv paus txhawb zog, pab kom koj muaj zog thiab muaj lub siab tawv txhua hnub. txhob txaj muag qhia koj txoj kev ntseeg thiab txhawb lwm tus, vim thaum koom ua ke lawm peb thiaj yuav tsim tau tej yam zoo kawg nkaus. Nco ntsoov tias Vajtswv muaj cuab kav siv koj tej lus hais, koj tes haujlwm los hloov pauv lwm tus lub neej, raws li Vajtswv lub homphiaj zoo kawg nkaus! Hnub no, puas muaj leej twg xav mloog koj tej lus txhawb zog? Koj yuav txhawb thiab ntxiv zog rau lawv zoo li cas?
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.