Lub neej no puv npo yam uas ua rau peb hnov tsis txaus siab. Ntau zaug peb tsuas xav kom yus xwb tim cia li yaj tshis mus, kom peb tau kaj siab lug. Tiamsis ntau zaug kuj yog tej teeb meem ntawd ho yog txoj kev uas Vajtswv siv los cob peb kom dhau los ua ib lub qe hlaws uas muaj nqis hauv Vajtswv txhais tes. Yog li peb yuav txais yuav tej kev sim siab ntawd los ntawm tus cwjpwm zoo li cas?
Hnub no, yog hnub 07/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Rich Miller dhau ntawm Zaj kawm RAUG SIM KOM DHAU LOS MUAJ NQIS.
“Qhov uas Vajtswv cia nej raug tej kev txomnyem ntawd twb yog Vajtswv sim saib nej muab siab rau ntseeg npaum li cas. Txawm yog kub los neeg yuav tsum muab hluavtaws sim saib puas tseem kub. Yog li ntawd, Vajtswv yuav tsum muab nej txojkev ntseeg uas tseemceeb dua kub sim saib puas yuav thev taus. Yog nej thev taus, thaum txog hnub uas Yexus Khetos los Vajtswv yuav qhuas nej thiab nej yuav tau ntsejmuag” (I Petus 1:7).
Puas tau muaj ib zaum twg koj tsuas ntsia pom lawv xwb koj twb hnov npau taws kawg nkaus lawm tau?
Ntau zaug nyob hauv koj lub hlwb yuav tshwm tej kev xav xws li: “Kheev lam tus neeg no yuav txav chaw mus nyob rau ib qhov chaw deb deb, zoo li ib lub tebchaws twg lossis ib lub ntuj twg lawm!”
Ntau zaug koj tseem xam tau tias muaj ib txoj hlua nqus loj loj poob saum ntuj los thiab nqus lawv mus rau ib qhov chaw twg ntawd, ua rau lawv khiav deb ntawm koj lub qhov muag mus. “Yog, ntawm no yog yam uas yus cheem tsum – qhov muag ntsia tsis pom, siab tsis mob” Koj cim civ yws tias. “Yog tias qhov ntawd tshwmsim tuaj ces ntshai kuv lub neej no yuav zoo tshaj!”
Tej zaug kuj muaj qee tus muaj tej lub sijhawm “lawv xav kho” ib mentsis nyob hauv lawv lub neej, puas yog? Ntau zaug, peb xav kom tshem qee tus neeg tawm, cov neeg uas peb cim civ nug tias vim li cas lawv ho tshwmsim nyob rau hauv peb lub neej.
Kuv pom tias, qhov teeb meem tsis nyob ntawm cov neeg no, tiamsis nyob rau hauv kuv txoj kev xav, lossis kuv tus cwjpwm tsis zoo, lossis yooj yim yog kuv tab tom cheem tsum ib txoj kev hloov pauv tag nrho rau kuv tus ntsujplig thiab kuv lub hlwb.
Yog li kuv yuav rov qab muab kuv tso rau saum “Vajtswv lub rooj ua haujlwm dua” thaj chaw uas Vajtswv tau maj mam muab tej nyuag qhov pob txhuam kom tiaj tiaj, dhau ntawm tej xwm txheej uas tsis yooj yim txais yuav uas kuv yuav tau ntsib.
Txawm yog paub tias kuv tsis yog lub hauv paus ntawm ntau qhov xwm txheej tsis zoo siab los, ntau zaug kuv kuj yuav tau nres, rov qab tshuaj kuv tus kheej. Kuv tau cia tej kev xav tsis zoo xws li, npau taws, khav theeb, thiab sib ntxub nkag los rau hauv kuv lub neej. Thaum no, kuv paub tias kuv yuav tau rov qab kho dua.
Zoo li tus qwj nyob hauv hiav txwv nws yuav tau tiv mob los ntawm ib nyuag lub pob zeb me me. Ntau xyoo nws tiv qhov mob ntawd, ib me ntsis ua ntu zus, thaum kawg nws thiaj qhib los rau lub ntiajteb pom txog ib lub qe zeb uas muaj nqis zoo kawg nkaus nyob sab hauv.
Thiab thaum no, los ntawm tus kws txawj ua zeb txhais tes, kuv tau kawm txoj kev txais yuav kho ua ntu zus. Kuv paub tias txhua zaug uas tau kho, Vajtswv yuav pauv kom kuv dhau los ua ib tug zoo kawg nkaus tau muab coj los “tso saib” tsis yog kuv xwb tiamsis tseem tseg rau tag nrho lub ntiajteb tau pom.
“Qhov uas Vajtswv cia nej raug tej kev txomnyem ntawd twb yog Vajtswv sim saib nej muab siab rau ntseeg npaum li cas. Txawm yog kub los neeg yuav tsum muab hluavtaws sim saib puas tseem kub. Yog li ntawd, Vajtswv yuav tsum muab nej txojkev ntseeg uas tseemceeb dua kub sim saib puas yuav thev taus. Yog nej thev taus, thaum txog hnub uas Yexus Khetos los Vajtswv yuav qhuas nej thiab nej yuav tau ntsejmuag” (I Petus 1:7).
Thov caw nrog kuv peb thov Vajtswv ua ke:
Tus Tswv nyob hauv tej kev sim siab thiab kev txomnyem hauv lub neej, thov Vajtswv koj ntxiv lub zog rau kuv kom kuv ua taus siab ntev thiab txais yuav. Thov pab kom kuv pom tias, dhau ntawm tej kev txomnyem ntawd, peb paub tias koj tab tom cob qhia peb thiab kuv zoo li lub qe hlaws muaj nqis. Thov Vajtswv pub rau peb kom muaj lub siab txo hwjchim tiv txhua yam, thiab tiv dhau tej kev sim siab dhau los ntawm muaj txoj kev ntseeg nyob rau hauv koj txoj kev hlub hloov pauv. Kuv thov hauv Tswv Yexus Khetos lub npe. Amees.
Cov kwv tij txhua tus, thaum uas xyaum tiv tej kev txomnyem nyob hauv lub neej, peb yuav pom tias yus loj hlob dua. Zoo li lub qe zeb muaj nqis ci ntsa iab thaum uas luag muab nws tawm ntawm lub qwj dej los, peb kuj yuav ci ntsa iab dhau ntawm qhov uas Vajtswv cob peb dhau hauv lub neej. Ntawm no yog ib lub sijhawm muab cob tsis so li tau Vajtswv hloov pauv peb, kom peb dhau los muaj nqis dua kub.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply