Rài kis do bềng tơl ală bơta lờh bòl he in sơ-ệt sơ- ềl . Oă dơ̆ bòl he ming kờp kơñ gơ in roh thịt, nàng bòl he in rgơi geh lơngai. Bulah behơ̆, gơs dơ̆ bơh broă kalkê hơ̆ là gùng dà nàng Yàng tơ-mal, tiar-mòn bòl he gơlik gơs be dô nơm lŭ màng ang gơ-crà tòm tê Kơnrăñ. Behơ̆ gèn bòl he dờp rò ală bơta gơlòng gơtơn tus mờ nùs n’hơm mbe lơi?
Ngai dô, ngai 07/08/2024, bota Hoi Dăn Kờp ngai dăn jà ală ông mò oh mi dô nùs băl kơlôi sơnâng JơNau Yàng kơnơm di cau cih Rich Miller găn tơnggu KONG LÒNG TIAR NÀNG GƠ LIK GƠS KAS MÀNG.
“ Nàng bơta dòn oh mi dê tơnơ̆ mơ tŭ neh kŏng jai bơta gơlòng rau, gen gơlik màng rlau mơ màh òs rọh rùi, bulah gơ neh kŏng lòng tòm ồs rau. Gen lơh bơta dòn oh mi dê di pal geh bơta jòng rơ, gơklŏ, màng ryŭ tòm tŭ Yàng Jesu Krist tơlik mat.” (1 Pier 1: 7)
Gơs tŭ lơi ọh mi bơ yô tìp dô nă cau mơ ming gŏ bọl khai lơm mờ neh lơh he in sơ-êt sơ-êl ngăn sơl?
Gơs dơ̆ tờm dơngọh he gơlịk gơs bơta kơlôi sơnơng làh: “kơp kờn cau do rớp dô tus hơ dô bắtiah ngài ngăn, be dô nơm plai ù ndai, hala trồ jong lơi hơ̆!”
Kung gơs dơ̆ bol he bơr-ceh tơmòn gơlik gơs dô jrong mhwal dờng gơ duh bơh trồ, mơ rờp gơjôp khai tus hơ tiah ndai sum sùm, rọh thịt bơh di đăp mat he. “Ngăn, hơ̆ là bơta he càng- mat ò gŏ, nus ò jê sồt! He đơs is lah. “Dilah broă hơ̆ gơlik gơs gen rài kis he dê nên cê là niam rlau.
Nên cê cau lơi tơm bòl he kùng kơñ “Mhơ̆ wơl” dô êt tòm rài kis he dê, ngăn sơl? Gơs dơ̆, he kờp kỡn rgơi “jut săng” dô êt nă cau, ală cau mơ he lup is ñchi bơh tai khai gơs măt tơm rai kis he.
Ăñ neh dơp git lah, broă do ò di gơ ơm tòm cau hơ̆, mơ là tơm bồ dơngoh kơlôi sơnưng iơh rmơh he di, hala bơh nùs nhơm ò niam, hala buôn lùi la ăn găm cang dô rai “lơh pa dơng” đah hwêng mơ bơta kơlôi sơnưng.
Gên behơ̆, ăñ gŏ wơl he geh ơn hơ đăng “cơnơng lơh broă” Yàng dê, tiah Kơnrăñ pơn dêt să tair mon mơ lơh her niam ală pơnah ro-răñ ăñ jê, găn ală broă kalkê kŏng ơt mơ ăñ păl tòm tìp.
Bulah neh git ăñ ò di là tơng-gu oă broă moat-jrum dê, mơ ya gơs dơ̆ ăñ kung păl dơh wơl, sền lăng să tòm he. Ăñ neh lơi nus nhơm iơh be bơta gơjrăñ, pơnhừ să, mơ bơta ƀoah gơjrañ mut ơm tơm rai kis he. Mơ tŭ do, ăñ git he păl cang “lơh” wơl.
Ndrơm be lŭ krang pal kŏng jê sôt lơh gơs bơh dô nơm bras rhên rlau jơh. Gơ kung neh lot găn oă năm kŏng jai, tơ̆ dô êt, gen tus lôi dut gơ kŭng geh jong să tơlik mờ jong rơ mơ dunia lŭ krang mang hàng mơnĕ tơm dơlăm.
Mơ tŭ dô, bơh mpang tê chai rgơi Cau chai lơh chi hơđăng jong dê, ăn neh bơtê gung dơp ro kơp dơ̆ tiar mon. Ăñ git lah, găn kơp dơ̆ tiar mon, Kơnrăñ neh lơh ăñ in gơlik gơs dô nơm phan krơi is, dô nơm phăn wil niam geh “ơn sên” ò đi ming ai dô nă ăñ in, mơ kung ai jơh dunia in kung sên gŏ sơl.
“ ‘nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat”.
(1pier 1: 7)
Dan jà bol he dô nùs bal tòm bơta hòi dan:
Khoai Yàng, tòm ală bơta gơlòng mờ kăl kê rài kis dê, dăn Kơnrẵn ai kòn in pran kơl dăng nàng ơt ơl mờ dờp rò. Dăn dọng bòl kòn dờp git lah, găn kờp bơ ta kăl kê, bòl kòn găm geh Kơnrẵn tiar-mon mờ tiar lòng bè lú krang màng kas mang. Dăn ai bòl kòn in nus nhơm pơndềt să nàng Kong ơt jơh ală bơta, mờ lòt găn jơh ala bơta gơ lòng kơnờm bơta dòn tòm bơta kõn gơbọh gơl pa Kơnrẵn dê. Kòn joh nus hôi dăn tờm sơnđăn Yàng Jesu Krist. Amen
Ơ jơh ală cau ơm iat kơno kơñ gơboh, tŭ neh bơtê tiar kŏng ơt tòm ală bơ ta kalke tòm rài kis, bolhe rơp gŏ he bơtao tơngguh mơ dơng rlau tai. Be lŭ krang mang àng gơ cra geh lơh gơs bơh bơta kŏng ơt ò tŭ lơi rlô kon krang dê, bòl he kùng rơp gơ-cra sol gơklŏ kơnơm geh Yang tiar-mon găn ală bơ ta gơlòng rài kis dê. Hơ̆ là pah tơ ngai tiar mòn ò tŭ lơi rlô Yàng ngui nang tơm gơl bol he, nang bol he gơlik gơs kas mang rlau mơ màh.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.