Thaum uas muaj teeb meem hauv lub neej, peb yuav ntsib txoj kev txhawj xeeb txog lub neej tom ntej thiab tej kev khuv xim txog yav dhau los. Tiamsis nyob rau tej nthwv cua hauv lub neej, muaj ib qhov tseeb uas tsis hloov pauv yog: Vajtswv yog tus Tswv nyob saum lub sijhawm, Vajtswv twb teeb lub homphiaj ua ntej rau txhua tus ua ntej uas peb muaj ntsej muag nyob rau hauv lub ntiajteb no. Vajtswv twb cog lus tseg tias yuav tiv thaiv thiab saib xyuas peb nyob rau hauv txoj kev.
Hnub no, yog hnub 09/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Lina Johnson dhau ntawm Zaj kawm LO LUS COG TSEG NYOB MUS IB TXHIS.
“Nej tsis txhob nyuaj siab rau ib yam dabtsi hlo li, thaum nej thov Vajtswv nej cia li qhia txhua yam uas nej xav yuav rau Vajtswv, thiab thaum nej thov nej yuav tsum nco ntsoov ua Vajtswv tsaug. Yeej tsis muaj leejtwg yuav paub qhov uas Vajtswv ua rau nej muaj kev kaj siab thiab qhov uas nej nrog Yexus Khetos koom ib txojsia thiab tej uas nej xav huv tibsi.” (Filipis 4:6-7)
Koj puas khuab xeeb tias koj los qhov twg los – yus yog leej twg, los qhov twg los, lossis yus caj ces muaj leej twg?
Lossis puas muaj zaum twg koj xav txog lub neej tom ntej lawm tau? Koj puas tau muaj zaum twg nug tias koj tej menyuam lawv yuav dhau los ua neeg zoo li cas, thiab koj caj ces ntau tiam txuas ntxiv mus yuav huam vam zoo li cas?
Phau I Xwm Txheej pib sau txog ib cov caj ces – kuv pom tias qhov no nws zoo heev. Thaum kawm txog caj ces no thiab lwm caj ces nyob hauv Vajluskub, peb yuav pom muaj ib caj ces pib ntawm Adas los txog rau Tswv Yexus. Kuv pom zoo, vim qhov no ua pov thawj qhia tias Vajtswv yog tus Tswv tuav lub sijhawm. Vajtswv paub ua ntej cov neeg uas yuav los koom tes rau zaj xwm txheej no, thiab txhua qhov xwm txheej yuav tshwmsim zoo li cas. Tsis tas li ntawd, Tshwmsim 13:8 hais txog qhov uas Tswv Yexus yog “tus menyuam yaj yuav raug tua puag thaum Chivkeeb”. Txhua yam twb tau teem tag ua ntej uas Adas noj lub txiv txwv!
Vajtswv paub kuv poj koob yawm txwv thiab cov neeg uas yuav muaj tom qab kuv. Vajtswv paub tag nrho tej uas tau tshwmsim los thiab yuav tshwmsim muaj.
Tsis ntev los no, kuv pom tias Vaj Ntsujplig tab tom qhia kuv kom kuv xav txog tej lus cog tseg nyob hauv Vajluskub. Tej yam no ib txwm tau Vajtswv ua kom muaj tiav rau lub sijhawm no – vim nyob hauv Vajtswv yeej tsis muaj nrim quas Nws, sijhawm khi tsis tau Vajtswv. Yog li Vajtswv txhua lo lus cog tseg puav leej tau ua tiav rau ntawm no thiab lub sijhawm no.
Lo lus “cog tseg” nyob hauv lus Kilis yog epaggelia, kuj txhais tau tias yog “tshaj xo”. Nyob ntawm kuv, “cog tseg” kuj muaj ntsiab tias yog tab pov. Thaum Vajtswv cog lus ib yam dabtsi twg, peb muaj cuab kav ntseeg khov kho rau yam ntawd. Tias Vajtswv twb ua tiav lawm. Peb muaj kev zoo siab txawm yog peb yeej tseem tsis tau pom tej no tshwmsim tuaj.
“Nej tsis txhob nyuaj siab rau ib yam dabtsi hlo li, thaum nej thov Vajtswv nej cia li qhia txhua yam uas nej xav yuav rau Vajtswv, thiab thaum nej thov nej yuav tsum nco ntsoov ua Vajtswv tsaug. (Filipis 4:6-7)
Koj puas pom li ntawd thiab? Ua Vajtswv tsaug! Peb zoo siab vim paub tias txhua yam twb ua tiav lawm. Peb muaj kev kaj siab vim paub tias peb Leej Txiv twb ua tiav Vajtswv txhua lo lus cog tseg lawm.
Tsis ntev los no, kuv tus tub tau ntsib teeb meem. Koj puas paub vim li cas kuv ho tham zaj xwm txheej no? Rau qhov thiv dhau los kuv tau mus saib kuv tus tub, thaum ntsia pom tus ntaiv nce mus los, kuv txawm cia li muaj ib lub siab xav tias: “Yog muaj kev kub nyhiab, ces tus ntaiv no yuav cig sai heev” kuv thov Vajtswv tamsim: “Tus Tswv, yog tias muaj dabtsi tshwmsim, thov Vajtswv koj pab kom kuv tus tub xub nqes rau hauv pem teb ua ntej uas yuav txais mus rau tus ntaiv. “Ntawm no yog ib lo lus thov Vajtswv luv, tiamsis kuv paub tias Vajtswv tau mloog kuv. Thaum kub nyhiab loj tuaj, kuv tus tub thiab tus menyuam tub xeeb muaj 10 hli tab tom nyob hauv tsev. Thaum kuv tus tub ntsia pom tus nplaim taws cig ceev heev raum tshav puam, nws puag nkaus kuv tus tub xeeb khiav nqes los. Ib qhov zoo, taws thiab pa taws tseem cig tsis tau txog – nkawd tau khiav dim! Kuv ntseeg tias Vaj Ntsujplig tau tshoov kuv siab kom kuv thov Vajtswv thiab pab kom kuv tus tub pom tus nplaim taws ntawd. Ua Vajtswv tsaug nkawd ob leeg puav leej nyob zoo!
Dhau ntawm 1 Xwm Txheej, peb pom tias Vajtswv tau tiv thaiv Tswv Yexus caj ces rau hauv lub ntiajteb no. Thiab Vajtswv kuj yuav tiv thaiv peb. Kuv paub tias Vajtswv tau tiv thaiv kuv caj ces kom tsis raug hluav taws kub. Peb ntseeg siab tau rau ntawm Vajtswv tej lus – Vajtswv yog tus ncaj ncees thiab yog tus zoo.
Thov caw nrog kuv peb thov Vajtswv ua ke:
Tus Tswv, thov zam txim rau kuv vim muaj tej lub sijhawm kuv ntxhov siab thiab kuv ua xyem xyav rau koj. Thov pab kom kuv vam khom koj, tus uas tsis raug lub sijhawm khi thiab tsis raug ib yam dabtsis quas. Tus uas paub tseeb txhua yam thaum pib txog thaum xaus. Thov Vajtswv qhib kuv lub siab kom kuv nkag siab thiab ntseeg koj tej lus cog tseg, paub tias tej lus ntawd nws yog kev tab pov rau kuv kom kuv vam khom thiab zoo siab. Peb ua koj tsaug vim txhua yam koj tau ua tiav rau peb! Kuv thov hauv Tswv Yexus Khetos lub npe. Amees.
Cov kwv tij, kav tsij sawv khov kho rau ntawm yus txoj kev, paub tias lub neej tom ntej txawm yog tsis paub meej thiab yav dhau los tsis zoo raws li siab xav los, Vajtswv yeej tuav rawv peb nyob rau hauv Vajtswv txhais tes. Vajtswv cog lus yuav tiv thaiv peb thiab saib xyuas peb, thiab txoj kev cog lus ntawd tab tom muaj tseeb ntawm no yog txoj kev tab pov ruaj khov thiab txoj kev ntseeg yuav ntxiv zog rau peb nyob rau hauv txhua lub caijnyoog. Ntseeg tias Vajtswv lub homphiaj zoo uas Vajtswv twb npaj tseg thiab ua lub neej txhua hnub rau txoj kev cia siab hauv Vajtswv tej lus cog tseg.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.