Muaj ntau tug lawv ntshai tsaus ntuj. Kev tsaus ntuj cuag li nws muaj ib qhov kev phomsij nyas nrhw, thiab peb cheem tsum qhov pom kev coj kev. Nyob rau hauv lub ntiajteb tsaus ntuj nti puv npo kev txhaum vij puas ncig no, Tswv Yexus qhov kaj yog tus nplaim teeb ci pom kev tsis muaj hnub tuag, yuav pab ci pom kev, rhuav tshem txoj kev ntshai thiab coj peb mus txog rau ntawm qhov chaw kaj siab.
Hnub no, yog hnub 13/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dayna Lovelady dhau ntawm Zaj kawm RHUAV TSHEM LUB SIAB NTSHAI KEV TSAUS NTUJ.
“Kuv yog qhov kaj rau neeg ntiajteb. Tus uas raws kuv qab yuav tsis taug txojkev uas tsaus ntuj nti, tiamsis nws yuav tau lub neej tshav ntuj nrig” (Yauhas 8:12).
Peb paub tias menyuam yaus ntshai qhov tsaus ntuj. Ntau zaug tsuas yog tej ris tsho muab pov ntawm hauv plag xwb los kuj dhau los ua tej tus tsiaj txaus ntshai pub rau lawv thaum lawv xav hauv lawv lub hlwb. Niam txiv yog qhov chaw pheeb ruaj khov rau tej menyuam, tej menyuam yaus lawv khiav los ntawm peb thaum ntuj teb tag hmo, lawv xuas dub dhau ntawm ntau chav, thiab hais qhia rau peb tias “lawv ntshai heev.”
Kom pab rau cov menyuam lawv tso siab. Ces peb pheej taws tej lub teeb pw hmo ntuj. Nws pom kev zem zuag tsis yog tsuas pab rhuav tshem qhov kev tsaus ntuj xwb tiamsis tseem pab kom lawv txhob dawm taw rau qhov ub qhov no, xws li thaum lawv mus tso zis thaum hmo ntuj kom txhob dawm tej qhov rooj, lossis lawv ho saib lub qhov rooj xws li tej tus tsiaj txaus ntshai.
Thaum lawv loj hlob tuaj, qhov tsaus ntuj tsis yog tsuas yog qhov txaus ntshai thaum me xwb, tiamsis nws tseem muaj qhov tsis zoo nyob hauv yog peb tsis ceev faj. Muaj ib zaug, cua tau ntsawj ua rau kuv lub tsev hluav taws xob tu lawm, kuv yuav tau taws teeb kom thiaj tsis dawm kev kom sawv daws pom kev.
Thaum kev txhaum tseb qhov tsaus ntuj los rau hauv lub ntiajteb no, peb yuav tau vam khom Tswv Yexus tus duab ci pom kev kom thiaj yuav pom kev mus. Tswv Yexus qhia rau cov pej xeem coob coob txog Nws lub hwjchim tias: “Kuv yog qhov kaj rau neeg ntiajteb. Tus uas raws kuv qab yuav tsis taug txojkev uas tsaus ntuj nti, tiamsis nws yuav tau lub neej tshav ntuj nrig” (Yauhas 8:12).
Tswv Yexus zoo li tus nplaim taws coj kev, yog qhov kaj coj peb txhua kaujruam nyob hauv lub ntiajteb tsaus ntuj nti no. Thiab Nws yog lub hauv paus qhov kaj rau lub ntiajteb, thiab thaum peb nrog Nws mus, peb kuj yuav tau qhov pom kev ntawd coj kev – Vajtswv txojlus yog txoj kev, pab kom peb mus yog kev. Ib yam li Ntawv Nkauj 119:105 tau sau: “Koj txojlus zoo ib yam li lub teeb uas taws ua kuv ntej thiab ci rau kuv txoj haukev”
Yog tsis muaj Vajtswv txojlus ua qhov pom kev, peb yuav dawm taw ntog rau hauv qhov tsaus ntuj hauv ntiajteb no. Tiamsis los ntawm Vajtswv ua tus coj kev, peb txhua kaujruam yuav pom kev kaj nrig thiab tsis ntog.
Thov caw nrog kuv peb thov Vajtswv ua ke:
Tus Tswv thov kom koj qhov pom kev yuav dhau los ua tus nplaim taws coj kev rau lub ntiaj teb tsaus ntuj nti no. Thaum txoj kev tsaus ntuj vij puas ncig thiab txoj kev txhawj los txog, Koj tus duab pom kev yuav yog qhov chaw pheeb qhov chaw txhawb zog, yog daim thaiv hauv siab tiv thaiv rau kuv. Thov pab kom kuv muaj kev kaj siab hauv koj qhov pom kev, txhawb kuv kom ua siab ntev nrog koj mus tag tiam neej no. Kuv thov hauv Tswv Yexus Khetos lub npe. Amees.
Cov kwv tij, thaum koj tab tom taug txoj kev mus rau tom hauv ntej, cia Tswv Yexus qhov pom kev dhau los ua tus duab ci coj kev, yog lub hauv paus txhawb thaum koj cheem tsum kev tiv thaiv rau tej lub sijhawm phom sij hauv lub neej. Nyob hauv Tswv Yexus qhov pom kev, thov kom koj thiab kuv yuav nrhiav tau lub zog loj mus rau tom hauv ntej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.