Puas tau muaj zaum twg koj thov Vajtswv thiab tos tiamsis tsis hnov Vajtswv teb li? Tej xwm txheej cia li tshwmsim kiag tamsim ntawd, tiamsis koj tos ntsoov tsis hnov Vajtswv cawm? Tej lub sijhawm li ntawd, peb puas xav tias Vajtswv tuaj lig lawm. Tiamsis qhov tseeb tiag, Vajtswv yeej muaj Vajtswv lub sijhawm zoo. Qhov tseem ceeb yog peb puas ntseeg rau Vajtswv lub homphiaj zoo uas Vajtswv npaj tseg rau peb lub neej xwb?
Hnub no, yog hnub 14/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm VAJTSWV YEEJ TSIS LIG SIJHAWM.
“Muaj qee leej xav hais tias, Vajtswv tseem yuav tos ntev Vajtswv mam li ua raws li Vajtswv tau coglus tseg lawm, tiamsis yeej tsis yog li lawv xav. Vajtswv ua siab ntev rau nej, rau qhov nws tsis xav cia ib tug twg puastsuaj mus, tiamsis nws xav kom txhua tus nyias muab nyias tej kev txhaum huv tibsi tso povtseg” (2 Petus 3:9)
Lam kheev kuv xaiv dua lwm tus txij nkawm… YLam kheev kuv xyaum noj haus kom zoo… Lam kheev kuv muaj nyiaj ntau dua thiab tsis tshuav leej twg nqi… txhua yam cuag li yeej tsis tshwmsim los raws li tej uas peb xav. Txhua tus lawv tsis ua haujlwm raws li tej uas peb cia siab – thiab ntau zaug peb xav tias Vajtswv tuaj lig heev, lossis Vajtswv tsis tuaj lawm.
Vajluskub tham qhia rau peb mloog txog Laxalaus zaj xwm txheej, yog ib tug neeg mob nyhav. Cuag li Tswv Yexus tsis tuaj ntsib Nws tus phooj ywg zoo uas yog Laxalaus, txawm yog twb mob nyhav heev! Yauhas 11:5-6 hais qhia rau peb tias:
“Yexus hlub Mathas thiab Mathas tus niamhluas thiab Laxalus heev. Thaum uas Yexus hnov hais tias Laxalus mob heev ntawd, nws tseem nyob ntawm qhov chaw ntawd tau ob hnub ntxiv”
Yog li, Laxalaus thiaj tuag lawm. Thaum kawg Tswv Yexus kuj tuaj txog, tej neeg ib ncig lawv thiaj nug ib lo lus nug loj tias:
“Tiamsis lawv cov ntawd muaj qee leej hais tias, “Nws twb kho tau tus txivneej uas digmuag kom porn kev, nws ua tsis tau kom Laxalus tsis txhob tuag los? ” (Yauhas 11:37).
Ntseeg tiag, cov neeg no lawv twb pom Tswv Yexus ua ntau zaug txujci lawm tiamsis lub ntxa nyob ntawm lawv xub ntiag ho ua rau lawv muaj ntau lo lus nug: Tsis paub Tswv Yexus muaj homphiaj li cas pub rau Nws tus phooj ywg uas yog Laxalaus? Yog tias hais tseeb tiag, twb muaj ntau zaug peb kuj pom zoo li ntawd? Pom tias Vajtswv tsis teb peb tej lus thov, lossis Vajtswv tab tom tsis tuaj pab peb?
Kuv nco ntsoov thawj xyoo uas kuv ua thawj coj rau chaw ua haujlwm hauv CBN ntawm Costa Rica. Xyoo ntawd yog ib xyoo uas muaj ntau lub haum phiaj yuav ua, nrog rau ntau txoj kev sim siab yuav ua kom tiav; thiab kuv tus kheej kuj muaj ntau lo lus nug nrog tej lo lus teb. Koj puas tau muaj zaum twg ntsib zoo li ntawd lawm tau?
Muaj ib zaum peb npaj yuav ua tsaug txog ib qhov haujlwm pab cov menyuam pluag tshaj plaws nyob hauv lub nroog. Hnub ua tsaug uas sawv daws tos ntsoov ntawd thaum kawg kuj los txog. Peb npaj txhij txhua yam, ntau zaug tseem caw cov qhua tshwj xeeb tuaj koom. Tiamsis, sawv ntxov hnub ntawd, tus thawj coj hauv tsev kawm ntawv sau ntawd qhia kuv paub tias tsis kam cia cov menyuam tuaj koom. Thaum ntawd kuv thiaj nug tias: “Peb yuav tau ua li cas rau thaum no?”
Kuv ntseeg tias Vajtswv xav kom peb ua Vajtswv ib qhov haujlwm rau lub tsev kawm ntawv no. Yog li, tag nrho peb pawg thiaj thov Vajtswv thiab mus tos cov menyuam, txawm yog cuag li yeej ua tsis tau. Tau tshoov siab los ntawm txoj kev ntseeg, kuv thiaj hu rau tus thawj saib xyuas lub tsev kawm ntawv thiab hais tias: “Niam xibhwb qhia ntawv kuv tsis paub tamsim no koj twb npaj tau li cas lawm, tiamsis Vajtswv tau nqua hu kom peb yuav tau pab cov menyuam kawm ntawv no, thiab Vajtswv tsis muaj ib zaum twg yuam kev. Txhua yam twb npaj txhij rau cov menyuam yaus lawm, thiab cov qhua caw tuaj koom los lawv tab tom tos. Yog li koj puas muaj 30 feeb npaj ua ntej uas peb yuav tuaj txog.” Oh kuv yeej tseem hnov ntshee nyho thaum uas nco txog lub sijhawm uas kuv sib tham ntawd. Thaum peb mus txog rau hauv tsev kawm ntawv, kuv pom cuag li lub ntxa tab tom sawv ntawm peb xub ntiag, muab daim txiag zeb npog cia zoo zoo thiab yeej tsis muaj ib txoj kev cia siab twg.
Peb pib tes haujlwm, thiab yeej tsis hais txog tej xwm txheej uas tau tshwmsim los kiag tamsim ntawd. Qhov uas peb xav tsis thoob yog tej menyuam pib tuaj, ib tug zuj zus txog rau thaum uas tej menyuam tuaj puv nkaus thaum tsis tau txog 10 feeb. Yog qhov txujci uas Vajtswv ua!
Thaum ntawd, tsis muaj leej twg paub tias Vajtswv tab tom npaj rau peb tej txoj haujlwm loj yuav ua rau tej menyuam tom qab no. Tswv Yexus muaj ib lub homphiaj, thiab Nws yeej tsis lig. Tsis muaj ib tug nrim twg lossis ib txoj kev txomnyem twg yuav tav tau Vajtswv ua raws li Nws lub homphiaj hauv peb lub neej. Qhov teeb meem saib peb puas ntseeg Vajtswv tej lus cog tseg yuav pub rau peb xwb.
Koj puas xav tseg ob peb feeb los xav txog Vajtswv lub hwjchim thiab Vajtswv txoj kev zoo? Tej zaug koj yuav nco ntsoov txog txhua zaug uas Tswv Yexus tau los cawm koj thaum txog lub sijhawm, thiab tej lus cog tseg uas tsis tau muaj hnub dhau mus. Txawm yog koj tab tom ntsib teeb meem dabtsi los yeej tsis muaj ib yam dabtsi yuav nyob sab nraum Vajtswv txoj kev tiv thaiv. Ntseeg siab rau Vajtswv, vim Vajtswv tsis muaj ib zaum twg lig!
Thov caw nrog kuv peb thov Vajtswv ua ke:
Tus Tswv, hnub no kuv thov muab kuv lub neej fij rau koj, thiab kuv tej kev txomnyem sim siab uas kuv tab tom ntsib rau koj. Txawm yog ntawm kuv lub qhov muag yog txoj kev tag kev cia siab, cuag li tsis muaj kev mus los, kuv yeej txiav txim siab ntseeg koj, thiab ntseeg rau koj lub sijhawm zoo kawg nkaus uas koj tseg rau kuv lub neej. Kuv thov hauv Tswv Yexus Khetos lub npe. Amees.
Cov kwv tij txhua tus, txhob nug tias “Puas yog Vajtswv tuaj lig lawm?” Tiamsis yuav tau nug tias “Yus puas ntseeg tias txhua yam tshwmsim tuaj nyob rau hauv Vajtswv lub sijhawm zoo?” Txawm yog muaj tej lub sijhawm peb mloog cuag li Vajtswv tsis teb peb, los nco ntsoov tias Vajtswv muaj homphiaj zoo tseg rau peb. Yuav tau ntseeg Vajtswv lub homphiaj, paub tias Vajtswv yuav tsis tso peb tseg, thiab Vajtswv tsis muaj ib zaum twg yuav tuaj lig li.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply