Kòn mơnùs cau lơi kung kơp kòñ gơs dô nơm hiu nhă is he dê. Bulah behơ̆, broă sơmbat at ha la roat dô nơm hiu jat nùs koñ gen la bơta ò buôn soh lúi tòm rài kis ngai do. Bulah oh mi gam geh ơm tòm să tơm hiu he dê hala hiu ơpah, gen gơs dô nơm hiu crih crai neh rcăng lài oh mi in dilah oh mi neh dòn dơp Yàng Jesus.
Ngai do, ngai 01/08/2024, Bơta Hòi Dan Kòp Ngai dan jà ală ồng mò oh mi bơtê bal Jơnau Yàng kơnòm dê bơta dong kơl ồng Rich Mille dê bơh tơnggumê TIAH KƠNRÀÑ RCĂNG LÀI.
“Tòm hìu Bèp Añ gơs oă tiah ơm; dilah ò behơ̆ Añ neh đơs mơ bol mê rau, bơh Añ lòt rcang lài bol mê in dô bă tiah. Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.”
(Jang 14:2-3)
Dô la dùl tòm ală jơnau hơ Yàng dê mơ añ ai lơh sền dơng mang ngăn. Tòm tŭ gam là cau bơtê đại học, añ tìp oă bơta gơlik gơs kơñ jơ̆ kơn jut ngăn bơh bơta pràn kơldăng să jan dê mơ pal lik klơng nàng ri wơl tòm hiu. Jơh tŭ tơngai hơ̆ añ moat jrung ngăn mơ pal càng ngăn bơta chôl bơtrôt bơh Yàng.
Dô mhô nê, añ gam sền mơ kơlôi sơnưng bơh sèng Sră Goh tòm Jang 14:1-3. Mề añ ơm tòm ơdŭ đah nê kung gam sền dô bơta bơtê hòi dan kơp ngai. Mề añ gơlơh geh chôl bơtrôt tòm nùs mơ ai añ in git ală sèng Sră Goh mơ mề gơlơh chôl bơtrôt ngăn. Ồng mò oh mi git sơl hơ̆ la sèng Sră Goh lơi ò? Ngăn, hơ̆ là Jăng 14:1-3.
“Nùs bol mê bañ dơrcul: Neh dòn Yàng Tom Trồ, kung dòn tĕ Añ sơl. Tòm hìu Bèp Añ gơs oă tiah ơm; dilah ò behơ̆ Añ neh đơs mơ bol mê rau, bơh Añ lòt rcang lài bol mê in dô bă tiah. Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.”
Nền cê lah Yàng gam đơs mơ mề mơ añ găn dê Jơnau Kơnràñ. Jơl jơh tŭ tơngai ơm bic bơh kop ji tòm hiu, añ lòt găn oă bơta kơlôi pin wil wơl bơh bơta dong klàs mơ ò git să tòm ngan sơl geh deh wơl pa hala ò. Añ gơlơh be să tơm kong alah bơh bơta kop ji să jan añ neh tìp. Mơ ya Yàng Hwềng Goh neh bơ dê añ găn dê jơnau hơ lah Yàng Jêsus neh rcăng lài añ in dô bă tiah tòm lơgar sùm sùm Kơnràñ dê.
Yàng tơngkah añ rgơi dòn kơnòm Kơnràñ bơh añ la kòn Kơnràñ dê. Yàng kòñ añ bơdơh kơlôi rcăng hala pin wil wơl bơh bơta dong klàs he dê. Ala tềng hơ̆, Kơnràñ kòñ añ ơm rlô tòm broă mơ Yàng Jêsus neh lơh sir. Yàng Jêsus găm nggui đah ma sơbàn Yàng Tom Trồ mơ Yàng : “Yàng Tom Trồ neh lơh bol he in kis wơl bal mơ Yàng Krist Jesu, mơ nggui bal mơ Kơnràñ hơđang trồ” (Êphêsô 2:6). Añ rgơi jôi bàn bơta gar nền tòm broă Yàng neh lơh sir mơ jôi geh bơta rlô tòm Kơnràñ.
Cau Gơnoăr Bơtộ Jăng neh cih tòm sră pơyoa ồng dê dô sèng jong nàng ai bol he in gŏ Yàng Jêsus ò dơh wet sền hơ Yàng Bèp.
Yàng Jêsus neh đơs tus Bèp Kơnràñ 23 dơ̆ tòm Jăng 14, mơ 90 dơ̆ tòm jơh sră Jơnau Niam Jăng. Sền gŏ Yàng Jêsus la sền gŏ Bèp (Jăng 14:9). Mơ Yàng Jesus la gùng ming dùl nàng tus hơ Bèp (Jăng 16:6).
Bol he digơlăn neh dòn dơp Yàng, gơlik gơs kòn Kơnràñ mơ gam kơlôi he la kòn dềt kòn đơi đah hwềng. Bơta do digơlăn kalkê dơp git, mơ ya go ơs geh lơh găn dê bơta bol he pin wil wơl bơh bơta kòñ gơboh Yàng dê, rngòt rngơt bơh broă Yàng gơs hơ wơl jơnau hòi dan he dê hala ò, hala broă bol he gam prap n’hal mơ Kơnràñ. Tŭ bol he hŭi lah Yàng là Bèp he dê, bol he digơlăn kung hŭi ală jơnau hơ niam mơ Kơnràñ neh ai.
Lơi tĕ añ đơs wơl ồng mò oh mi in jơnau do: Yàng Jesus neh tơmgơl pa añ mơ oh mi, mơ Kơnràñ neh rcăng lài dô bă tiah bol he in tòm hiu Bèp. Bol he joi geh bơta gơn kơnòm bềng liu tòm tŭ dơp git he rơp sùm ơm tòm bơta gơtơmklĕ mơ Kơnràñ, bulah ơm hơđăng ù do hala hơđăng trồ. Yàng Jêsus neh rcăng sir gùng dà tai bơh să tơm Kơnràñ là Gùng dà. Găn dê broă dòn dơp Kơnràñ, bol he rơp dơp geh bơta Kơnràñ neh rcăng lài bol he in.
Kơp kòñ Bèp hơđang jong ai pràn pa ồng mò oh mi in tòm tŭ niam nùs dơp git he la kòn Kơnràñ dê. Mơ kơp kòñ nùs nhơm ồng mò oh mi bềng bơta gơn kơnòm tòm tiah mơ Kơnràñ neh rcăng lài ồng mò oh mi in tòm ù dô kung be hơđăng trồ.
Dan jà bol he dô nùs bal tòm bơta hòi dan:
Kòn ưnngai Yàng bơh kòn gơs dô bă tiah tòm hiu Bèp. Kòn ưnngai Yàng bơh geh la kòn Kơnràñ dê, geh ơm tòm hiu Kơnràñ. Ơ Yàng, bulah kòn ò hềt gŏ lơggar trồ, mơya dan Yàng ai kòn in ò dơh gơn kơnòm bơh tiah hơ̆ – tiah kòn rơp geh ơm mơ Kơnràñ sùm sùm. Dăn tơngkah kòn sùm bơh hiu sùm sùm, nàng kòn ò ơn nùs he dê hiu ing hơđăng ù do. Mơ ơ Yàng, kung dan dong kòn đơs bơh Yàng mơ jơnau hơ crih crai do ală cau đềt mêr mơ gơp bơyô kòn dê, nang bol khai kung rơp gơs dô bă tiah tòm hiu Kơnràñ dê. Kơp kòñ Kơnràñ tì lăm kòn kơp ngai jơl tus dê tŭ kòn tìp Kơnràñ.
Kòn ai sơnđan Yàng Jêsus Krist hòi dan mơ Yàng Bèp, Amen.
Ơ ală ồng mò oh mi kòñ gơboh,
Ồng mò oh mi gơs chò hòp tòm tŭ git lah Yàng neh rcăng lài dô bă tiah ồng mò oh mi in hala ò? Nùs ồng mò oh mi gơs bềng liu bơta gơn kơnòm hơ tiah mơ bol he rơp ơm mơ Kơnràñ sùm ùm hala ò? Kơp kòñ bol he rơp joi bàn wơl bơta chò hòp mơ bơta gơn kơnòm tòm Jơnau Kơnràñ. Mơ ngai do kung la dô ngai pa nang bol he rgơi đơs bơh bơta kòñ gơboh dong klàs mơ jơnau hơ kas mang do dô nă cau lơi ndai in. Kơp kòñ Yàng dong ồng mò oh mi mơ añ pơnjat la ală cau lơh cơng Kơnràñ in.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.