Yàng sùm kah kơlôi tus bol he, ò tú lơi ò kơlôi ò. Yàng git bơta lơi la niam rlau bol he in. Bơta kơlôi sơnơng mơ gung dà Yàng dê kòn mơnùs ò tú lơi sên gó, mơya bơta pơndòm pơniang bol he hớ la bơta kơlôi sơnưnang Yàng dê la niam.
Ngai do, ngai 17/08/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Esteban Castro dê bơh tơnggume: BƠTA KƠLÔI SƠNƠNG LƠNGAP LƠNGAI.
“Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.” (Jeremi 29:11)
Jơnau bơrtoh dơng ngài mơ tiah ẵn ơm bàr pe nơm hiu, ală cau gùt dar ntoat dô, rngòt rngơt, ò git jơnau bơrtoh hớ bơh tiah lơi. Ò gơs dô jơnau ang tơlik lơi bơh broă do jơl tus dê tú ală cau ling dong tơnchơt ồs hơng rang tơlik nchi bơh tài bơrtoh la bơh bơrtoh gaz ting tiah chung cư.
Ẵn òs ntoat gan tiah do. Jơl tus dê ngai do, tiah do gam lề lac lơm, gùt dar geh cau gơrwang ơ gơnong an ninh nàng ò ai dô nă cau lơi lòt tus. Mơya bàr năm lài, ẵn pơnđơl pràn nàng jòi hiu ơm ting tiah do mơya ò rgơi. Tai bơh tú hớ, oă ngan bơta kơryan lơh bơta jòi tiah ơm ẵn jê gơ kal ke oă rlau. Lồi dut, ẵn neh sang bơta ẵn neh lơh nền hớ, tòm bơta yoam joh.
Tú do, hiu do la bơta tơngkah ẵn lah: Buôn ngan nàng bol he ò rgơi dòp git pơta rơndap tap seng Yàng dê rài kis he in. – bè broă do, Yàng neh dong ẵm pleh klàs bơta jòi hiu mơ gơ rơp ceng ẵn in sơbơng roh. Ẵn kỡn ơm tòm hiu hớ, mơya Yàng git lai mơ ò ho ală bơta ẵn kơp kỡn. Yàng Tòm Trồ lơh ală bơta tòm nùs kỡn niam Kơnrẵn dê; oă cau dòn nẹ gơs ală jơnau lơh cơng bơh di bơta Yàng neh dong tă bơh ală bơta sơbơng roh mơ bơta git lam do kung neh dong ẵn wơng bơta rơndap tap seng Kơnrẵn dê ẵn in tòm tú hớ. Oă dớ lơh bol he ò kỡn kơlôi sơnơng mơ sên di bơta rơndap tap seng Yàng dê he in. Niam ngan tú git lah Jơnau Yàng bơtơl he in ală jơnau tơng kah mơ bơta tề lam.
Tòm sră II Yal Yau 25, tú he sền bơh bơtau Amajiah, bơtau Juđa, la cau neh tơr gom dô mpôl ling pràn kơl dang mơ càn dùl rhiang rơbô cau ling tòm Israel mơ jền tơngai pe rơbô kì priă. Mơya tơnớ hớ, ồng neh dòp wơl dô jơnau geh cih tòm seng 7: “Mơya gơs dô nă cau Yàng Tom Trồ dê lòt tus mơ khai mơ đơs lah: “Ơ bơtau, bañ lòi ală mpồl ling Israel lòt bal mơ bơtau, bơh Yàng Jehôwa ò ơm bal mơ Israel.”
Tú kơno jơnau hớ, bè ală cau ndai, bơtau kơlôi tus di ală pơnah jền mơ ồng neh ngui nàng càn ală cau ling rơp roh. Ồng lùp cau Yàng Tòm Trồ dê lah: “Bulah bơtau lòt is mơ tòmlơh, pràn kơldang tòm tiah tòmlơh, hala Yàng Tom Trồ rơp sang sơrbì bơtau di đap cau sò tơm, bơh Yàng Tom Trồ gơs gơnoar dong kòl hala lơh alah.””
Ală bơta he bơtê bal bơh bơta bơtê do lah: Tú he dòn kơnòm di bơta rơndap tap seng Yàng Tòm Trồ dê, ală bơta kơlôi sơnơng lah rơp roh mơya ceng wơl bơta kwơ mang he in. Bơta pha is ting do la bol he dòn kơnòm Yàng mbe lơi.
Dòn kơnòm té di Yàng nàng Kơnrẵn lơh broă, sền mpàng tê Kơnrẵn lơh broă mbe lơi mơ he dòp git lah ală bơta hớ la bơta nđàc mơ nùs nđàc sơngit Kơnrẵn dê, ò di bơh bơta chài rgơi hala jak chài is he dê.
Do kung la ală bơta neh gơlik gơs bơta Ôsia in la kòn bơta Amajiah. Bulah neh pha lin oă ngan bơta tòm lơh, mơya ồng neh ò pha lin lai mơ tú tòm lơh bơta tòm lơh dơng mang rlau jơh hớ la: bơta tòm lơh tòm nùs ồng dê. Ala mơ bơta rang tơlik nùs nhơm git yà bơta nđàc Yàng Tòm Trồ dê, Bơtau neh ceng wơl bơta pha lin ồng in, ồng neh ai lah bơta pha lin ồng dê la kơnòm di pràn is ồng dê. Nùs nhơm bơtau Ôsia dê bêng tơl bơta pơnhừ să lơh ồng in neh mut is tòm hiu duh khoai, mơ công nha la bơta sơbơng roh.
Tòm tú bơtau Ôsia gơhào nùs mơ ală cau gơnoar lam bồ ơn phan duh khoai kơryan ồng ơn phan ơn chu pơr guc hơ đăng cơnơng duh khoai, gen bồ ông dê gơlik dun (II Yal yau 26:19)
Gơ pơrlớ wơl, tú bol he sền tòm tap 27, bơtau Jôtham, kòn klau bơtau Ôsia dê, bol he sền gó ồng pha is mơ bèp ồng dê. Sră Goh ai bol he in git ồng ò mut tòm tiah sang goh bè bèp ồng dê neh lơh, bơta do ai gó ồng neh ò lơh jat bơta tồi glài bèp ồng dê, mơ Yàng neh ai phan bàn ồng in, “Behơ̆ Jôtham gơlik gơs pràn tài bơh khai lơh nền gùng dà khai dê di đap Jehôwa Yàng Tom Trồ khai dê.” (II Yal Yau 27:6). Bơtau Jôtham neh tơngkah wơl lah: mơ Yàng, bol he rgơi lơh pa wơl ală bơta tìs neh yau mơ sac lơh ală bơta niam, bulah tòm tú lơi.
Wèt mat sền tòm bơta rơndap tap seng Yàng Tòm Trồ dê mơ jơh nùs lơh jat ală bơta Kơnrẵn neh tề lam neh gơlik gơs jơnau tòm tòm tiah lơh broă tòm CBN tòm Mexico. Bol he gơs oă ngan bơta yal yau nàng yal bơh bơta don song Yàng Tòm Trồ dê. Dô nă cau dòn bơr Yàng Jesus ngan gen sùm gơs ală jơnau lơh cơng bơh Kơnrẵn. Bơta yal yau ồng mò oh mi dê la nchi taih? Mơ ẵn, hớ la Yàng neh sền gar ẵn bơh bơta pơrtoh dơng.
Dan jà bol he dô nùs bal tòm bơta hòi dan:
Ơ Yàng, oă dớ kon ò wơng bơh bơta rơndap tap seng Kơnrẵn dê kon in, mơya kon git Kơnrẵn sùm lơh ală bơta tòm nùs kỡn niam Kơnrẵn dê. Dan bơtơl bơta dòn kon in tòm ală bơta kal ke mơ bơta gơlong bol glar, mơ git Kơnrẵn la song ring mơ niam tú kon dòn jat bơta tề lam Kơnrẵn dê.
Kon hòi dan, tòm sơnđan Yàng Jesus Krist, Amen.
Ơ ală ồng mò oh mi kỡn gơboh, bẵn mhar yoan joh mơ moat jrum tú ală bơta neh lơh nền, bơta rơndap tap seng ồng mò oh mi dê ò jat nùs kỡn ồng mò oh mi dê, bơh git lah Yàng sum gơs bơta niam rlau jơh ồng mò oh mi in. Tòm ală bơta lơh nền ồng mò oh mi dê, jòi lùp té nùs kỡn Yàng dê nàng dòp geh bơta tề lam mơ rơp ò tú lơi lơh ồng mò oh mi in pơt wơl, bơh git ồng mò oh mi sac lòt jat gùng dà Yàng kỡn.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply