Nyob rau hauv lub neej puv npo kev sim siab thiab hloov pauv li no, peb tus kheej muaj ntau lub caws pliav, sab hauv thiab sab nraud tib si. Tej qhov txhab caws no yog tej cim los ntawm tej kev txhaum ua muaj, thiab peb txhua lub caws pliav puav leej yog Tswv Yexus ib lub qhov teeb ntsia rau ntawm Tswv Yexus txhais tes. Tswv Yexus hlub peb thiab ris peb tej kev txomnyem ntawd. Nws tab tom tos kom peb tso kev txhaum tseg tig rov qab los cuag Nws, kom tau Nws zam txim thiab rov qab kho zoo peb nyob hauv Nws txoj kev hlub.
Hnub no, yog hnub 22/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kellin Gibson dhau ntawm Zaj kawm TEJ CAWS PLIAV.
“Tiamsis yog hais tias nej tig rov los cuag kuv thiab ua raws li tej Ius uas kuv samhwm rau nej lawm, ces txawm yog nej mus nyob rau qab ntuj kawg lawm los kuv yuav coj nej rov los nyob qhov chaw uas kuv twb xaiv tseg cia rau nej tau pehawm kuv lawm” (Nehemis 1:9).
Kuv tsis paub thaum kawg yuav zoo li cas. Kuv zaum ntawm qhov chaw tos tib neeg hauv tsev kho mob thiab txhawj xeeb heev, kuv mam ua zoo nco saib txhua yam nws pib li cas. Ob peb hli dhau los, kws tshuaj tau txhawj xeeb txog qhov uas kuv haus tsis haum tshuaj es o sua. Thaum tseem yau txog thaum loj hlob, kuv pheej mob “o sua” thaum haus tshuaj. Qhov no ua rau cov kws tshuaj lawv tsis paub tias yuav muab tshuaj dabtsi rau kuv haus thaum kuv muaj mob. Yog li, cov kws tshuaj thiaj mus ntsib cov kws tshuaj uas paub txog cov neeg uas haus tej tshuaj tsis haum ntawd.
Txawm yog txhawj rau txoj kev sib ntsib no los, kuv ua tsaug vim tus kws tsuaj ntawd yog ib tug ua siab ntev, nws yeej ua siab ntev rau kuv tej lus nug. Nws tab ncuab txog qhov uas kuv haus tsis haum tshuaj thiab kuv tus mob “o sua” ntawd. Yog li pog thiaj muab kuaj saib kuv tus mob tsis haum tshuaj thaum tseem menyuam yaus los puas tau zoo zog lawm. Kuv txhawj heev, tiamsis ntawm no yog qhov uas yuav tau ua. Kuv thiaj txiav txim siab kuaj, txawm yog paub tias tej no yeej tsis zoo li siab xav. Kuv mus tsib kuv cov ntawv nqaij ntau zaug lawm, thiab tos saib zoo li cas. Tiamsis ua Vajtswv tsaug! Kuv tsis raug mob “o sua” thiab cov tshuaj haus ntawd thiaj raug muab tshem tawm. Txawm yog kuv mus cuag kws tshuaj poob lawm plaub teev los qhov no ua rau kuv muaj sijhawm ntau los xav. Yam uas ua rau kuv nco ntsoov yog qhov uas kws tshuaj xav tsis thoob thaum kuv hais tias kuv twb tsis siv tshuaj los ntev lawm. Ntawd yog qhov uas kuv paub tias Vajtswv tiv thaiv kuv zoo heev.
Tom qab txoj kev mus cuag kws tshuaj hnub ntawd, kuv lub siab puv npo txoj kev nco Vajtswv tshav ntuj vim paub tias Vajtswv hlub kuv dhau. Zoo li txoj kev hlub uas Nehemis tau hais txog thaum yawg thov Vajtswv rau lub nroog Yeluxalees.
“Tus Tswv uas yog Vajtswv tus nyob saum Ntuj! Koj yog tus uas muaj hwjchim loj thiab peb sawvdaws hwm koj nkaus xwb. Koj yog tus uas ncaj ncees thiab ua raws li koj tej lus cog tseg rau cov neeg uas muab siab npuab koj , hlub koj thiab ua raws li koj tej samhwm. Tus Tswv, thov koj tsa qhovmuag saib kuv thiab tig pobntseg mloog kuv tej lus uas kuv niaj hnub niaj hmo thov koj pab cov tubtxib uas yog haivneeg Yixalayees. Kuv thov lees tej kev txhaum uas peb cov neeg Yixalayees tau ua rau koj lawm. Kuv cov yawgkoob thiab kuv los tau ua txhaum rau koj lawm thiab. Peb tau ua txhaum rau koj loj kawg nkaus thiab tsis tau ua raws li koj tej lus samhwm ib nyuag qhov li. Peb tsis coj raws li koj tej kevcai uas koj muab cob rau peb los ntawm koj tus tubtxib Mauxes hlo li. Nimno thov koj nco ntsoov tej Ius uas koj tau cog tseg rau Mauxes hais tias, ‘Yog nej cov neeg ua tsis ncaj tsis ncees rau kuv, kuv yuav muab nej ntiab mus nyob xyaw luag lwm haivneeg. Tiamsis yog hais tias nej tig rov los cuag kuv thiab ua raws li tej Ius uas kuv samhwm rau nej lawm, ces txawm yog nej mus nyob rau qab ntuj kawg lawm los kuv yuav coj nej rov los nyob qhov chaw uas kuv twb xaiv tseg cia rau nej tau pehawm kuv lawm” (Nehemis 1:5-9).
Zoo ib yam li Nehemis, muaj qee txoj kev txhaum hauv lub neej yeej tseem tsuam nrees rau kuv. Tiamsis kuv nco ntsoov tias Vajtswv tsis rau txim rau kuv raws li lo lus uas luag pheej hais tias “raug phem raws li tej yus ua”. Pauv qhov uas tsimnyog yuav tau txais tej uas peb ua ces Vajtswv hlub thiab maj mam kho kom peb tig rov qab los cuag Vajtswv. Txhua zaug uas saib cov qhov txhab caws pliav ntawm kuv txhais tes, kuv yeej tsis xav muab npog cia, qhov no yuav ntuas kom kuv nco ntsoov Tswv Yexus lub hwjchim thiab txoj kev zoo. Zoo li tej qhov txhab sab nraud, tej qhov txhab hauv peb lub siab los kuj yuav nthuav tawm Vajtswv lub hwjchim tiv thaiv peb ib yam li ntawd. Txawm yog peb yuav muaj lub caws pliav twg los, nco ntsoov tias Cawm Seej Tswv Yexus tab tom ris peb tej caws pliav ntawd hauv Nws txoj kev hlub ib txhis.
Thov caw nrog kuv peb thov Vajtswv ua ke:
Tus Tswv uas muaj kev hlub, thov pab kom kuv ntsia pom kuv tej caws pliav zoo li ib lo lus ntuas, tias koj muaj cuab kav kho tau txhua txoj kev puas tsuaj hauv kuv. Ua Vajtswv tsaug rau koj txoj kev tiv thaiv thiab koj txoj kev hlub zoo kawg nkaus tau ntws los hauv kuv lub neej. Tej kev txhaum ntawd ua rau peb muaj kev tu siab kuj tab tom ua rau koj mob siab! Yog li tus Tswv, thov qhia rau peb kom peb paub lees txim thiab tig rov qab los cuag koj dua. Kuv thov hauv Tswv Yexus Khetos lub npe. Amees.
Cov kwv tij yog tias koj xav tsis thoob rau Vajtswv txoj kev hlub tsis muaj nrim uas Vajtswv pub rau koj? Ces paub tias Vajtswv tab tom ris koj tej qhov txhab ntawd, koj lub siab puas puv npo kev nco tshav ntuj thiab puas xav khiav mus rau ntawm Tswv Yexus? Qhib siab los lees txim rau Vajtswv kom Vajtswv muaj cuab kav rov pab peb, kom hloov pauv peb tej qhov txhab ntawd dhau los ua lub cim rau Vajtswv txoj kev hlub. Thov kom Vajtswv txoj kev hlub thiab kev zam txim hloov pauv peb lub neej, thiab coj txoj kev kaj siab thiab kev zoo siab ib txhis los pub rau peb.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.