Tơm rài kis li bơta gơlik tus, bol he at gal bơta tềp sột , đah bơdìh băl mơ tòm nus. Ală bơta tềp sột hơ̆ la tềl gơlik gơs bơh tồi glài, mơ dô nơm tềp sột bol he dê la dô nơm đin tềl đin pơng di mpàng tê Yàng Jêsus. Yàng kờn bol he mơ àñ jơh bơta jê sồt băl mơ bol he. Yàng kơp gơn bol he gơjrañ sang glài mơ rê wơl, geh Yàng toh glài mơ bơtào wơl tom bơta kờn gơboh.
Ngai do, ngai 22/08/2024, Bơta Hòi Dan Kơp Ngai dan jạ ală ồng mọ oh mi bơ tê bal jơnau Yàng mơ ông Kellin Gibson bơh tơnggume ALĂ TỀP SỒT.
“Mơya dilah bol mê rê wơl hơ Añ mơ prap gàr ală bơta sồr lam Añ jê, mơ lơh jat; bulah bol mê kòl sơrbì hơ jơng trồ ngài rlau jơh, gen Añ rơp tơrgòm bol khai bơh tềng hơ̆, mơ lam bol khai rê tus hơ tiah Añ neh sac rwah nàng bơtào kơ̆ sơnđan Añ jê.” (Nehemi 1:9)
Añ ò git cồng nha gơlik gơs mbe lơi. Nus añ kơlôi rcăng ngăn tom tŭ gùi tơm dô nơm ơdŭ hiu sơnơm dê. Añ pơnđơl kah wơl ală broă gơlik gơs mbe lơi. Đợ kơnhai lài, cau gơnoar sơnơm yăl tơlik bơta kơlôi rcăng bơh añ ò rgơi nàng ngùi ală sơnơm kháng sinh jat be hồ sơ y tế an dê. Añ gơ lơh guh kiat tơm tŭ ngùi ală sơnơm kháng sinh. Gen cau gơnoar sơnơm ò gít ai sơnơm lơi tom tŭ añ tìp kọp ji. Tài bơh hơh. Cau gơnoar sơnơm yăl añ in tus mơ cau rgơi dŏng kơl tơm bơta dị ứng hơ̆.
Bulah añ kơlôi rcăng ngăn tom añ tìp mat, añ ưn ngai oă ngăn cau jak chài tòm bơta kọp dị ứng bơh khai la dô nă cau dệt mêr, mọ ò sơ êt sơ ềl bơh bơta lùp añ dê, Mọ đăl git ală bơta dị ứng añ dê. Gen mọ kơp kơn lơh dô nơm xét nghiệm nàng git bơta dị ứng hơ̆ bơh tŭ añ găm kơnom neh gơ huc hala ờ. añ kơlôi rcăng ngăn, mơya bơta dô la bơta păl cang. Gen añ lơh nền nàng xét nghiệm. Bulah git la kalke ngăn. Añ neh lơh oă bơta cik gơltau, mơ gơn cồng nha gơlơh ò kơnơm. Mơya ưn ngai Yàng! Añ gơlơh ò kiat, mơ sơnơm kháng sinh ò di lơh añ in kiat. Bulah bơta hơ̆ tus 4 jơ gơ neh sir, gơ ai añ in oă jơ nàng kơlôi. Bơta gơ lơh añ in kah ngăl cau gơnoar sơnơm ai lơh crih crài tŭ kơnô añ đơs añ ò ngùi sơnơm kháng sinh bơh tŭ añ kơnom. Hơ̆ la tŭ añ git Yàng neh sền gar an dô bă krơi is!
Lồi ngai hơ̆, nus añ bìng bơta ưn ngai Yàng bơh git la Yàng kờn añ sum, gơlơh be bơta kờn gơboh NeHeMi dê gơwet Jerusalem in tom tŭ ông hoi dan.
“Ơ Jehôwa Yàng Tom Trồ hơđang trồ dê, Yàng Tom Trồ dờng mơ pal duh rngòt, Bơtau prap gàr bơta ho bal mơ gơs nùs kòñ gơboh kơ̆ dơn gơwèt mơ ală cau kòñ gơboh di Kơnràñ mơ prap gàr bơta sồr lam Kơnràñ dê, Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài. Bol hi neh lơh bơta tìs mơ Yàng oă ngan, ò lơh jat bơta sồr lam, bơta sơnio lam mơ bơta boh lam Kơnràñ dê, mơ Kơnràñ neh sồr Môise, dĭ gơna Kơnràñ dê. Dan kah jơnau Kơnràñ neh sồr Môise, dĭ gơna Kơnràñ dê lah: ‘Dilah bol mê ò dòn song, gen Añ rơp rsìh bol mê digùl ală làng bol. Mơya dilah bol mê rê wơl hơ Añ mơ prap gàr ală bơta sồr lam Añ jê, mơ lơh jat; bulah bol mê kòl sơrbì hơ jơng trồ ngài rlau jơh, gen Añ rơp tơrgòm bol khai bơh tềng hơ̆, mơ lam bol khai rê tus hơ tiah Añ neh sac rwah nàng bơtào kơ̆ sơnđan Añ jê.’” (Nehemi 1:5-9 )
Be Nehemi, gơs ală tồi glài tơm rài kis añ dê kơnjơ̆ ngăn. Mơya, añ kah ngăl la Yàng ò di lơh glài tơmàl be cau bơh dìh đơs. Bol he păl kŏng lơh glài tơmàl jat be broă bol he lơh, mơya Yàng kờn gơboh mơ bơtô tơngkah nàng bol he rê wơl mơ Yàng. tơm tŭ sền wơl ală tềp sồt di tê bơh lơh xét nghiệm, añ ò kờn dơl gơ, bơh gơ tơm kah añ ală bơta niam mơ gơnap gơnoar Yàng JeSus dê. Gơlơh be tềp sồt đah bơdih, be hơ̆ ală tềp sồt tơm nus bol he dê kung ràng tơlik bơta sền gar Yàng dê. Bulah bol he gơs tềp sồt lơi, kah tĕ Yang kung băl mơ he àñ jơh ală tềp sồt hơ̆ – tơm bơta kờn gơboh dờng ơnàng Yàng dê.
Dan jà bol he dô nùs bal tòm bơta hòi dan:
Kon khoai Yàng JeSus la bơtau kờn gơboh, dan ai bol kon in git sền ală tềp sồt be ală bơta bơtô tơngkah, la Yàng sơmbòi cau gơs nus jê sồt moat jrùng. Ưn ngai Yàng bơh bơta sền gar mơ bơta kờn gơboh krơi is Yàng dê gơwet mơ bol kon. Ală tồi glài lơh bol kon in jê sồt kung lơh Yàng in moat jrùng! Gen behơ̆ ơ Yàng, dan ai bol kon git gơjrañ sang glài mơ rê wơl mơ Yàng. Kon hòi dan mơ ai sơn đăn Yàng Jêsus Krist, A-men.
Ơ ală ồng mọ oh mi kờn gơboh, oh mi gơlơh crih crài ngăn di đap bơta kờn gơboh dờng ơnàng Yàng dê gơwet mơ oh mi ò ơ? Tŭ git la Yang neh àñ ală bơta tềp sồt bol he dê, nus bol he rơngoh rongach mơ kơp kờn rê wơl mơ Yàng ò ơ? Pợ tĕ nus mơ gơjrañ sang glài tồ Yàng bơtào wơl bol he, Yàng lơh ală tềp sồt gơlik gơs be tềl bơta kờn gơboh. Dan bơta kờn gơboh mơ bơta toh glài Yàng dê tờm gơl rài kis bol he, cèng bơta lơngai mơ hon chò sum sum.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply