Muaj ib lo lus nug loj uas cuag li txhua tus yeej tseem khuab xeeb txog, lo lus ntawd yog li no: Homphiaj hauv kuv lub neej yog dabtsi? Yog ib tug ntseeg Vajtswv, peb tsis ua ib lub neej nyob tsis muaj homphiaj. Peb paub tias Vajtswv muaj ib lub homphiaj, muaj ib txoj kev npaj tshwj xeeb rau Vajtswv cov menyuam uas Vajtswv hlub. Vajtswv tab tom coj peb txhua hnub, kom ua tiav Vajtswv lub homphiaj uas Vajtswv npaj tseg rau peb.
Hnub no, yog hnub 23/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Carolyn Fraiser dhau ntawm Zaj kawm TAU HU LOS RAU IB LUB HOMPHIAJ.
“Tej zaum qhov uas koj tau los ua niam vajntxwv rau tej lub sijhawm zoo li no, twb yog los pab cawm peb haivneeg kom dim kev puastsuaj los kuj tsis paub (Exathaws 4:14).
Nyob rau hauv ntau xyoo dhau los, kuv xav txog txoj kev uas nrhiav Vajtswv lub homphiaj tseg rau kuv lub neej. Vajtswv muaj homphiaj dabtsi tseg rau kuv? Tsis paub Vajtswv lub homphiaj tseg rau kuv lub neej yog dabtsi?
Tomqab ntseeg Vajtswv thiab dhau los ua ib tug ntseeg, kuv pib xav ua haum Vajtswv siab. Kuv paub zoo Vajtswv tej lus cog tseg nyob hauv Yelemis 29:11 tias Vajtswv muaj ib lub homphiaj zoo rau Vajtswv haiv neeg Yixalayees: “Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej.” Tiamsis tamsim no cov lus cog tseg no puas tseg rau kuv?
Kuv ua tib zoo coj kuv kuv lub neej, tej thaum tsem ua neej ntshai nyoo thiab. Yog kuv mus yuam kev ne yuav zoo li cas? Tsis paub Vajtswv puas chim rau kuv? Tej lo lus nug no ua rau kuv ntshai, thiab ua rau kuv tsis kav uab lub siab tawv nrog txoj kev ntseeg. Tiamsis kuv pib nug tias: yog kuv pheej ua xyem xyav rau lub sijhawm uas Vajtswv hu kuv ne ho yuav zoo li cas thiab? Kuv tsis xav ua poob Vajtswv lub homphiaj.
Nyob rau tej lub sijhawm zoo li ntawd, kuv nco txog Exathaws, Exathaws tau nyob yog caij, ncaj sijhawm, sawv los thiab ua raws li Vajtswv lub homphiaj, tiv thaiv cov neeg Yudais. Vajtswv tes haujlwm ua dhau ntawm Exethaws zoo kawg nkaus – thiab ntseeg tias yuav muaj ntau tus neeg hauv peb xav kom tau Vajtswv siv zoo li ntawd.
“Tej zaum qhov uas koj tau los ua niam vajntxwv rau tej lub sijhawm zoo li no, twb yog los pab cawm peb haivneeg kom dim kev puastsuaj los kuj tsis paub (Exathaws 4:14). Kuv pom nqe Vajluskub no muaj nqis rau kuv, vim nyob hauv nqe no nws muaj hwjchim. Tiamsis kuv ho tsis ceev faj txog lub sijhawm ntev uas coj Exathaws mus kom txog rau qhov chaw uas Vajtswv siv. Exathaws yog ib tug menyuam ntsuag, nws tus txiv ntxawm kwv tij yog Maudekhais tu nws. raws li peb paub, tus ntxhais no yeej tsis muaj kev ntshaw kom tau ua poj vajntxwv, tiamsis ho tau vajntxwv hlub thiab dhau los ua poj vajntxwv, nyob rau ib lub sijhawm uas muaj kev txomnyem heev rau cov neeg Yudais. Nws ua xyem xyav thaum uas yuav tau sawv los thiab mus ntsib vajntxwv, thaum Hamas npaj yuav muab nws haiv neeg tua pov tseg. tiamsis Maudekhais txhawb kom pog yuav tau mus rau tom ntej, yog li Exathaws thiaj dhau los ua ib feem tseem ceeb hauv Vajtswv lub homphiaj.
Exathaws lub neej tsis yog tsuas ncig mus dhau ntawm lub sijhawm no xwb, Vajtswv tau coj nws kev ua ntu zus, tej zaug nws yuav tsis pom txog qhov no. Vajtswv coj nws mus txog rau lub nroog Suxas nrog nws tus tijlaug kwv tij Maudekhais nyob ua ke. Txuas ntxiv Vajtswv qhib ib lub sijhawm tshiab rau nws tau ua poj vajntxwv. Vajtswv pab kom nws tau ntau tus qhuas thiab hwm, nyob hauv muaj vajntxwv.
Vajtswv coj nws ib kaujruam zuj zus, kom thaum kawg nws mus txog chaw, ncaj lub sijhawm. Nws ib txwm yog neeg zoo li txhua tus, tiamsis nws tau mloog lus thiab mus raws li Vajtswv lub sua hu, mus rau ntawm qhov chaw uas Vajtswv tau npaj tseg rau nws. thaum txog lub sijhawm uas nws yuav tau mus ntsib vajntxwv, txawm yog tsis tau vajntxwv hu, los nws txiav txim siab mus nrog lub siab ntseeg. Yog vajntxwv tsis thooj yim ces nws yuav raug tua pov tseg. Txoj kev txiav txim no yuav tsum tau ua lub siab tawv.
Vajtswv muaj ib lub homphiaj thiab ib txoj kev npaj rau Vajtswv txhua tus menyuam – zoo li Vajtswv muaj ib lub homphiaj tseg rau Exathaws. Thaum uas kuv nrog Vajtswv mus, kuv kawm tau tias Vajtswv coj kuv kev raws li tej txoj kev uas ib txwm mus ntau zaug kuv tseem tsis paub. Thiab nyob rau hauv lub neej txhua hnub ntawd, Vajtswv coj peb mus kom txog chaw, ncaj lub sijhawm kom hloov pauv ntau tus lub neej.
Koj twb npaj txhij rau lub sijhawm ntawd lawm los tsis tau?
Thov caw nrog kuv peb thov Vajtswv ua ke:
Ua Vajtswv koj tsaug rau koj txoj kev hlub thiab qhuas koj yog tus coj kuv kev hauv kuv lub neej. Thov Vajtswv pub kom kuv muaj lub siab hnov Vajtswv koj lub suab hu rau txhua lub caijnyoog, ntxiv lub siab tawv rau kuv kom mus raws li Vajtswv ua tus coj kev. Thov pab kom kuv dhau los yog ib yam cuab yeej muaj nqis nyob hauv Vajtswv txhais tes, kom kuv ci koj qhov kaj mus qhia rau txhua tus ib ncig. Thov kom txhua kaujruam hauv kuv lub neej puav leej ua rau Vajtswv koj tau koob meej. Kuv thov hauv Tswv Yexus Khetos lub npe. Amees.
Cov kwv tij txhua tus, thaum uas rov qab tig ntsia, koj puas pom meej meej txog Vajtswv txoj kev npaj hauv yus lub neej, thiab pom tias yeej tsis muaj ib yam dabtsi twg nyob hauv Vajtswv txhais tes cia li xwb tim tshwmsim? Txhua kaujruam uas Vajtswv coj peb kev puav leej nyob hauv Vajtswv lub homphiaj zoo kawg nkaus, kom coj peb mus yog chaw, thiab yog sijhawm, kom peb ua tiav Vajtswv lub homphiaj zoo uas Vajtswv npaj tseg rau peb txhua tus lub neej. Koj puas npaj txhij muaj lub siab tawv mus raws li Vajtswv lub suab hu thiab tuav kom ruaj lub sijhawm zoo uas Vajtswv qhib pub rau koj?
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply