Gơs dô nơm Sèng lùp dơng mơ gơlơh be cau lơi kŭng neh kơlôi dơrcul: Tơnggu rài kis ăñ là ñchi? Là cau dòn Krist, bòl he ò kis rài kis tòm bơta ò gơs tơnggu. Bòl he git lah Yàng gơs dô tơnggu đăp, dô bơta rơndăp broă krơi is ai kòn sau kơñ gơboh Kơnràñ dê. Kơnràñ găm tề lăm mơ sơñio lăm bòl he kòp ngai, nàng kòp cơnđoà lơh sir gơnoăr broă sang goh mờ Kơnràñ neh rcăng lai bòl he in.
Ngai do, ngai 23/08/2024, bơta hôi dăn kòp ngai dan ja òng mò oh mi dô nùs băl kơlôi sơnưng Jơnau Yàng bal mơ càu cih Carolyn Fraiser găn tơnggu GEH HÒI AI DÔ TONGGU IN.
“Mơ ñcau koñ git lah bơta ai dòp geh gơnoăr bau ur bơtau ò di tài bơh dô tŭ tơngai kŭng be dọ ò ơ ?”
(Este 4: 14)
Tòm oă konhai sơnăm, ăñ neh kơlôi dơrcul joi tơnggù mơ Yàng ai tờm rài kis he. Yàng gơs gơnoăr sôr lơi ai añ in taih? Lôi dùt, bơta rơndăp Kơnràñ dê hơđăng rài kis añ là ñchi?
Tơnơ̆ mờ tŭ neh dòn dờp Yàng mơ gơlik gờs dô nă cau dòn Krist, añ kờñ ngăn lơh niam nùs Kơnràñ. Añ git loh jơnau hơ Yàng Tom Trồ dê tòm Jeremi 29:11, lah Kơnràñ gơs dô tơngu tơm, dô bơta rơndàp lang bol Israel in: “ Bơh Añ git bơta kơlôi-sơnơng Añ jê gơwèt mơ bol mê la bơta kơlồi-sơnơng lơngap-lơngai, ò di la rung rài, nàng bol mê ĭn geh bơta gơn-kơnòm tòm ngai tơnơ̆ bol mê dê.” Mơya jơnau hơ dô gơs ai añ ĭn sơl?
Añ kis dô rài kis git-kơrhia ngăn, tian gơs añ rngòt-rngơt ngăn. Dilah añ lòt tis gùng gèn ñchi taih? Yàng gơs nùs gơhao-gơjràñ gơwèt mơ añ sơl? Ală sèng lùp hơ̆ sùm lơh añ ĭn rngòt, kơryăn pràn kơldăng añ cơnđoà tòm bơta dòn. Mơya añ sơntờm wơl lùp is lah: dilah băt-rơñyà gèn añ rơp roh tŭ lơm-pah mơ Yàng găm hòi ja gèn ñchi taih? Añ ò kơñ lơi roh tơnggu rơndăp Kơnràñ dê.
Tòm ală broă gơlik gơs behơ̆, añ kah tus mò Este. Este neh ờm tòm toh ơnih, tòm toh tŭ jơ, nàng ntao mơ lơh jat bơta rơndăp Yàng Tòm Trồ dê, sền gàr lang bol Juda. Gơnoăr broă Yàng lơh găn di mò Este crih crài ngăn- mơ nên-cê lah oă cau tòm bol he kŭng kòp kơñ geh Kơnràñ ngui behơ̆.
“Mơ ñcau koñ git lah bơta ai dòp geh gơnoăr bau ur bơtau ò di tài bơh dô tŭ tơngai kŭng be dọ ò ơ ?”
(Este 4: 14). Krơi is añ geh gơ-chôl di đăp seng sră goh do, bơh tom hơ̆ gơs bêng gơnăp-gơnoăr pràn ngăn. Mơya añ ò kơlôi tus gùng lòt jong neh cèng Este tus tòm-toh ơ-nih tiah nàng Yàng ĭn ngui. Este la kòn-đơi, neh geh bi lŏ khai dê la Makdôce rŏng-siăm. Jat bol he git, gen cau ơruh do ò gơs bơta ham kơñ lơi jat dunnia, mơya khai neh geh cau bơtau kơñ gơboh, mơ gơlik gơs cau ur bơtau, tòm dô pah rài kalke gơwèt mơ lang bol Juda. Mò kŭng gơs bota dơrcŭl tòm tŭ lơh nên ntao mờ tìp cau bơtau, tòm tŭ Haman bơtao kai gơrmơ̆i ai gơnoăr- sôr tơn-roh jơh lang bol mò dê. Mơya Makdôce neh chôl bơtrôt mò păl tus tĕ, bơh hơ̆ gèn Este gơlik gơs la dô pơnah dơng màng tòm tơnggu broă Kơnràñ dê.
Gùng lòt Este dê ò di ming pơr-wăc tòm broă dô gơi. Yàng Tom Trồ neh tề lăm khai tòm kờp cơnđoa, mơ di gơlăn khai ò dờp git bơta hơ̆. Kơnràñ neh cèng mò tus hơ Su-sơ nàng kis mơ bi lŏ khai dê la Makdôce. Kơnràñ neh pờ tŭ lơmpah nang khai ĭn geh sac rwah gơlik gơs bau ur bơtau dê. Mơ Kơnràñ neh dŏng khai geh kơñ gơboh dê đăp jơh tơl nă cau, ting hơ̆ gơs cau bơtau.
Yàng neh tề-lăm khai kờp dồ cơnđoa nàng lôi dùt khai rgơi tus tom toh ơnih tiah, tom toh tŭ jơ. Khai ming la cau be òs mơya khai neh dòn bơr mơ cơn-đoa lòt jat jơnau hôi Yàng dê nàng tus dê kơ-nă tiah mơ Kơnràñ neh rcăng khai in. Tus dê tŭ khai pal tòm tìp mơ cau bơtau, bulah bơtau ò hoi lùp khai, khai neh lơh nên cơn-đoa lot bơh bơta dòn. Dilah cau bơtau ò dô nus bal, gèn khai rơp kŏl tơn-chơt. Bơta lơh nên dô hôi lùp bơta khin cha krơi is ngăn .
Yàng gơs dô nơm tơnggu mơ dô bơta rơndăp ai kòp nă kòn sau Kơnràñ dê- ndrơm be Kơnràñ gơs dô bơta rơndăp mò Este in. Tŭ añ cơnđoa lòt mơ Kơnràñ, añ neh geh bơtê lah Kơnràñ sùm tề-lăm mơ sơñio lăm añ jat gùng dà be òs-òs jơl tus tŭ mơ añ ò găm đal git tai. Mơ tòm rài kis òs kòp ngai añ jê, Yàng rơp cèng bol he tus tòm toh ơnih tiah, tòm toh tŭ jơ, nang lơh gơlik gơs ală cơnđoa krơi is tòm rài kis oă cau ndai dê.
Òng mò oh mi neh rcăng sir tŭ hơ̆ in sơl?.
Dan ja bòl he dô nus bal tòm bơta hòi dan:
Kòn ưn ngai Yàng bơh bota kơñ gơboh mơ bơta tềlăm Kơnràñ dê tòm rài kis kòn dê. Dan Kơnràñ ai kòn ĭn bơta ngòc-khơr nàng iat kơno jơnau hoi Kơnràñ dê tom ală bơta golik gơs, mơ bơntơl kòn ĭn nus khin cha nang cơnđoa lot bơta soñio lăm Kơnràñ dê. Dan kon in gơlik gơs phăn ngui kwơ mang tòm tê Kơnràñ dê, nang ceng bơta ang Kơnrầñ dê pơnđang wơl ală cau gùt dăr in. Dan kop cơnđoa tòm rài kis cèng wơl bơta gơ-klŏ sơnđăn Kơnràñ. Kon jơh nus hòi dăn, tòm sơnđăn Yàng Jesu Krist, Amen.
Ơ ală òng mò oh mi kơn gơboh, tŭ sền lăng wơl, oh mi dòp git loh lang bơta rơndăp crih crài Yàng dê tòm rài kis he, mơ git lah ò gơs bơta loiw la krơi is tòm tê Kơnràñ? Kờp cơnđoa Kơnràñ tềlăm bol he lòt la dô pơnah tòm bơta rơndăp niam dê, tồ cèng tus tòm toh tiah, tòm toh tŭ jơ, nàng bol he wil-tơl lơh sir gơnoăr broă sàng goh mơ Kơnràn neh rcăng sir rài kis kơp nă cau dê. Oh mi neh rcăng sir khin cha cơnđoa lòt jat jơnau họi Kơnràñ dê, mơ sơm-băt kơ̆ tŭ lơmpah mơ Kơnràñ pờ bol he ĭn sơl?
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply