Thaum pom cov neeg ncaj ncees ntsib teeb meem, koj puas hnov nyuaj nkag siab? Koj puas nug tias vim li cas tej teeb meem no ho tshwmsim los raug rau lawv? Koj puas xav tias, tej zaug yog ib yam dabtsi twg ntawd lawv thiaj ris tej yam zoo li no? Thiab lub sijhawm ntawd, koj yuav xaiv txhawb zog lossis txiav txim rau lawv?
Hnub no, yog hnub 27/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kimberly Poteet dhau ntawm Zaj kawm TXHAWB ZOG LOSSIS TXIAV TXIM?
“Thaum raug kev txomnyem nyuaj siab li no, kuv xav tau kev pab ntawm tej phoojywg uas siab dawb siab zoo, tsis hais thaum kuv tso Vajtswv tseg lossis tsis tso” (Yauj 6:14).
Wb ob niam txiv yeej tseem hnov zoo luag thaum uas muaj ib zaug wb mus noj su ntawm ib lub chaw ua zaub mov. Qhov xwm txheej yog tus ua haujlwm ntawd tau txais tos wb los ntawm ib txoj kev uas txawv heev!
Nws coj wb mus rau ntawm qhov chaw tseg rau cov neeg mob tes taw. Lub rooj siab zog yog li kuv tus txiv lub tsheb zaum nws thiaj tso tau rau hauv qab rooj. Thaum wb zaum saib tej zaub mov, nws rov qab los thiab nrog wb sib tham nug saib wb puas cheem tsum kev pab dabtsi. Nws hais tias yav dhau los kuj muaj ntau tus neeg zaum tsheb tuaj noj ntawm no. Saib kuv tus txiv, tus pab haujlwm no zoo siab vim wb tawm mus taus nraum zoov noj su “ib yam li cov neeg uas tsis muaj mob”!
Kuv tus txiv yuav tau zaum lub tsheb dov vim nws tus mob tuag tes tuag taw. Tiamsis yog leej twg paub wb ntev no ces yuav pom kuv tus txiv txoj kev hloov pauv. Kaum xyoo dhau los, kuv tus txiv nws mus taus kev thiab nyiam tuam tsheb, tiamsis thaum no nws yuav tau siv tsheb zaum pab, nrig pas,thiab tsheb pab mus kev.
Nyob rau lub sijhawm no, muaj qee tus neeg txheeb ze thiab zoo siab hlo pab wb ob niam txiv, tiamsis kuj muaj ib txhia neeg lawv txav deb wb. Wb pib pom tias muaj ib txhia neeg lawv tsis xav thaum uas nrog wb sib tham, tej zaug lawv tsis paub yuav hais li cas kom thiaj phim. Feem ntau sawv daws puav leej muaj siab zoo xwb, yog li peb kuj ua txuj kom cia dhau mus.
Tiamsis kuj muaj ib txhia neeg lawv yeej tsis ua zoo li ntawd. Tej zaug lawv tab tom muaj lo lus nug ntawm lawv tus kheej, tias vim li cas cov neeg hwm Vajtswv ho ntsib tej kev sim siab loj ib yam li ntawd.
Yauj yog ib tug neeg ncaj ncees tiamsis vim li cas ho tiv ntau txoj kev txomnyem thiab puas tsuaj li ntawd. Yam uas mob siab tshaj plaws yog, yawg tsev neeg thiab tej phooj ywg xav tias tej zaug Yauj muaj kev txhaum zais cia, thiaj ntsib teeb meem li ntawd. Pauv qhov uas pab Yauj, Yauj tej phooj ywg ho hais tias yawg yog ib tug neeg txhaum yuav tau lees nws tej kev txhaum.
Yauj ib tug phooj ywg yog Elifas tau hais kom yawg yuav tau mus cuag Vajtswv nroo txog yawg lub caijnyoog, thiab txais yuav Vajtswv txoj cob qhuab ntuas. “Tus uas Vajtswv qhuab qhia, tus ntawd tau koob hmoov; thaum Vajtswv qhuab ntuas koj, koj tsis txhob tu siab” Yawg hais ntxiv tom qab cov lus yws nws tus phooj ywg (Yauj 5:17).
Yauj taw qhia meej meej rau Elifas tej lus ntshai nyob hauv txoj kev liam txim no: “nej tuaj pom kuv raug txomnyem li no, ua rau nej ntshai thiab khiav rov qab” (Yauj 6:21b). Yauj hais meej meej rau yawg tias tsis thov yawg kev pab ntawm sab nqaij tawv lossis ib yam dabtsi twg. Yauj txiav txim siab hais rau nws tus phooj ywg tias Yauj yeej tsis ua ib qhov txhaum dabtsi kom yuav tau ris lub txim no, thiab nthuav tawm txoj kev tag kev cia siab vim lawv tsis yog Yauj tus phooj ywg zoo.
Yog li vim li cas Yauj tej phooj ywg ho liam txim rau Yauj, thaum uas lawv paub meej tias yawg yog ib tug neeg ncaj ncees?
Tej zaug lawv kuj zoo li peb coob tug! Thaum ntsia pom cov neeg zoo yuav tau ntsib tej kev txomnyem, peb khuab xeeb tias vim li cas thiab siv zog nrhiav kom tau ib lo lus los teb. Tej zaug tej ntawd yuav pab kom peb tso siab zog rau lub neej – tias peb yuav tsis ntsib tej teeb meem zoo li ntawd yog tias peb ua zoo thiab zam tej haujlwm phem. Yog muaj peb muaj tej kev txiav txim siab yuam kev lossis ua tej kev txhaum phem, tiamsis tsis yog tias thaum twg tej ntawd twb yog tej uas peb ntsib. Yauj yog ib qhov piv txwv, thiab hnov khuv xim heev vim tej neeg ib ncig yawg ho xav yuam kev rau yawg.
Yauj hais rau Nws tej phooj ywg tias: “Thaum raug kev txomnyem nyuaj siab li no, kuv xav tau kev pab ntawm tej phoojywg uas siab dawb siab zoo, tsis hais thaum kuv tso Vajtswv tseg lossis tsis tso (Yauj 6:14). Ntawm no yog ib qhov tseeb yooj yim – yuav tau ua zoo rau tej neeg uas tab tom raug kev txomnyem – vim hwm Vajtswv, vim peb tsis nkag siab Vajtswv txoj kev.
Thov caw nrog kuv peb thov Vajtswv ua ke:
Leej Txiv tus muaj kev hlub, thov qhib kuv lub qhov muag ntawm sab ntsujplig, kom kuv ntsia pom lwm tus raws li koj tau ntsia pom – ntsia los ntawm lub siab hlub tshua. Thov pab kom kuv dhau los ua ib tug neeg txhawb zog pauv qhov uas yuav liam txim rau lwm tus. Thov pab kom kuv paub rub cov neeg uas tab tom raug kev txomnyem tes tsis txhob txiav txim rau lawv. Thov kom peb txhua lo lus hais thiab tes haujlwm ua yuav tig mus rau ntawm Vajtswv. Kuv thov hauv Tswv Yexus Khetos lub npe. Amees.
Cov kwv tij txhua tus, pauv qhov uas siv zog nrhiav qhov uas vim li cas lossis liam lub txim rau lwm tus, peb yuav tau tsom ntsoov pab lwm tus thiab txhawb cov neeg uas tab tom raug kev txomnyem. Nco ntsoov tias Vajtswv muaj homphiaj rau txhua tus, thiab tej teeb meem uas muaj los ntau zaug nws yeej tsis yog los ntawm kev txhaum los. Yog li, cia Vajtswv txoj kev hlub coj kev, pab kom peb dhau los ua lub hauv paus txhawb zog rau cov neeg uas tab tom raug kev sim siab.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.