Tŭ sền gŏ ală cau song ring tìp bơta ò bơ toah, bol he ai lơh krơi ís sơl? Bol he ai jơnau lùp ís ñchi bơh tài bơta rung rài hơ̆ tús mơ bol khai? Bol he kơ lôi sơl lah, ngăn bơh dồ broă lơi gen tàng bol khai păl kong tìp bơta hơ? Mờ tŭ hơ̆, bol he rơp sak rwah pơn dơm hala cah rña bol khai?
Ngai do, ngai 27/08/2024, Bơta Hòi Dan Kòp Ngai dan jà ồng mò oh mi bơtê bal Jơnau Yàng dê kơnòm dê bơta dong kòl Kimberly Poteet bơh tơnggume PƠN DƠM HALA CAH RÑA.
“Cau gơplơ̆ nùs pal geh cau bơyô gơwèt niam, Bulah khai sang lòi bơta duh rngòt di Bơtau Gơnap Gơnoar Dờng Làm Jơh.”
Jop 6:14
Ur klau bol hi tŭ kah wơl jơ lòt sa ngai tòm tiah sa gen sùm ño. Gen broă lah bè do dồ nă cau ơm lơh dê tiah sa hơ̆ neh wă rò bol hi dồ bă krơi ís ngăn.
Melŏ hơ̆ neh lăm bol hi tús dê kơ ƀàng cau gơlte in. kơ ƀàng chơ gen rdeh chồl bau klau añ dê di pal hơ đơm. Tŭ bol hi găm sền sră cih phăn să, cau melŏ rlac wơl, boh bơr mờ lùp bol hi koñ dong kòl chi lơi sơl. Cau melŏ yăl wơl, bơh lài oă ngăn cau nggui rdeh chồl să tềng kơ ƀàng do. Sền dê bau klau añ, cau dong broă chò hòp mờ đớs să tòm khai hòn chò bơh bol hi rgơi lik bơ dìh mờ să ngai “ bè ală cau ờs mờng lơh”
Bau klau añ dê ngui dê rdeh chồl bơh bơta kòp jê. Ala cau git bol he jŏ neh gŏ bơta tòm gơl cau bơ yô añ dê. Jơt năm bơh lài, bau klau añ lòt bè òs mờ mờng choh rdeh choh, mơya tŭ do cau bơyô añ dê păl ngui dê rdeh chồl, gai, mờ kơ ghé nàng lòt tềng do tềng dă.
Tòm jơ do, gớs cau gơlơh nđềt mềr mờ chò nùs dong kòl bol hi, mơ ya kung geh ala cau sơ tòm geh bơta ngai ngềt. Bol hi đăl git geh ală cau gớs bơta kal ke tŭ boh bơr mờ bol hi, ngăn bơh bol khai ò git đớs bơta lơi nàng di păl. Oă cau gớs bơta kơlôi niam, gen bol hi chò nùs ño lòi ală bơta đớs ò niam lòt găn dồ bă chài rgơi.
Mơ ya, kung gớs ala cau ò niam. Ngăn bơh bol khai găm gớs ala jơnau lùp kòp ís bol khai, gen ñchi bơh taì ala cau dòn Yàng păl kong ală bơta lòng dòng bè hơ̆.
Jóp là dồ nă cau song ring mờ ya păl kong rbô rhiang bơta jê sồt mờ ò bơtoah. Bơta jê nùs dòng rlau jơh hơ la hìu nhă, bơyô ồng Jóp dê kơ lôi lah ngăn ồng neh geh tìs pồn ndơp, gen tàng păl kong ala bơta bol glăr jê sồt bè hơ̆. Pơr lơ̆ mờ bơta pơn dơm pơn iăng mờ dong kòl ồng Jóp, bơyô ồng dê lơh nền ồng là dồ nă cau tồi glaì mờ păl yăl tồi să tòm ồng dê.
Dồ nă cau bơyô ồng Jóp dê là Ê-li-pha neh chồl ồng tús mờ Yàng nàng rac dăn bơh bơta ồng tìp, nàng dòp rò bơta bơtê Kơnràñ dê. “Gen tàng bañ sền òsơp bơta lơh glài tơmàl Bơtau Gơnoar Dờng Làm Jơh dê,” ồng đớs bơtơl tai tơ nơ̆ mờ jơnau đớs pơnjat cau bơyô he dê” (Jop 5:17)
Jóp neh chong sơñio nùs rngòt ồng Ê-li-pha bơh tòm jơnau yoam do: “Oh mi gŏ bơta rung rài añ jê, gen rngòt rngơt.”(Jóp 6:21b). Ồng kung tơng kah ồng Ê-li-pha lah ồng ò dăn lùp bơh phăn mơ na hala bơta dong kòl ndai. Jop lơh nền mờ bơyô ồng dê ngăn ồng ò lơh bơta tìs glài lơi nàng kong bơta jê sồt do, mò ràng tơlik bơta moat jrùng bơh bol khai ò di là cau bơ yô niam ồng dê.
Gen ñchi bơh tài ala bơyô ồng dê bơr klơn ồng neh lơh tìs, mờ ngăn bol khai git loh lah ồng là cau song ring?
Gen ngăn bol khai kung bè oă cau tòm bol he. Tŭ sền gŏ ala cau niam păl kong ala bơta bol glăr rung raì, bol he mòng òs lùp ís mờ pơn dơl jòi ñchi bơh tài là bèhơ̆. Gen ngăn oă bơta bol he kơ lôi tús nàng lơh bol he geh bơta ring lơngai bơh rài kís he- gen ngăn lah bol he rop ò tìp bơta rung rài hơ̆ dilah bol he kís niam mờ pleh lơh bơta iơh. Gen ngăn geh oă bơta he lơh ò di mờ bơta tìs he dê là cồng nha cèng bơta ò niam, mơ ya ò di kòp tŭ he đăl git bơh bơta lơi mò cèng tús cồng nha hơ̆. Bè ồng Jóp là cơng tàng, gen moat jrùng ngăn bơh cau gut dăr ồng neh đớs bơta tìs bơh broă ồng tìp.
Jóp đớs mờ ala cau bơyô khai dê: “Oh mi gŏ bơta rung rài añ jê, gen rngòt rngơt.” (Jóp 6:14). Do ngăn là jơnau di mờ đwơn- păl gơwèt niam mơ ala cau tìp bol glẳr-mờ duh rngòt Yàng, bơh bol he ò git wă gùng dà jrô dơp Kơnràñ dê.
Khoai Bèp koñ gơboh, dăn pò măt đah hwềng kòn in, nàng kòn sền ala cau bè Yàng sền kòn-dồ bơta sền git tòm pà băl. Dăn dong kòn lơh gớs dồ nă cau git pơn dơm ala cau bơr klơn lơh glài cau ndai. Dăn dòng kòn git dong kòl ala cau moat jrùng pơr lơ mờ bơta cah rña. Dăn jơh jơnau đớs mờ broă lơh bol kòn sùm gơwèt dê ala cau ndai tús mò Kơnràñ. Kòn hòi dăn tòm sơn đăn Yàng Je-su Krist, A-men.
Ơ ồng mọ, oh mi koñ gơboh, rlau mờ bơta jòi bơta tís mờ bơr klơn lơh tìs dê cau ndai, bol he sền song tĕ nàng dong kờl mờ pơn dơm pơn iang ala cau tìp kal ke. Gen kah té lah Yàng geh gùng dà ís dê kòp nă cau, mờ bơta rung rài hơ̆ kung ò càng là bơh cồng nha tồi glài. Gen, lời té bơta koñ gơboh Yàng dê tề lăm gùng dà, dŏng kòn bol he lơh gớs bơta pơn dòm pơn iang ala cau găm kong bơta ơ ñiai.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply