Tej zaug koj twb tau hnov lo lus txhawb zog no lawm: “Vajtswv tsis ua yam zoo rau peb tiamsis ua yam uas zoo tshaj plaws rau peb.” Yog li vim li cas cov neeg uas hwm Vajtswv ho ntsib teeb meem loj nyob hauv lub neej? Ua li cas txoj kev mob thiab kev puas tsuaj ho yog yam uas “zoo tshaj plaws” no maj? Vim ntawd tsis yog yam uas zoo raws li tib neeg siab xav, tiamsis yog yam uas zoo nyob hauv Vajtswv lub siab nyiam tseg rau peb lub neej. Dhau ntawm tej ntu kev txomnyem tshaj no, Vajtswv muaj cuab kav foom hmoov nplua mias rau peb.
Hnub no, yog hnub 28/08/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ruel DeCastro dhau ntawm Zaj kawm KOOB HMOOV HAUV KEV TXOMNYEM.
“Vajtswv yog tus tswj neeg thiab tej tsiaj txojsia; Vajtswv lub hwjchim tuav txhua tus tibneeg txojsia.” (Yauj 12:10)
Qhov uas peb coj tau raws li Vajtswv txhua nqe kevcai puas yuav ua rau Vajtswv teb peb txhua lo lus thov?
Yog tias tsuas yooj yim li no xwb, vim li cas peb ho tseem tsim txoj kev sib raug zoo ua ke nrog Vajtswv ua tus dabtsi?
Yog tias yog li ntawd, vim li cas zaj xwm txheej hais txog Yauj ho tshwmsim nyob hauv Vajluskub?
Yauj yog ib tug neeg ncaj ncees, muaj kev sib raug zoo ua ke nrog Vajtswv los ntawm lub siab ncaj ncees thiab hwm Vajtswv.
Xatas hais tias qhov uas Yauj hwm Vajtswv yog vim Vajtswv pub rau yawg muaj qhov txhua chaw ntau, tiamsis Vajtswv tsis thooj yim rau yawg. Vajtswv ntseeg Yauj mus txog qib uas tso cai rau Xatas ntxias Yauj thiab ua rau kom Yauj txomnyem, tiamsis tsis tso cai txiav Yauj txojsia.
Yauj poob tag nrho txhua yam – menyuam, tej cuab tam thiab txomnyem kawg nkaus. Yawg tiv kev mob ntawm sab nqaij tawv. Txoj kev mob txog qib uas nkag los rau hauv yawg lub neej.
Peb tib neeg kev xav mas hais tias: Yog ib tug ntseeg Vajtswv ntsib teeb meem, ces ntawd yog yim qhov uas lawv ua txhaum thiab tsis lees txim.
Yauj ib tug phooj ywg yog Xaufas kuj xav li ntawd. Yawg hais tias Yauj tau ua txhaum tawm tsam Vajtswv. Nyob hauv Yauj 11:5-6, Xaufas muaj tej lus txiav txim rau Yauj li no:
“Kuv xav kom Vajtswv teb koj tej lus! Nws yuav qhia ntau lub tswvyim rau koj; muaj ntau yam kev txawj ntse uas neeg tsis paub. Vajtswv rau txim rau koj sib tshaj qhov uas koj tsimnyog raug”
Xaufas tau yuam kev lawm!
Nej puas pom tias ntau zaug peb twb zoo li Xaufas thiab?
Kuv nyiam txoj kev uas Yauj nrog Vajtswv sib tham – Yog txojkev swm zoo vim twb sib raug zoo ntau xyoo ua ke. Yauj thiab Vajtswv cuag li yog phoojywg zoo heev, Ob tug qhib siab hlo siab tham tsis zais ib yam dabtsi, Yauj hais qhia txhua yam rau Vajtswv, thiab ntau zaug tseem nug Vajtswv ntau lo lus nug.
Yauj puas tiv kev txomnyem? Tiv
Yauj puas mob siab thaum uas pom nws tej neeg txheeb ze tuag mus? Ntawd yog lub sijhawm uas muaj kev mob siab dua rhe tsis paub yuav hais li cas.
Tiamsis vim txoj kev sib raug zoo ua ke nrog Vajtswv tus muaj hwjchim, Yauj yeej coj raws li nws txoj kev yog, nthuav tawm dhau los ntawm Yawg tej lus nyob hauv Yauj 12:10 “Vajtswv yog tus tswj neeg thiab tej tsiaj txojsia; Vajtswv lub hwjchim tuav txhua tus tibneeg txojsia.”
Tomqab tiv dhau lub caijnyoog thiab nthuav tawm qhov tseeb rau Vajtswv, Vajtswv tus tub txib pom qhov tseeb – thiab Vajtswv tau qhuas yawg.
Nyob rau lub 3 hli xyoo 2021, kuv ib tug thawj coj qub tau tuag mus thiab kuj yog ib kuv ib tug phooj ywg thiab. Nws tuag vim muaj mob nyhav. Nws coj kuv dhau los ntawm tej lus qhia muaj nqis thiab tej haujlwm uas nws ua. Yawg yog ib tug coj txojkev zoo siab, kev txhawb zog thiab kev koom siab mus rau txhua qhov chaw uas yawg mus txog. Yawg ua tib zoo npaj txhua tes haujlwm tom qab kom tiav, thiab yog ib tug qauv zoo rau hauv tes haujlwm, tiamsis xwb tim, nws cia li tuag mus lawm.
Txog lub caij nco txog txiaj ntsig xyoo ntawd, kuv txiv muaj 82 xyoo kuj tag sim neej thaum uas nws raug mob. Txiv yog ib tug qauv zoo txog txoj kev muaj lub siab dav fo, txo hwjchim thiab muaj txoj kev hlub pub dawb rau lwm tus. Yawg yog ib tug neeg nquag ua haujlwm thiab kub siab lug ua haujlwm hauv lub neej. Lub 7 hli xyoo 2021, yawg mob siab, pw saum txaj. Muaj ib tag kis, yawg tsis sawv lawm.
Hli 1 xyoo 2022, los ntawm tej uas kuv mus kuaj kws tshuaj kuv pom tias kuv muaj peb txoj leeg tshav txhaws lawm, qhov uas phomsij tshaj yog muaj ib txoj txhaws tas 90% lawm. nyob rau lub 3 hli xyoo ntawd thiaj phua, cov kws tshuaj lawv pom tias rov muaj ib txoj ntxiv txhaws thiab. Tiamsis ua Vajtswv tsaug, thaum kawg lawv kuj phua tau.
Txawm yog kuv lub neej yeej piv tsis tau rau Yaujj lub los kuv tau muaj txojkev sib raug zoo nrog Vajtswv thiab qhov ntawd pab rau kuv ua tau lub neej ruaj khov. Zoo li Yauj, kuv tuav lub sijhawm thov Vajtswv, nrog Vajtswv sib tham dhau ntawm ntau xyoo, thiab nyob ze Vajtswv thaum uas mus dhau lub tiaj nrag kev tuag. Zoo ib yam li Yauj, kuv rov qab txais tau ntau tshaj tej uas tau poob lawm, Vajtswv kuj pub rau kuv saj ib qhov koob hmoov li ntawd.
Kuv lub plawv thaum no muaj zog lawm, kuv lub zog tab tom zoo tshaj plaws hauv lub neej. Tom qab hnub no, kuv twb mus kev tau 10.000 ruam nyob rau hauv 273 hnub.
Qhov tseem ceeb yog, txoj kev sib raug zoo ntawm kuv dhau los zoo dua tom qab tej kev sim siab, zoo li Yauj zaj xwm txheej.
Thov caw nrog kuv peb thov Vajtswv ua ke:
Leej Txiv, thov coj kuv dhau ntawm tej lub sijhawm tsaus ntuj, tej kev sim siab thiab tej kev mob siab hauv lub neej no, thiab tuav koj lub siab kom nyob ze Vajtswv. Thov pab kom kuv kawm tau tej zaj kawm muaj nqis dhau ntawm tej lub caijnyoog txomnyem hauv lub neej, qhia rau kuv paub tsom tsoov rau koj thiab ntseeg siab rau koj. Kuv thov muab tej lus thov no fij qhuas Koj los ntawm lub siab hlub koj. Kuv thov hauv Tswv Yexus Khetos lub npe. Amees.
Cov kwv tij txhua tus, txoj kev sib raug zoo ua ke ntawm peb thiab Leej Txiv saum ntuj yog qhov chaw tiag ruaj khov dhau ntawm tej teeb meem. Thaum peb ntseeg siab rau Vajtswv, paub tias Vajtswv yuav ua yam uas zoo tshaj plaws rau peb lub neej, peb yuav nrhiav pom lub zog loj kom tiv dhau tej kev txomnyem. Ua siab ntev txhim tsa thiab tu peb txoj kev sib raug zoo ua ke nrog Vajtswv, kom txhua hnub dhau mus, peb yuav ruaj khov thiab muaj lub siab tawv, npaj txhij ntsib tej kev sim siab hauv lub neej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.