Bol he git nền la bơta hòi dan la dô pơnah ò rgơi siơ̆u tơm rài kis cau don Yàng. Bơta hòi dan gơ lơh be nhơm kis hwềng soàn bl he dê. Geh tŭ lơi oh mi kơlôi nchi bơtai Yàng ò dợp bơta añ hòi dan ò ơ? hala bơta hòi dan oh mi dê gơloah rô ran mơ lơgah lơgañ ò ơ?
Ngai do, ngai 30/08/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl ồng Gordon Robertson bơh tơnggume: HOI DAN JAT NUS BEP.
“Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.” (I Jang 5:14 )
Lơh be lơi nàng he git bol he hòi dan jat nus bep? bol he joi bàn cai mpồng tom pơnyơu bơh cau ur bơnrau hòi dan cau kwang cahrña dŏng kơl tus dê tŭ cau kwang cahrña lơh sir bơta mọ hòi dan. nchi bơtai Yàng yăl cau bơtê in dô jơnau pơnyơu hơ̆? hơ̆ la “ nàng bơto bol khai pal hòi dan sùm, bañ tŭ lơi gơplơ̆ nùs.” (Luka 18:1)
Yàng Tom Trồ sum dợp jơnau hòi dan. Be I Jang 5:14 cih “ Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.”
Lơh be lơi nàng he git nùs kòñ Yàng dê? dilah oh mi kơñ iat jơnau Yàng, păl đok tĕ Sră Goh. Nùs kòñ Yàng Tom Trồ geh ràng tơlik tom jơnau Yàng dê. Mơ tŭ he hòi dan jat Nùs kòñ Yàng, gen Yàng iat mơ dợp jơnau he hòi dan.
Tŭ he git jơnau Yàng, bol he rgơi tơm dră mơ li bơta gơlòng bòl glar gơ tus mơ he. Bol he gơs nùs don la gơs Yàng tề lam, mơ bol he lot jat nùs kòñ Yàng dê. Yàng Jêsu neh tus nàng bơtô bol he in git bơh Bep. Kơnràñ neh đơs tom Jang 14:10 la “ Mê ò dòn lah Añ ơm tòm Bèp mơ Bèp ơm tòm Añ ò ơ? Ală jơnau Añ đơs mơ bol mê, ò di bơh Añ đơs is Añ jê, mơya hơ̆ la Bèp ơm tòm Añ mơ lơh broă Kơnràñ dê.”
Tŭ he ơm tom Yàng, bol he kung đăl git să tòm he mơ đăl git nùs kòñ Yàng dê. Mơya gơs tŭ bol he lơbơn lơnhô mơ tis glài, gen bol he kơlôi la “ He ò tơl niam, he ò đọk Sră Goh, hal he sền ală bơta bơrnàn…”. Bol he sơntờm tơnroh bơta kơlôi sơnơng tom Yàng – Bơtau ơm tom hwềng nùs bol he.
Yàng Jêsus neh hor mham bơh tồi glài bol he, mơ bơh bơta hơ̆ hơ̆, Yàng neh gơcrè bài kơrnìng tòm hìu duh khoai nàng bol he in rgơi mut tom bơta tơlik mat Yàng dê – mơ bơta kwơ màng la, bơta tơlik mat Yàng dê neh mut tơm dơlam bol he. Tŭ bol he git bơta hơ̆, bol he đăl git jơnau đơs Yàng dê gơwet mơ bol he, bơh jơnau đơs “ lơbơn lơmbẹ” la “ Do la gùng, lòt tĕ tòm hơ̆!” ( Esai 30:21 )
Yàng lơh broă bơh bol he be lơi?
Tơm Manila, añ gơs dô bạ tiah dệt tơm dô nơm ơdŭ nàng ơt sa mơ hòi dan. Ălă oh kon añ găm dệt. Mơya ală cau tơm hìu git la bol khai ò di pà siêl tơm tŭ añ til mpồng mơ lời tŭ lơmpah ơm is mơ Yàng.
Dô ngai ne, añ găm ơm tơm ơdŭ hòi dan mơ Yàng: “ Ơ Yàng, kon kơp kờn Yàng rlau tai! kon geh Yàng rlau tai!”. Nisơna añ kơnô teh mpồng mơ kon ur bar nam añ dê đơs la “ Bẹp ơi, kon kờn nhô dạ chi ple”.
Añ đơs la: “ Kon sôr tĕ me kon dê”. Añ kung găm hòi dan mơ Yàng. Mơya kon ur teh mpồng dô dơ̆ tai: “ Me neh lot rau. Ơ bẹp, kon kờn nhô dạ chi ple!”
Oh mi đăl git la ală kơnom dệt ò ơm mŏ tŭ bol khai gŏ oh mi ò dợp bơr? kon ur dệt añ dê kung be cau ur bơnrau hòi dan sum. Añ la cau ai dạ chi ple, mơ kon ur añ kư teh mpồng tus dê tŭ khai gơs dạ ple.
Đăl git la añ ò rgơi hòi dan tĕ, Añ nhă ntào mơ lơh sir gơnoar dô nă cau bẹp dê. Añ pợ mpồng mơ kơlôi gơlơh be chờ hợp. Mơya ò di! kon ur añ gơ cah dê jơng añ. Mơ tŭ añ lik bơh ơdŭ hòi dan lot tus ơdŭ gơm sa, kon ur kư ăm rệp mơ añ, mơ dan “ Bẹp ơi, kon kờn nhô dạ chi ple!”
Añ pợ tủ lạnh gen tuh dà tơm dô nơm li, gen đơs “ kon ò bàn ơ? Bẹp neh ai dà rau1”. Mơya dà muh dà mat kon ur añ dê kư hor “ Bẹp ơi, kon kờn nhô dạ chi ple!” . Añ neh săng dô nơm tê kon ur dê bơh jơng añ, gen ai dà ơn dê mbùng kon ur dê. Tŭ hơ̆ mơ khai ò nhìm tai.
Gen añ kơnô dô jơnau đơs lơbơn lơmbẹ “ dô la bơta kon neh lơh mơ Añ”
Oh mi kung be hơ̆ sơl. Mơya păl kah tĕ bơta do: Oh mi gơs dà chi ple. Oh mi gơs gùng tus tủ lạnh. Oh mi la kon Yàng Tơm Trồ gơnap gơnoar. Oh mi khat gơboh tus mơ Bơtau nđach. Ală bơta lơi Yàng geh, oh mi kung geh. oh mi la cau pơrdòn mơ Yàng JeeSu Krist. Mìng dô bơta la: Oh mi dòn bơta do ò ơ? Yàng ò di ò ai. Yàng ò at dà chi ple. Yàng kung ò geh kon kờn gơboh is. Dilah oh mi sền dô nơm jơnau hơ pơgòn hơ̆ la jơnau hơ pơgòn ai oh mi in. Jat II KôrinTô 1: 20. ală jơnau hơ pơgòn Yàng dê là “ Gơs” mơ “ Amen”. Bơta bol he găm lơh la dòn.
Añ kờn geh dô nơm dà chi ple, gen tàng añ păl hòi dan mơ Yàng ai, mơya ò git dà chi ple neh geh rau.
Bol he gơs bơta pơndòm pơniang bơh ông Pol dê tŭ ông cih tơm sră Rôma 8: 26-27 la”
“Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in. Mơ Yàng Tom Trồ la Bơtau sơwì nền nùs bol he dê, git wă nùs kơlôi Yàng Hwềng dê, jat nùs kòñ Yàng Tom Trồ mơ hòi dan ala ală cau sàng goh in.”
Yàng Jêsu kung hòi dan ala bol he in. Yang Hwềng Goh git nus kòñ Bẹp dê mơ Yàng hòi dan ala añ mơ oh mi. Gen tàng, bol he đơs nền cê la : “ Ơ Yàng, kon găm lơbơn siơ̆u. Kon la dô nă kơnom dệt ò rgơi nàng ai dà chi ple, mơya Yàng git. Yàng git bơta sèng lụp. Yàng git bơta kon păl hòi dan. Kon kơp kòñ nùs kòñ Yàng tơm rài kis kon dê. Dan ai kon in gơlik gơs dô pơnah tơm bơta rơndap Yàng dê.
Dan jà bol he dô nùs bal tòm bơta hòi dan:
Kon khoai Yang kòñ gơboh, kon ưn ngai Yàng bơh Yàng ơm băl mơ kon sum mơi ơm tom kon. Kon ưn ngai Yàng tài bơh Yàng ò di la ơm ngài. Ală bơta kon gơs mìng ơm tom Yàng. Ngăn la, Yàng la tòm ryas bơta kis kon. Dan bơtê kon in bơta hòi dan jat nùs bẹp dê. Dăn dong kơl kon git hòi dan bơh bơta don mơ kơ̆ dơn. Kon kơp kòñ iat jơnau Yàng mơ kơp kòñ gơlik gơs cau gơwet bơta hòi dan. Dan dong kơl kon kơp ngai mhăr iat jơnau đơs mơ bơta tề lam Yàng dê rlau.
Kòn ai sơnđan Yàng Jesu Krist, hòi dan mơ Yàng Bèp. Amen!
Ơ ală ồng mò oh mi kòñ gơboh.
Ngai do, lài mơ tŭ oh mi lơh broă lơi, lời tĕ dô ết phuk hòi dan mơ Yàng, dan Yàng tề lam mơ ai lơngai oh mi in. Mơ ai bol he gơlik gơs cau hòi dan jat nùs Bẹp, oh mi bañ hŭi tŭ jơ kơlôi sơnơng Jơnau Yàng yơ. Păl lời tĕ jơnau Yàng ơm tơm nùs oh mi mơ tơmgơl bơta kơlôi sơnơng oh mi dê. tŭ hơ̆, oh mi rơp gơlơh ò kơlôi hala hòi dan jat bơyau mơ jat jơnau Yàng.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply