Buô̆n ngan nàng mbùng-bơr bol he jòng-rơ Yàng la Bơtau lơ-bờñ niăm tŭ rài kis he geh bơ-toah mơ ring lơ-ngai: mơya tòm tŭ gơlòng bol glar, tŭ gùt dar he gơlơh be klăm jơngò, kălkê ngan nàng bol he găm sền gŏ bơta lơ-bờñ niăm mơ dòn sŏng Yàng dê. Ồng mò oh mi găm git sơl lah dùh khoai Yàng tòm ală tŭ behơ̆ là gùng jak-chai nàng lòt găn ală bơta pàl càng he dê sơl?
Ngai do, ngai 31/8/2024, tơnggù hòi dan kờp ngai dan jà ală ồng mò oh mi kơñ gơboh kŭng kơlôi sơnờng bal jơnau Yàng bal mơ cau cih Jessica Teed bơh tơnggu mê DÙH KHOAI YÀNG TÒM TŬ SƠR-BƠNG RƠNG.
“Pơgap dê gùl mơnang Pol mơ Sila ơm hòi-dan mơ đơs chờ jòng-rơ Yàng Tom Trồ, jơh ală cau ơm jàm kơno lom. Nisơna gơs bơta gơlơnggơr ù dờng ngan, tian gơs mơnàng hiu jàm gơlơnggơr ur: tŭ hơ̆ mo ală mpồng gơpò jơh, che sreng cap cau ơm jàm gơhồ sơntă jơh hir.” (Broă 16:25-26)
Jơh tơl nă bol he kŭng neh kơno đơs bơh Yàng lờh broă jat gùng is Kơnràñ dê. Gơwèt is mơ añ, añ neh git lam Yàng lơh broă pràn kơldăng rlau jơh găn bơta kălkê- kŭng bơtê geh gùng sơnding tòm Kơnràñ tòm tŭ cơnđoà lòt tòm ală tiah kălkê behơ̆. Bulah tòm tŭ kalke bơh ò rgơi wờng bơta kơlôi sơnờng Yàng dê, mơya àñ geh jòi ban bơta ring lơngai wìl-tơl tŭ tơnggờr sền dê să tòm Kơnràñ.
Kơnhai 4 năm 2023, bàu klau àñ, cau bơyô rài tòm poh năm añ jê, nisơna săng rài. Àñ ò hềt tŭ lơi dờp git bơta jề-sồt dơng behơ̆, mơya tòm bơta jề-sồt hơ̆, Yàng gam gơs măt. Yàng neh ai añ in sền gŏ bơta dòn sŏng mơ bơta lơnờñ-niăm Kơnràñ dê: Yàng tuh bềng-liu bơta kờñ gơboh Kơnràñ dê hơđàng àñ tòm ală gùng mơ àñ bơh- lài ò hềt git làm. Jơnau Yàng ai bol he in git Yàng Tom Trồ ơm rềp mơ ală cau gơs nùs jề-sồt, mơ dong klàs ală cau ò gơs bơta gơn kơnòm. (Đơs crih 34: 18)
Ming bàr ngai tơnơ̆ mơ tŭ bau klau añ sang rài, àñ gơ-lơh be Yàng kờñ añ pal pơnjat dùh khoai Yàng tòm tŭ do, bulah kăke mƀe lơi. Mơ àñ neh dòn bơr Kơnràñ, hơ̆ la dờp-lềng gơnoăr broă tề lăm bơta pơ-jùm tòm ală bơta pơ-jùm kờp poh be àñ òs lơh., mơ hơ̆ la tŭ àñ git lam gơnăp-gơnoăr Yàng dê. Àñ kư̆ pơn-jat dùh khoai Yàng tom pah tơ-ngai hơ̆, bơta dùh khoai Yàng neh dong gàr-mat àñ tơnggờr sền Yàng Jesu, Bơtau bồ-dà mơ wil-tơl bơta dòn bol he dê.
Pol mơ Sila kong pù-lơh mơ kol krơ̆ jàm, tòm tŭ kol jàm, bàr nă ồng neh săc-rwah tơnggờr sền dê Yàng mơ dùh khoai Kơnràñ. Bơta dùh khoai tòm tiah hơ̆ pràn kơl-dang tian gơs mơnàng hiu jàm gơ lơnggơr ur, jơh ală mpồng gơpò, che sreng cap cau ơm jàm gơhồ sơntă jơh hir.
“Pơgap dê gùl mơnang Pol mơ Sila ơm hòi-dan mơ đơs chờ jòng-rơ Yàng Tom Trồ, jơh ală cau ơm jàm kơno lom. Nisơna gơs bơta gơlơnggơr ù dờng ngan, tian gơs mơnàng hiu jàm gơlơnggơr ur: tŭ hơ̆ mo ală mpồng gơpò jơh, che sreng cap cau ơm jàm gơhồ sơntă jơh hir.” (Broă 16:25-26)
Bơta dùh khoai Yàng ồng Pol mơ Sila di neh tòm gơl wil-tơl ală bơta găm gơlik gơs gut dàr bàr nă ồng dê, geh-hồ săng mơ pờ tơlik mpồng bàr cau bơtô yăl do tơpà Jơnau Niam Yàng Jesu dê bal mơ cau kờp gar hìu jàm mơ jơh ală cau tòm hiu nhă ồng dê. Ngàn crih-crài ngăn!
Ngăn ò buô̆n nàng dùh khoai Yàng tòm tŭ tip oă bơta kălkê, rlau jơh tŭ ồng mò oh mi gơs oă sèng lùp Yàng in rlau mơ sèng hơ tùs bơh dê Kơnràñ, mơya bơta tơm-toh ngăn hơ̆ la bulah ồng mò oh mi tòm tìp mơ ală bơta lơi, Yàng găm lơbờñ niăm. Kơnràñ sùm kờñ gơboh mơ dòn song. Tŭ bol he hồ săng jơh ală seng lùp he dê mơ tơnggờr sền di Yàng – la Bơtau gơs tơl ală sèng hơ, kŭng be bol he dùh khoai Kơnràñ bulah nùs nhơm mƀe lơi, bơta gơlòng mƀe lơi, gèn Kơnràn rờp tòm gơl bol he. Kơnràñ rơp tơm gơl bơta kơlôi sơnơng tis tòm bol he, hồ-toh bol he, mơ pờ tơlik ală mpồng mơ bơh-lài bol he ò hềt kơlôi tùs.
Añ ò git ồng mo oh mi găm tòm tip mơ ală bơta lơi tòm tŭ do, mơya àñ git lah Kơnràn git loh. Pràp gàr tĕ găr măt ồng mò oh mi dê tơnggờr sền Yàng, ming ơn dơngoh kơlôi he dê tus hơ Kơnràñ, gèn oh mi rờp git lam bơta ring lơngai ơm wil-tơl tòm Kơnràñ (Esai 26:3). Săc rwah tĕ duh khoai Yàng tŭ oh mi lot găn ală sơn-diơng klăm jơngo cih mơ sền lăng bơta gơs măt Yàng dê tòm ală gùng mơ oh mi ò hềt kơlôi tus.
Kơnràñ rềp oh mi rlau mơ pah gòi mơ oh mi găm tă nhơm, Kơnràñ rờp ò lơi ồng mò oh mi ơm is dô nă tŭ ồng mò oh mi lòt găn sơn-diơ̆ng rài kis dê. Ming dòn tĕ lah Kơnràñ rờp dong ồng mò oh mi pha lin jơh ală bơta.
Dan jà bol he dô nùs bal tòm bơta hòi dan:
Ơ Yàng, rài kis bol kòn dê ò rgơi pleh klas dê bơta sơr-bơng roh mơ bơta moat-jrum, mơya bol kòn sùm git bơta dòn he dê rơp geh tih dờng tŭ bol kon lòt băl mơ Kơnràñ găn ală bơta gơlòng hơ̆. Dan Yàng dong bol kòn sùm ơn bơta dùh khoai Yàng la bơta pal ơn lai sơnrơp rlau jơh tom rài kis bol kòn bulah tòm ală bơta golòng mƀe lơi. Kòn jơh nùs hòi dan, tòm sơnđan Yàng Jesu Christ, Amen.
Ơ ală ồng mò oh mi kờñ gơboh, tòm tŭ tòm tìp mơ ală bơta gơlòng dơng tòm rài kis: cau kờñ gơboh săng rài, kòp jề, ơnñiai hala ală bơta ndai lơi, ơn găr mat tơnggờr sền tĕ di Yàng Jesu, dùh khoai Kơnràñ nàng iat kơno jơnau đơs Kơnrñ dê ai rài kis he in. Bơta pal càng oă, kălkê kŭng dờng, bol he kŭng rờp tơn-krăm he tòm bơta dùh khoai Yàng, nàng sền gŏ bơta bơta dong klàs Yàng dê krơi is ngăn.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply