Bol he gớs bơta bòl glăr, roh bơta gơn kơ nờm bơh ală broă moat jrùng tòm rài kís do sơl? Gen ngăn, bol he păl tòm toh măt mờ bơta gơ lòng gơ lơh bè ờ rgời chài lòt găn, hala jê sồt dờng ò rgơi roh hŭi. Tòm bơta roh gơn kơ nờm hơ̆, bol he păl tơng kah ís să tòm lah: jơh tơl bơta Yàng lơh tòm rài kís bol he rơp cèng bol bơta lồi dut niam hèr, bulah bol he ò rgơi git wa jơh tơl bơta.
Ngai do, ngai 04/09/2024, Bơta Hòi Dan Kòp Ngai dan jà ồng mò oh mi bơtê bal Jơnau Yàng dê kơnòm dê bơta dong kòl Sandra Holcombe bơh tơnggume GEH PHA BƠTA ROH GƠN KƠ NỜM BƠH KƠ NỜM PRÀN YÀNG.
“Yàng Jehôwa ai lơngai khai in tòm ală ngai lồi dut rài kis Jop dê oă rlau mơ ală ngai sơnròp; mơ khai gơs jơt poan rbô belàt, prau rbô làkđa, dô rbô yô kơnrồ; mơ dô rbô alàng me.” Jop 42:12
Añ gơ lơh ò ring lơ ngai tòm să bơh jơnau yăl yau ồng Jop dê. Di gơ lăn do là sră mò añ ò gơboh tòm Sră Goh. Ngăn, añ git lồi dut ồng neh geh Yàng . Mơya bơta gơ lòng ồng păl kong gen bè lơi? Ò gớs bơta moat jrùng lơi rlau mò kòn ùr he sang rài? Bơta pràn hala phăn mơ na kung ò găm. Bau ùr ồng sồr srăt Yàng Tòm Trồ mờ sồr chơt. Bơh să tòm ồng kung sền gŏ chơt là niam rlau.
Moat jrùng rlau tai, ală cau bơyô pơr lơ̆ mờ pơn dòm ồng, bol khai neh lah ồng là cau tòm cèng tús ala bơta rung rài, mờ bol khai neh đớs iơh bơh Yàng Tòm Trồ ( Kơnràñ neh lah brơ hơng jơnau hơ̆ tòm Jóp 42:7). Gen tàng, bulah gớs bơta geh tòm gơl wơl lồi dut jơnau yăl yau, añ kung găm sơ êt sơ ềl mờ gơ jrăñ rmăñ. Ala kòn neh sang rài ò rgơi rê wơl, mờ bơta hơ̆ lơh lồi dut-sền là bè geh tòm gơl wơl-kung gơlơh sràt bơtang.
Ala ngai mrêp do, añ jòi jơnau yăl gớs bơta chò hòp. Añ kòñ sền ală phim, bơta gŏ tòm tivi, dồ bă niam lơ hơn. Mơya ală jơnau yăl bềng bơta moat jrùng, añ ò bài sền tús.
Di gơlăn bol he neh lòt găn oă moat jrùng, ngăn là al năm lòt găn. Tòm bơta kòp dòng, añ neh roh dồ nă cau bi koñ gơboh băl mờ dồ êt cau lơh broă băl mờ añ. Lài mờ tŭ hơ̆, añ neh lòt găn oă bơta roh, mờ mrếp do, dồ nă cau bơyô đềt mềr kung neh sang lòi hìu nhă añ.
Gen ngăn, bulah añ git rài kís tòm ù do gơlik bè lơi. Drờm bè broă he ò cơn đoà mờ ơm tòm dồ tiah ơm ơ pah rbah lơ ời, tòm gùng dà tús dê gơlang hàng mờ né. Bol he găm kís tòm ù bềng sồt rmăñ, mìng gŏ lu li tiah đăng trồ băl mờ tŭ jơ lơ yah ngăn.
Pơn drơm bơta moat jrùng să tòm he băl mờ cau ndai mìng lơh oă bơta kơn jơ̆ rlau tai. Kòp nă lòt găn moat jrùng là ís lơm; ò càng đớs lah ñcau do nđàc sơ ngit rlau mờ cau ne. Bulah bơta moat jrùng roh dồ nă cau he koñ gơboh, bơta jê sồt tŭ cau pơn dăng sang he, ha la roh bơta gơn kơnơm tŭ gơ kòl tòm bơta tòm lơh-jơh bơta sền gŏ là rlau mờ bơta kong ơt bol he dê.
Gen ngăn bơta jê sồt tòm nùs kơn jơ̆ tòm bơta gơ lòng neh chồl Jóp tús dê roh bơta gơn kơ nờm. Bulah kòp nă tìp bơta krơi ís, jê sồt moat jrùng mờ kơp koñ geh lik klàs hơ là broă mò kòp nă kung rgơi git.
Di lah bol he găm gơ krăm tòm bơta gơlòng, gen jòi wơl jơnau yăl bơh Jóp. bơta jê sồt jrô dơp mờ ồng păl tòm toh măt tơng kah lah bol he ò ơm ís tòm gùng dà bềng bol glăr do.
Pơn jat, pờ te sră Ê-sai 53, nàng đọk jơnau đớs hwơr bơh Bơtau Krist neh kong bol glăr, gen sền tai tòm ala sra Phúc m nàng sền gŏ broă Yàng Je-su neh kong kup mờ pơng đin. Pơn drơm te ală broă Yàng Je-su neh păl lòt găn mờ ala jơnau neh yăl tòm sră Jóp 16:10. Bol he rơp sền gŏ ala bơta yăl do neh pơn drờm dồ bă di ngăn ala broă Kơnràñ neh păl kong ơt.
“Bol khai nggàp ha bơr di añ, bol khai pah di tơrmồ añ dô bă lac lèo; bol khai dô nùs bal tòmdră mơ añ.”
Tŭ bol he tơr bó jơnau yăl yau ồng Jóp mờ Yàng Jê-su, bol he rơp sền gŏ Yàng chài rgơi tòm gơl bơta kơ lôi sơ nơng iơh bơ sak bơh cau tòm dră nàng lơh gớs bơta niam lơ hơn. Tòm gùng dà kòp nă cau, rơp geh ala Kong Jê Sồt bềng moat jrung, mờ kung geh ală ngai Kís Wơl bềng lìu bơta gơn kơ nờm mờ geh pha.
Đọk jơnau yăl yau ồng Jóp, bol he sền gŏ bơta jê sồt bơh git lah rài kís kòn mơ nùs ò păl nàng dòp bè hơ̆. Suơn Ê-đen ngăn là dồ tiah niam hàng mơ né, là sơn tờm bơta wil tơl kòn mờ nús neh geh.
Myles Munroe, dồ nă cau nac tòm Hìu Jum Goh mờ añ neh lòt pơn jum, neh pơn drờm plai ù bè dồ phòng ơm kòn dêt, băl mờ ala mhwal neh geh yồng hơ đang rkàng hìu. Ồng Jesse DuPlant is, tòm sră “ Tìp Yàng dồ bă đềt mềr”, neh cih plai ù là bơta chò hòp Yàng dê, là tiah mò jơh ală broă Kơnràñ kơn đut kơn đu neh geh ràng tơ lik, mờ jơh ala bơta niam hàng neh geh gơ klo bơh đăng trồ. Añ gơboh ala rùp hơ̆, mờ ngăn là tòm ala ngai bềng bơta gơ lòng.
Mờ lồi wơl, bulah bol he păl lòt găn jê sồt lơi hơ đăng ù tiah do, gen tòm jrô dơ lăm hwềng nùs, bol he git lah hơ đăng trồ găm kơp he. Yàng là tờm bơta nđàc ò dơh, mờ Kơnràñ rgơi dong he nàng kong ala kơn jơ̆, cèng bơta kís bol he dê rê wơl di di tiah gơ dê, bè Kơnràñ neh tòm gơl rài kís Jóp: “Yàng Jehôwa ai lơngai khai in tòm ală ngai lồi dut rài kis Jop dê oă rlau mơ ală ngai sơnròp; mơ khai gơs jơt poan rbô belàt, prau rbô làkđa, dô rbô yô kơnrồ; mơ dô rbô alàng me.” Jop 42:12 . Mìng Yàng chài rgơi tề lăm he lòt găn “ ƀlàng bơta chơt”, lik klàs bơh bơta kơt kơr wàng cau tòm dră, mờ khồm nhơm pa tòm rài kís bol he.
Kơ lôi sơnơng bơh bơta yăl yau ồng Jóp dê lơh añ in gơboh rlau sơl ò ơ? Ngăn là ò. Mờ ya añ sơ lơ sền dờng màng jơnau yăl do-bè dồ nơm găr sơnơm bơ tang mơya rgơi dong bol he sơm bời kòp jê.
Dan jà bol he dô nùs bal tòm bơta hòi dan:
Khoai Yàng Je-su, Bơtau bềng lìu bơta niam lơ hơn mờ koñ gơboh dờng ơ nàng, dăn Kơnràñ dong kòn sùm cih kah nùs song ring mờ bơta nđàc Kơnràñ, bulah tòm tŭ bol glăr kal ke nhât tòm rài kís. Dăn ai kòn in nùs kong ơt mờ gơn kơnờm nền cê tòm bơta jak chài Kơnràñ dê, nàng kòn dòp geh bơta sơm bời dê bơta jê sồt pồn dơp, bơta pơn dờm pơn iăng ala moat jrùng mờ bơta tòm gơl wơl bơh ala bơta neh roh mờ kòn păl tòm toh. Kòn hòi dăn tòm sơn đăn Yàng Je-su Krist, A-men.
Ala ồng mọ, oh mi koñ gơboh, tòm ală jơ klăm jơngo nhất tòm rài kís, tŭ jơh bơta gơlơh bè tơ lah tơ ling mờ nùs gơn kơ nờm bol he gơ rơng gô, gen kah té lah bol he ò ơm ís. Gớs dồ Bơtau sùm ơm mờ bol he, sùm kơ no mờ hơ wơl bơta dăn he dê. Bơtau dong klàs Je-su, Bơtau neh kong ala jê sồt mờ gơ lòng bol glăr rlau jơh, git wă rlau jơh bơta mờ bol he păl lòt găn. Kơnràñ găm kơp gơn nàng geh krơm he tòm gơr wàng tê koñ gơboh Kơnràñ dê, nàng ai bol he in bơta pràn mờ bơta pơn dờm pơn iang mìng tòm Kơnràñ chài rgơi cèng tús.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.