Koj tab tom ua lub neej txhua hnub zoo li cas? Cia nws dhau mus tsis muaj nqis lossis yuav siv txhua lub sijhawm los kawm kom paub Vajtswv thiab loj hlob hauv Vajtswv? Ntau zaug peb pheej ua lub neej thiab cia lub caijnyoog dhau mus nrog ntau txoj haujlwm ua rau peb saib lub sijhawm tsis tseem ceeb. Thiab koj puas paub, Peb lub neej no yuav muaj nqis heev thaum uas ib hnub dhau mus zuj zus nyob hauv Vajtswv txoj koob hmoov thiab txoj kev tiv thaiv.
Hnub no, yog hnub 09/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Anthony Cox dhau ntawm Zaj kawm DAIM THAIV HAUV SIAB UAS YOG TXOJ KEV NTSEEG.
“Tus Tswv, koj yeej foom koob hmoov rau cov neeg uas hwm koj. Koj txojkev hlub tiv thaiv lawv ib yam li daim thaiv hniav ntaj.” (Ntawv Nkauj 5:12)
Kuv yeej tseem nco hnub uas wb ob niam txiv them qhov nyiaj kawg rau lub tsev tshiab uas wb yuav. Ntawm no yog qhov pib hauv wb txoj kev npau suav dhau los muaj tseeb, hnub ntawd wb hnov zoo siab heev. Tseeb tiag cov nyiaj ntawd nws tsawg dua tej uas wb npaj thaum pib. Kuv nyuam qhuav muaj ib txoj haujlwm tshiab, kuv pojniam li kev ua lag luam los kuj yim zoo tuaj thiab. Kuv ua Vajtswv tsaug, thiab thaum no kuv muaj ib lub tsev tshiab, muaj ib tsev neeg rau kuv tiv thaiv thiab kuv hlub.
Thawj thawj yam uas kuv ua thaum mus txais lub tsev tshiab yog kuv hloov lub tsev tus yaum sij. Txuas ntxiv, kuv mus tshuaj xyuas tej qhov rooj, qhov rau seb puas tabpov zoo. Tus neeg uas yog kws tshuaj xyuas tsev kuj yog ib tug xyuam xim. kuv saib tag nrho tej qhov rooj, qhov rai puav leej tabpov zoo, kuv thiaj nrhiav txog cov teeb thiab cov ntsus qhov rooj uas civ cim txawj ua haujlwm. Kuv tshuaj xyuas txog tej ntaub ntawv tabpov lub tsev no, kom tsis txhob muaj teeb meem. Kuv ua txhua yam kom thaum peb tsev neeg los nyob tsis txhob muaj teeb meem tshwm tuaj.
Nyob hauv Pajlug 21:31, peb nyeem pom Vajntxwv Xalumoos sau txog Vajtswv txojkev tiv thaiv: “Koj yog tus npaj tej nees kom txhij mus ntaus rog, tiamsis tus Tswv yog tus pab kom koj yeej.”
Nyob hauv nqe no peb yuav pom txog tib neeg txoj kev npaj thiab Vajtswv txoj kev tswjhwm. Peb npaj nees rau kev tsov rog ib yam li peb yuav tau ua. Peb tab pov tias tej vajtsev nyob tso siab, xov laj kab thaiv, tsav tsheb mus tso hauv tsev, ib yam li peb ib txwm ua, tiamsis peb txoj kev muaj yeej thiab kev tso siab plhuav ho tsis nyob ntawm peb txhais tes – vim tseeb tiag tej ntawd nyob hauv Vajtswv tus uas muaj hwjchim txhais tes.
Vajntxwv Daviv yog ib tug neeg ua raws li Vajtswv lub siab nyiam. Txawm yog lub sijhawm uas phem tshaj plaws los Daviv lub siab yeej xav ntsoov txog Vajtswv tej lus, thiab Daviv tsa suab hlo thov Vajtswv: “Tus Tswv, koj yeej foom koob hmoov rau cov neeg uas hwm koj. Koj txojkev hlub tiv thaiv lawv ib yam li daim thaiv hniav ntaj (Ntawv Nkauj 5:12).
Thaum kuv nyeem nqe Vajluskub no tom qab uas kuv twb mus nyob lub tsev tshiab lawm, kuv mam nkag siab txog Vajtswv txoj koob hmoov pub rau kuv tsev neeg thiab koj tsev neeg tsis yog tsuas nyob mus ib txhis xwb tiamsis tseem yog tej koob hmoov uas tau tab pov.
Vajtswv tej koob hmoov puav leej tau tab pov.
Kuv pom tias Vajtswv foom hmoov rau peb ib yam li yam Vajtswv ib txwm ua – qhov uas Vajtswv pab peb, txoj kev ua pa, thiab tiv thaiv peb los ntawm Vajtswv txoj kev hlub uas yeej tsis muaj ib lub qhov rooj nkag tau, ib lub qhov rai lossis ib txoj kev ceeb toom twg uas yuav ua tau.
Nyob hauv Ntawv Nkauj 4:8 Vajtswv txojlus qhia rau peb paub: “Thaum kuv qhau cev pw, kuv tau zoo tsaug zog tso siab lug, tus Tswv, tsuas yog koj tib leeg xwb, thiaj pub kuv muaj kev kaj siab.
Kuv ua txhua yam uas kuv ua tau kom tab pov rau kuv lub tsev tsis muaj teeb meem, cia Vajtswv tsim tej haujlwm hauv kuv txhais tes, thiab kuv nco Vajtswv tshav ntuj. txog thaum kawg, thaum kuv pw, txoj kev tso siab rau kuv tsev neeg thiab koj tsev neeg tib si puav leej nyob hauv Vajtswv txhais tes.
Tsimnyog qhuas Tus Tswv lub npe!
Thov caw nrog kuv peb thov Vajtswv ua ke:
Tus Tswv, kuv ua koj tsaug vim koj txoj kev hlub pub rau kuv. Kuv ua Vajtswv tsaug vim koj txoj koob hmoov tiv thaiv kuv. Kuv nco koj tshav ntuj vim kuv lub neej tau muaj koj, tau tso siab thiab muaj kev kaj siab thaum muaj koj. Kuv ua koj tsaug thiab qhuas koj lub npe dawbhuv! Kuv thov kom koj ntxiv koob hmoov rau kuv, kuv tsev neeg thiab txhua tes haujlwm kuv txhais tes ua, thov Vajtswv tiv thaiv kuv los ntawm Vajtswv koj txoj kev tshwm ntsej muag. Kuv thov hauv Tswv Yexus Khetos lub npe. Amees.
Cov kwv tij txhua tus, thov kom koj nco ntsoov thiab paub tias muaj ib tug Vajtswv uas muaj hwjchim tabtom tiv thaiv thiab pov hwm koj txhua hnub. Yog tias koj tsis muaj kev kaj siab thiab tsis txaus siab, cia li tseg sijhawm los mloog Vajtswv tej lus hnub no kom tej lus ntawd nws txheem mus rau hauv koj lub siab thiab ua rau koj pom tias Vajtswv hlub koj. Thov kom tag nrho peb txhua tus yuav muaj kev ntseeg khov kho thiab tso siab lug hauv Vajtswv.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply