Tòm rai kis bềng bơta tơmpit tơmhà mơ gơjrañ mañ, bol he ơs jôi mơ pơnđơl lơh loh kas mang să tòm dê. Bol he ntoat jat ală jơnau tơlik công nha, tiơng pơnrơ mơ gơnă broă dunnia dô dê, nàng ai lơh rài kis he gơs kas mang. Mơ ya bol he ò gơs cau lơi gơs gơnoăr tơlik kas mang bol he dê, rlau mơ Bơtau neh crơng gơs bol he mơ phi să tòm Kơnràñ bơh bol he.
Ngai dô, ngai 10/09/2024, Bơta Hòi Dan Kòp Ngai dan jà ală ồng mò oh mi bơtê bal jơnau Yàng kơnòm dê bơta dong kơl mò Lorie Hartshorn dê bơh tơnggumê DIĐAP MAT YANG, OH MI KAS MANG NGĂN.
“Bơh Yàng neh mòn gơs pơnah đah dơlam añ jê, Yàng neh tàñ gơs añ tòm kơndul mè añ jê. Añ jòng ro Yàng, bơh añ neh geh crơng gơs dô bă pal rngòt mơ crih crài ngan…” (Đơs crih 139:13-14)
Tòm tŭ găm là cau pơgru, añ ò rgơi hŭi ală tŭ tơmlah kòn dềt tòm klơng. Bơta tơmđơs tơmlah ơs sơntơm be do: “Bèp añ jak rlau bèp bi!” Tơnơ̆ là jơnau hơ wơl: “Ò, bèp añ là cau crih crai rlau jơh!” Bol he rgơi ñó diđap ală bơta tơmlah hơ̆, mơ ya tòm dơlam, cau lơi tòm bol he kung neh lòt gan bơta gơlik gơs behơ̆, tòm dô tŭ lơmpah lơi tòm rài. Lồi dut, bơta mơ bol he tơm porlong bal ngan la kơp kòñ lơh nền kas mang mơ bơta dơng mang să tòm dê. Dilah bèp bol he dê la cau crih crai rlau jơh, gen bol he kung rơp gơloh he krơi is sơl! Jơh tơl nă bol he kung cang geh lơh nền lah he gơs kas mang.
Bơta bơtộ dơng mang Sră Goh bơ lơh tòm bơta kơp kơñ jrô ndơp rlau jơh tòm nùs kơp nă cau. Đơs crih 139 tơngkah lah lai mơ tŭ bol he geh crơng gơs tòm gơndul mè, Yàng neh sền bol he là kas mang diđap mat Kơnràñ.
“Bơh Yàng neh mòn gơs pơnah đah dơlam añ jê, Yàng neh tàñ gơs añ tòm kơndul mè añ jê. Añ jòng ro Yàng, bơh añ neh geh crơng gơs dô bă pal rngòt mơ crih crài ngan…” (Đơs crih 139:13-14)
Kơp cau kis la kas mang diđap mat Yàng. Bulah ồng mò oh mi la ñcau, bulah cau ndai sền ồng mò oh mi la bơta lơi, bulah ồng mò oh mi neh lòt găn oă bơta gơlong, hala kol cau ndai gơwet mbe lơi, rài kis ồng mò oh mi gam sùm kas mang diđap mat Yàng. Kơnràñ kòñ gơboh ồng mò oh mi, rong siam ồng mò oh mi mơ sùm kòñ ai ồng mò oh mi in bơta niam rlau jơh. Tòm sră Đơs Crih 8:3-4, cau cih neh hòi lùp Yàng bơh kas mang kòn mơnus dê: “Tŭ añ tơnggòr sền ală tap trồ la broă bơh ràs tê Kơnràñ lơh, Kơnhai mơ ală sơmañ mơ Yàng neh rơndap nền, Gen jơi kòn mơnus la ñchi mơ Kơnràñ kah taih? Kòn mơnus la ñchi mơ Kơnràñ wèt sền taih?”
Dô la bơta bơtộ jrô dơp mơ Sră Goh pơyoa tus bol he: Bơtau neh crơng gơs ù tiah kung la Bơtau neh crơng crơng gơs bol he, mơ bol he dơng mang ngăn gơwet mơ Kơnràñ. Kơp nă bol he cau lơi kung dơng mang. Kơnràñ ò cah is gơnoăr broă hala tiơng pơnrơ, ò lơnggơh bơh tơmryas hiu nhă, gơnoăr pràn, pasgơs hala siơ̆u rbah. “Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.” (Jang 3:16).
Mơ ò gơs tiah lơi lơh cơng bơh bơta do loh lang rlau la dê tiah chi pơng Yàng Dong Jesus dê. Tềng hơ̆, kơp nă cau dô ring bal – ring bal tòm ală bơta tis, tồi glài, mơ công nha pal tơm wơl bơta tơmdră he dê. Jơh tơl nă bol he pal cang dô Bơtau Dong Klas, mơ ming tơm tiah chi pơng, bol he rgơi jôi bàn Kơnràñ – Bơtau rcăng sir phi să tờm he bơh jơh dunnia, Yàng Dong Jesus neh tơm jơh ală tồi glài in, mơ Kơnràñ neh lơh bơta hơ̆ bơh jơh tolư nă bol he! Dilah ồng mò oh mi ntao hơđơm jơng chi pơng, sền gŏ mham hor bơh dê chi pơng, ồng mò oh mi rơp kơnọ ală jơnau ntas: “Rài kis kòn kas mang ngăn!”
Behơ̆ gen do la jơnau song: Bèp bol he la Bơtau crih crài rlau jơh, bơh bol he bol he ngan la kas mang diđap mat Kơnràñ. Hơ̆ la bơta ngan ò rgơi tơm pơndang tai.
Dan jà bol he dô nùs bal tòm bơta hòi dan:
Ơ Yàng kòñ gơboh, tòm rai kis bềng ală bơta kơlôi rcăng mơ tơm pơndang do, dan Yàng dong kòn kah lah kòn ò cang joi kas mang he dê tòm tiah lơi ndai rlau mơ Kơnràñ. Bèp neh kòñ gơboh kòn mơ bơta kòñ gơboh ò gơs bơta lơi pơndrơm, mơ neh phi jơh ală bơta nàng ai kòn in gŏ kòn la kas mang ngan ò git nđò. Kòn ai sơnđan Yàng Jesus Krist hòi dan mơ Yàng Bèp, Amen.
Ơ ală ồng mò oh mi kòñ gơboh, kas mang bol he dê la neh geh lơh nền bơh Bơtau Crơng Gơs. Bol he ò cang pal tơm pơndang nang jôi bơta dơp rò hơ̆, bơh Bèp neh dơp rò kas mang bol he dê bơh sơnrơp. Mơ tian gơs, Yàng Dong Jesus neh phi să jăn kas mang Kơnràñ dê hơđang chi pơng nang lơh nền lah bol he kas mang ngan diđap mat Kơnràñ. Bol he ò cang pal jôi kas mang he dê tòm tiah lơi ndai tai. Kas mang hơ̆ neh geh lơh til mơ bơta kòñ gơboh bulah Kơnràñ dê, bơh sơnrơp tus dê sùm sùm rai tơnơ̆.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply