Koj tus kheej puas tau muaj kev sib raug zoo ua ke nrog Tswv Yexus lossis koj tsuas nrog Tswv Yexus mus vim yog koj ntseeg raws niam txiv xwb? Loj hlob hauv ib tsev neeg paub Vajtswv , loj hlob nrog lub zej zos muaj kev ntseeg, tau cov ntseeg ua ntej coj peb los paub Vajtswv yeej yog ib yam uas zoo tshaj. Tiamsis qhov tseem ceeb yog koj yuav tau txiav txim siab rau koj tus kheej. Koj cheem tsum muaj kev ntseeg ntawm koj tus kheej tsis yog lwm tus li.
Hnub no, yog hnub 11/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Tori Troncone dhau ntawm Zaj kawm KOJ TUS KHEEJ TXOJ KEV NTSEEG.
“Tiamsis cov phoojywg, nej yuav tsum muab siab rau ntseeg heev zuj zus ntxiv” (Yudas 1:20a).
Muaj ib txoj kev coj zoo nyob hauv peb tsev neeg yog lub tswvyim ua cov kua ntse feev (mì) kom qab heev. Peb tsev neeg ib tiam dhau ib tiav tuav lub tswvyim no kom tsis txhob ploj mus. Tiamsis tamsis no kuv tawm mus nyob kuv ib leeg yog li kuv yuav cim civ kawm thiab xyaum kom ua tau ib cov kua ntse feev qab li kuv tsev neeg
Txawm yog kuv twb tau noj cov feev uas muaj cov kuas qab heev ntawd nyob hauv kuv tsev neeg ntev los lawm, tiamsis yog kuv tsis txiav txim mus kawm, mus xyaum ua ces tej feev uas qab qab ntawd tsuas yog nyob hauv kuv lub neej yav tag los lawm li xwb, nws tsis nrog kuv lub neej mus rau tom hauv ntej.
Nyob hauv sab kev ntseeg, kuv yuav tsum muaj kev txiav txim siab nrog tus Tswv Yexus mus ib yam li ntawd thiab. Thaum tseem yau kuv tau nrog niam txiv mus hauv tuam tsev thiab nyeem Vajluskub. Kuv nyiam Pawg Ntseeg thiab muaj ntau yam zoo txog Pawg Ntseeg, tiamsis thaum loj hlob, kuv yuav tau txiav txim siab txog qhov uas nrog tus Tswv mus yog kuv tus kheej txoj kev ntseeg lossis tsuas yog caum niam txiv qab xwb.
Nyob hauv phau Tes Haujlwm Tshooj 19, peb pom tej haujlwm puv npo hwjchim uas Paulus tau ua nyob hauv Efexaus. Vim Paulus lub koob npe, ntau zaug muaj coob tug tsis paub Tswv Yexus tiamsis tseem siv Paulus lub npe los ntiab dab. Vim cov neeg no lawv tsis muaj kev sib raug zoo ua ke nrog Vajtswv, yog li nqe 15 thiaj qhia pom dab teb lawv tias: “Kuv yeej paub Yexus thiab paub Paulus, tiamsis nej ho yog leejtwg.” Cov neeg no lawv tsis muaj kev ntseeg ntawm lawv tus kheej yog li lawv thiaj siv tsis tau Paulus txoj kev ntseeg los ua lawv txoj haujlwm.
Nyob hauv phau Txojmoo Zoo Yauhas tshooj 4, tus pojniam ntsib Tswv Yexus ntawm lub qhov dej zoo siab heev txog qhov uas thaum nws saj tau lub neej hloov pauv lawm. Pog khiav ncaj nraim mus ntsib sawv daws hauv zos thiab qhia rau lawv paub txog tej ntawd. Tom qab, thaum Tswv Yexus mus rau hauv zos, pog tej neeg zej zog thiaj txiav txim siab tias lawv yuav tau cim civ mloog Tswv Yexus tej lus. Nyob hauv Nqe 42 lawv hais rau pog tias: “Nimno peb ntseeg tsis yog vim tej lus uas koj hais, tiamsis peb ntseeg vim peb tau hnov nws tej lus thiab peb paub hais tias nws yog neeg ntiajteb tus Cawmseej tiag.”.
Txawm yog pog cov lus tim khawv zoo los lawv yeej yuav vam tsis tau rau pog txoj kev ntseeg, lawv yuav tau tseg sijhawm, dag zog los pab kom lawv muaj kev ntseeg loj hlob ntawm Tswv Yexus. Peb yuav tau zoo siab hlo mloog Vajtswv lus rau tus kheej thiab txiav txim siab ntseeg yam uas peb nrhiav tau, tsis yog tej uas lwm tus hais rau peb.
Tswv Yexus ntuas peb nyob hauv Yauhas 14:6 tias Tswv Yexus yog txoj kev, qhov tseeb thiab txojsia. Tsis muaj leej twg mus cuag tau leej txiv yog tsis los ntawm Nws mus. Kuv yuav tsis muaj kev ntseeg dhau los ntawm lwm tus li lossis lawv tej haujlwm. Kuj zoo li qhov uas kuv yuav tau tseg sijhawm nqes tes ua rau kuv tsev neeg noj, kuv yuav tau txiav txim siab tseg sijhawm rau Tswv Yexus thiab cia kuv tus kheej muaj kev ntseeg thiab muaj kev sib raug zoo ua ke nrog Tswv Yexus.
Yog li peb muaj cuab kav ywg peb txoj kev sib raug zoo ua ke nrog Tswv Yexus txhua txhua hnub. Vim Yelemis 29:13 muaj cov lus cog tseg tias: “Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej” (Yelemis 29:13). Vajtswv yuav zoo siab hlo ntsib peb tej lub sijhawm zoo li ntawd.
Thov caw nrog kuv peb thov Vajtswv ua ke:
Tus Tswv kuv ua Koj tsaug, vim koj tau ntuas kuv paub tias, kuv tus kheej yuav tsum xub nrhiav koj, tsis yog vam rau ib tug twg pab kuv nrhiav koj. Thov Koj zam txim tej lub sijhawm uas kuv tau lam nrog koj mus lossis tsuas vam khom lwm tus txoj kev ntseeg xwb. Tus Tswv, thov pab kom kuv muaj lub siab ntshaw koj, kom kuv saj tau Vajtswv tus muaj sia rau kuv tus kheej lub neej. Thov pab kom kuv paub koj los ntawm tej haujlwm ua, thiab tej kev txiav txim siab txhua hnub uas kuv ua neej. Thov pub rau kom kuv paub pheeb rau koj uas yog txojsia. Kuv thov hauv Tswv Yexus Khetos lub npe. Amees.
Cov kwv tij, hnub no yog zoo sijhawm cia kom peb txiav txim siab rau peb txoj kev ntseeg ntawm Tswv Yexus, kuj yog lub sijhawm kom peb nrhiav Vajtswv. Vim peb tus kheej txoj kev ntseeg txhua hnub yuav pab kom peb khov kho tej lub sijhawm uas muaj kev sim siab. Koj yim nrhiav Vajtswv, koj yuav muaj kev nkag siab txog Nws, koj yim tso kev ntseeg rau ntawm Vajtswv thiab koj yuav pom Vajtswv txhais tes kev hlub coj koj nyob hauv lub neej no. Thiab cia siab tias peb yuav qhia tej no rau peb tej neeg txheeb ze hauv tsev neeg thiab nyob hauv Vajtswv.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply