Ồng mò oh mi neh dòn Yàng Jesus ngan ò, hala ồng mò oh mi dòn Yàng tai bơh hiu nhă, mè bèp, hala ming la cau dòn lơm ò hềt dòp Yàng? Lơngai ngan tú he geh tơnggơs tòm hiu nhă git Yàng, geh dơng di gul cau dòn, geh ală cau lòt lai tề lam he dòn Yàng. Mơya bơta dơng mang la ồng mò oh mi pal gơs bơta lơh nên is he in. Ồng mò oh mi pal gơs bơta dòn is he dê ò di cau ndai dê.
Ngai do, ngai 11/09/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Tori Troncone dê bơh tơnggume: BƠTA DÒN ỒNG MÒ OH MI DÊ.
“Mơya, ơ ală oh mi kòñ gơboh, oh mi bơt bơtào tĕ să tòm oh mi hơđang bơta dòn sàng goh ngan oh mi dê.” (Juđe 1:20a)
Dùl tòm ală bơta òs gơboh hiu nhă ẵn jê hớ la bơta gơm sa mì ý geh pơrdòn bơh di cau lòt lai tus di bol he. Tú jơ do, ẵn gam kis tòm hiu ẵn jê mơ gơm sào is, ẵn pal lơh nên la pal bơtê git bơta gơm sa òs mơng hiu nhă hê dê.
Bulah ẵn neh sa mì Ý oă ngan hala gơs bơta kah kơlôi niam bơh di bơta gơm sa hớ gen bơta hớ ò dơng mang. Dilah ẵn ò lơh nên mut tòm hiu gơm sa mơ bơtê gơm sa gen dà gơm sa hớ ming ơm tòm bơta kơlôi sơnưng ẵn jê lơm.
Kung behớ, ẵn pal lơh nên behớ tú đơs tus bơta dòn ẵn jê mơ Yàng Jesus. Bơh tú gam dềt ẵn neh jat mè bèp ẵn jê lòt hiu jum mơ sền Sră Goh. Ẵn gơboh gơbài Hiu Jum Goh mơ gơs oă ngan bơta kơlôi sơnưng niam bơh gơ, mơya tú dơng, ẵn lơh nên jat Yàng la bơta dòn he dê hala bơta dòn jat mè bèp.
Tòm sră Broă tap 19, bol he gó ală broă gơnap gơnoar mơ ồng Pol neh lơh tòm Êphesô. Bơh bơta tiơng pơnro ồng dê, mơ oă cau ò hề git Yàng Jesus pơnđơl pran ngui sơnđan ồng Pol dê nàng bơtrơh cà. Mơya bơh ală cau do ò hềt dòn Yàng, gen tàng tòm seng 15 ai he in gó cà ràc neh ho wơl mơ bol khai lah: ““Añ git Yàng Jesu mơ añ git loh bơh Pol, mơya, bol mê la ñcau taih?”. Ală cau do ò gơs bơta dòn is bol khai dê tòm Yàng Jesus mơ loh lang lah ò rgơi kơnòm di bơta dòn ồng Pol dê nàng lơh broă he dê.
Tòm sră Jang tap 4, cau ur tìp Yàng Jesus tòm tơrlung dà mơ chò hòp ngan tú mò neh git lam dô rai kis geh tòm gơl. Mò neh ntoat mơ tìp ală cau tòm bòn nàng yăl wơl bol khai in ală bơta hớ. Tơnớ hớ, tú Yàng Jesus neh mut tòm bòn, ală cau gơp bòn mò dê neh lơh nền lah să tòm bol khai pal kơno jơnau Kơnrẵn dê. Tòm seng 42 bol khai đơs mơ mò lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”
Bulah jơnau lơh cơng mò dê lơh cau in rngoh rngac ngan mơya bol khia ò di ming dòn kơnòm dê bơta dòn mò dê lơm ò mơ kung pal sang tú jơ mơ pràn bol khai dê nàng bơt bơtao bơta dòn bol khai dê tòm Yàng. Bol he kung pal rcang sir kơno Jơnau Yàng să tòm he in mơ lơh nên ơm bơta dòn bơh ală bơta he neh jòi bàn, ò di bơh ală bơta cau ndai đơs he in.
Yàng Jesus neh tơngkah bol he tòm Jang 14:6 lah Kơnrẵn la gung lòt, jơnau song mơ bơta kis. Ò gơs cau lơi rgơi lòt tus hơ Bèp mơ ò bơh Kơnrẵn. Ẵn ò rngơi gơs bơta dong klàs dilah kơnòm di bơta dòn mơ broă lơh cau ndai dê. Kung bè ală broă he lòi tú jơ nàng bơtê gơm sa bơta gơm sa hiu nhă ẵn jê dê, ẵn kung pal lơh nên lah pal gơs tú jơ ơm ing mơ Yàng Jesus mơ să tòm ẵn gơs bơta dòn is mơ Kơnrẵn.
Behớ bol he pal bơta bơtào bơta dòn he mơ Yàng kòp ngai. Bơh Jeremi 29:13 ho bol he in lah: “Tòm tŭ bol mê jòi Añ, bol mê rơp bàn Añ, dilah bol mê jòi Añ jơh nùs”. Kơnrẵn chò hòp tìp bol he tòm tú jơ ơm ing hớ.
Dan jà bol he dô nùs bal tòm bơta hòi dan:
Khoai Bèp kỡn gơboh, kon ưnngài Yàng bơh Kơnrẵn neh tơngkah kon bơh bơta jòi jat Yàng ò di la broă cau ndai dê mơ la broă să tòm kòn dê. Kon dan Yàng toh tồi glài bơh tú jat Yàng kon ming dòn Yàng dô bă lơbơn lơno hala kơnòm di bơta dòn cau ndai dê lơm. Ơ Yàng, dan Yàng ai kon in nùs ji gloh tơhir Kơnrẵn oă rlau tai, nàng kon in git lam Yàng dô bă kràn cê mơ să tòm kon git lam Yàng. Dan dong kon dòp git Yàng tòm ală broă lơh, tòm ală bơta lơh nên kòp ngai kon dê. Dan dong kon kư sơmbat kớ tòm bơta kis să tòm Yàng dê. Kon jơh nùs hòi dan, tòm sơnđan Yàng Jesus Krist, Amen.
Ơ ală ồng mò oh mi kỡn gơboh, ngai do la tú bol he lơh pa wơl bơta dòn he dê tòm Yàng, kung la tú bol he geh tơngkah wơl bơh bơta joi jat Yàng sum sum. Bơh să tòm bơta dòn kòp nă he dê rơp dong he ntao jai tòm ală tú gơlong bol glar. Ồng mò oh mi sơlo joi jat Yàng, ồng mò oh mi sơlo git wă Yàng, ồng mò oh mi sơlo ơn bơta dòn tòm Yàng mơ ồng mò oh mi dòp geh tê kỡn gơboh Yàng dê tòm rai kis he dê, mơ kơp kỡn lah he rơp tòm pà wơl bơta do cau tòm hiu nhă hala oh mi he dê tòm Yàng.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply