Lub neej no muaj ntau yam kev phomsij, tiamsis muaj ib tug Vajtswv npaj siab yuav tiv thaiv povhwm peb thaum muaj cua daj cua dub ntxawj tuaj. Vajtswv tsis yog tsuas nyob deb deb saib xwb, tiamsis Nws yog tus tiv thaiv dawbhuv, nyob ntawm peb ib sab hauv txoj kev ua neej, tiv thaiv thiab rub peb tes tawm ntawm tej kev sim siab.
Hnub no, yog hnub 14/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm VAJTSWV TIV THAIV PEB TSIS SO.
“Tiamsis Vajtswv yog tus uas ncaj ncees, nws yuav txhawb nej lub zog thiab tsis pub dab Ntxwgnyoog ua phem rau nej” (2 Thexelaunikes 3:3).
Raws li koj, ib tug tub ua txoj haujlwm cawm neeg poob dej nws lub nra thiab tes haujlwm yog ua dabtsi? Lawv tsis yog tsuas yog saib tej ntug hiav txwv thiab tej chaw da dej, taw kev rau cov neeg paub tej yam uas cheem tsum paub xwb. Tiamsis lawv tseem muaj ib lub nra yog tiv thaiv tag nrho cov neeg uas tab tom da dej hauv dej, lawv yeej npaj txhij yuav pab thaum muaj teeb meem tshwm los thiab ceeb toom sawv daws. Lawv tes haujlwm yeej tsis yoojyim li peb pheej xav.
Nyob ntawm kuv, kuv xam tias Tswv Yexus zoo li tus neeg uas saib xyuas kuv. Txhais tias thaum muaj kev sim siab los, lossis teeb meem tshwm tuaj, los yog muaj tus xav ua phem rau kuv, Vajtswv yeej saib ntsoov kuv, nws lub qhov muag saib ntsoov kuv dhau los ntawm txojkev ua neej, npaj txhij rub kuv los rau ntawm ntug thaum uas cua ntsawj hlob tuaj.
Kuv ntseeg tias cov neeg muaj koob nto npe hauv Vajluskub lawv kuj ntsib dhau li ntawd. Peb rov saib tej zaj xwm txheej nyob hauv Vajluskub Qub, thaum Daviv raug iab liam thiab yeebncuab vij tua yawg. Tsis yog tas li xwb – Daviv yuav tau ua lub neej khiav nkaum txomnyem ntsuav, thaum uas Xa-ules yog tus Daviv hwm txiav txim siab caum tua Daviv. Tomqab no txawm yog Xa-ules hloov pauv thiab Daviv ua ntau yam zoo rau yawg los. Daviv yeej txais tsis tau txoj kev ua zoo los ntawm Xa-ules li. Tiamsis nyob rau hauv txoj kev txomnyem ntawd, Daviv yeej tau sawv daws paub txog tias yog ib tug ua haum “Vajtswv siab”.
Nco txog Paulus nyob hauv Vajluskub Tshiab, thaum Paulus raug cov pov thawj hlob iab liam tias ua txhaum Mauxes kevcai thiab lawv lub tuam tsev. Txawm yog lawv nrhiav kev tua yawg pov tseg los, Paulus yeej ua siab tawv qhia thiab coj raws li Vajtswv tej lus twb tau qhia rau yawg thaum yawg tab tom taug kev mus rau nram Damaxes. Paulus yeej hais daws yawg zaj txog tej lus tawm tsam yawg (Tes Haujlwm 25), thiab siv lub sijhawm zoo ntawd los ua tim khawv qhia txog qhov uas Vajtswv tau hloov pauv Paulus lub neej thiab hu yawg los ua Vajtswv txoj haujlwm.
Ob zaj xwm txheej no ua pov thawj qhia tias: Txawm yog lub caijnyoog yuav nyuaj npaum cas lossis tib neeg yuav tsis lees peb los, yeej muaj ib tug cawmseej nyob nrog peb ua ke, tus uas nkag siab txhua yam thiab saib peb txhua kaujruam. Yeej tsis muaj ib qhov haujlwm zoo twg uas peb ua pub rau Vajtswv es Vajtswv yuav hnov qab.
Kuv xav txhawb cov ntseeg txhua tus nyob thoob plaws lub qab ntuj no kom, rau siab ua tej haujlwm ua zoo rau Vajtswv. Vim ntawm no yog ib qhov haujlwm cheem tsum, thiab Vajtswv yuav tsis hnov qab nej tej kev khwv uas nej tau ua pub rau Nws (Henplais 6:10). Vajtswv yuav tsis muaj hnub nraim peb, Nws yeej tiv thaiv hlub peb tsis so.
Thov caw nrog kuv peb thov Vajtswv ua ke:
Tus Tswv, kuv nco koj tshav ntuj vim koj yog tus tiv thaiv kuv. Kuv ua Koj tsaug koj txoj kev tiv thaiv pab rau kuv ua neej tso siab lug thaum ntsib kev teeb meem thiab txomnyem. Kuv nrhiav pom txoj kev kaj siab nyob hauv koj, thiab muab lo lus ua tsaug fij rau koj. Thov koj pub lub sijhawm rau kuv kom kuv ua tim khawv qhia koj txoj kev cawmdim hauv kuv lub neej. Kuv thov hauv Tswv Yexus Khetos lub npe. Amees.
Cov kwv tij, Vajtswv nrog nraim peb, pub peb muaj kev txhawb zog kom tiv dhau lub sijhawm tsaus ntuj. Cia siab tias koj yuav saj tau Vajtswv txoj kev tshwm ntsej muag, dhau ntawd nrog tus tswv mus ruaj khov. Dhau los ntawm peb tej lus tim khawv thiab kev khwv, yuav muaj coob tug nkag los rau hauv txoj kev dawbhuv no, qhov chaw uas peb tau tiv thaiv thiab coj kev.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.
Leave a Reply