Di gùl rài kis bîng bơta sơrbơng roh kŭng bè rya dà dờng, gơs dô Bơtau sùm tơmềt sền bol he, rcang sir sền gàr mơ dọ̆ng kơl tom tŭ cal rbùt gơtơntus. Kơnràñ ò di mìng ntào sền gơrwang bơh ngài, mơ la Bơtau Sền Gar mang ryŭ, sùm ơm di đah he tom kờp cơnđòa gùng rài kis, jrơm gom mơ yò đo kờp tŭ bol he gơplơ̆ di đap ală bơta gơlòng dờng.
Ngai do, ngai 14/09/2024, Bơta Hòi Dan Kờp Ngai dan jà ală cau iat kơlôi sơnơng Jơnau Yàng dê kơnom di bơta dong kơl Kathy Schultz bơh tơnggume BƠTAU SỀN GÀR Ò TŬ LƠI ƠM RLÔ-BÒL.
“Mơ ya Yàng la Bơtau lơh jat jơnau ho Kơnràñ dê, Kơnràñ rơp lơh oh mi in kơ̆ nền mơ sền gàr oh mi klàs dê cau iơh bơssak.” (II Tesalônika 3:3)
Jat oh mi, dô nă cau dong cau gơs gơnoar mơ gơnoar broă lơi? Bol khai ò di ming la ală cau sền gàr hơđang dà lềng hala tơnau re dà, ai bơta sơnio lăm pal cang. Bol khai kung añ hơđang pơnì gơnoar broă sền gàr jơh ală cau um dà, sùm rcang sir nang mbe lơh di đap ală bơta sơrbơng roh pun ndơp mơ sơrbac sơrbang yal tơnggit tom tŭ gơs bơta gơlik gơs. Pơrlơ̆ wơl mơ ală bơta oă cau òs kơlôi, broă lơh bol khai dê ò gơs buôn soh hala nggòc.
Ai gơwèt mơ añ, añ òs kơlôi rùp sơnio Yàng Jesu ndrom kung bè cau dong kơl añ jê. Gơtha la tom tŭ gơlòng tus, tom tŭ gơs bơta nisơna gơlik gơs, hala tom tŭ gơs cau lơh iơh di añ, Kơnràñ gam kư tơmềt-sền añ, gar mat koñ gơboh òs sùm sền gàr añ jat kờp rya dà rài kis, rcang sir hwài añ rê wơl digah tom tŭ cal-rbùt gơlik gơs pran ngan.
Añ dòn lah ală cau gơs gơnoar pran tom Sră Goh kung neh gơs bơta đal git behơ̆. Pal kah tĕ tus bơta yal yau tom Rài Bơta Ho Bal Yau, tơm tŭ Davit gơkol yă wơn mơ gơkol gơrwang bơh ală cau iơh bơsak koñ lơh iơh ông. Mơ ya ò di bơdơh wơl ting hơ̆-Davit kung pal du pun bol glar, tom tŭ Sol, cau mơ ông sùm ki-ngam, lơh nên tĭng jat ông. Tus di tơnơ̆, bulah Sol tom gơl, mơ bulah Davit gơs pơnđơl pran lơh oă bơta niam, ông kung ò rgơi gơs wơl tai bơta koñ gơboh Sol dê. Bulah behơ̆, digùl ală bơta kal-kê, Davit gam geh git tus bè dô nă “cau niam nùs Yàng”.
Kah tĕ tus Pol tom Rài Bơta Ho Bal pa, tom tŭ ông ntào di đap bơta kup glài bơh di ală cau at-bồ Juđa bơh broă lơh tìs bơta boh lăm mơ hiu duh khoai bol khai dê. Bulah bol khai joi kai lơh iơh ông, Pol kư kơ̆ nùs bơto sồr mơ lơh jat Jơnau Yàng neh đơs mơ ông tom gùng lòt tus Damach. Ông ò bơdơh tò să bơh ală bơta kup glài tom dră wơl he (Broă 25), mơ kung ngui tŭ lơm pah nang lơh cơng bơh Yàng neh tom pơrgơl rài kis ông dê mơ hòi sac ông lơh gơnoar broă dơng mang Kơnràñ in.
Bơta yal yau bar nă cau dờng mang do lơh cơng lah: bulah gơs tŭ kăl-kê mbe lơi hala kòn mơnus đi ngkơi wơl mơ bol he, gen gam dô nă Bơtau Dong Klàs hơđang trồ ơm sùm mơ bol he, Bơtau git jơh mơ sùm wèt sền kờp cơnđoà lòt bol he dê. Ò gơs broă niam lơi bol he lơh Yàng in mơ gơkol hŭi.
Añ koñ pơndom pơndiang mơ loi wơl bơta gơchôl tus ală cau dòn hơđang jơh dunnia: kư pơnjat kơ̆ tĕ nùs tom ala broă niam Yàng in. Hơ̆ la dô gơnoar broă pal cang ngan, mơ Yàng rơp ò tŭ lơi hŭi ală bơta bòl glar mơ oh mi neh lơh Yàng in (Hebrơ 6:10). Kơnràñ ò tŭ lơi pleh mat bơh bol he, sùm sên gàr mơ koñ gơboh bol he ò tŭ lơi rlô-bòl.
Dan jà bol he dô nùs bal tòm bơta hòi dan:
Khoai Yàng, kòn ưnngai oă ngan tai bơh Kơnràñ la Bơtau Sền Gar mang ryŭ kòn dê. Ưnngai Kơnrañ neh ai kòn in bơta sền gàr mang ryŭ, gàr kòn lơngap lơngai di đap ală ryà dà mơ bơta gơlòng rài kis dê. Kòn joi gŏ bơta ring-lơngai jrô ndơp tom Kơnrañ, mơ jơh nùs ơn Kơnràñ in jơnau ưnngai song ngan. Dan Kơnràñ ai kòn in tŭ lơm pah nang lơh cơng bơh bơta dong tă Kơnràñ dê hơđang rai kis kòn. Kòn jơh nùs hòi dan tom sơnđan Yàng Jesu Krist, Amen.
Ơ jơh ală ông mò, oh mi koñ gơboh, Yàng sùm lòt bal mơ bol he, ai bol he in bơta pơndom pơndiang mơ pràn kơldang lòt gan ală pah rài klăm jơngo rlau jơh. Kơp koñ oh mi mơ añ sùm git lam bơta gơs mat bing koñ gơboh Kơnrañ dê, bơh hơ̆ kư pơnjat cơnđoà jat Yàng mơ dô bơta dòn kơ-cê. Nang gan ală jơnau lơh cơng mơ bơta bol glar bol he dê, rơp gơs oă cau cơnđoà lòt bal tom gùng mang ryŭ do, tiah bol he geh sền gàr mơ tề lăm bơh bơta koñ gơboh dờng ơnang Kơnràñ dê.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply