Thaum ntsia saib lub ntiajteb no zoo kawg nkaus, koj puas hnov xav tsis thoob txog Vajtswv lub hwjchim? Xws li thaum koj ntsia saib tej toj roob hauv pes, tej tiaj nrag ntsuab siab, lossis tig saib lub ntuj uas puv npo hnub qub. Tej lub sijhawm zoo li ntawd, tsis muaj leej twg yuav ua txuj ua tug tsis paub Vajtswv lub hwjchim loj kawg nkaus thiab xav tsa suab qhuas Vajtswv.
Hnub no, yog hnub 19/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sandra Holcombe dhau ntawm Zaj kawm VAJTSWV LUB NPE TXAUS HWM HEEV!
“Tus Tswv tus uas muaj hwjchim loj tshaj plaws, yog tus txaus ntshais heev, nws yog tus vajntxwv uas muaj hwjchim loj kawg nkaus, nws kav tagnrho lub ntiajteb no.” (Ntawv Nkauj 47:2)
Ntawv Nkauj 47:2 sau li no: “Tus Tswv tus uas muaj hwjchim loj tshaj plaws, yog tus txaus ntshais heev, nws yog tus vajntxwv uas muaj hwjchim loj kawg nkaus, nws kav tagnrho lub ntiajteb no.”
Koj puas tau muaj zaum twg ntsia saib tej uas Vajtswv tsim zoo tshaj plaws txog qib uas txhos caug ntua ntawm Vajtswv ko taw pehawm Nws? Ntawm no yog kuv txoj kev xav thaum sawv ntawm tej ntus roob siab – yog ib yam uas Vajtswv tsim los zoo kawg nkaus. Thaum kuv ntsia saib txhua tsav txhua yam Vajtswv tsim los zoo nkauj, kuv ntsia pom Vajtswv lub hwjchim ci ntsa iab. Tej ntawd nyob rau hauv kuv lub hlwb thiab yeej tsis hnov qab li.
Ntawv Nkauj 14:2 sau tseg tias: “Tus Tswv nyob saum ntuj ntsia ntsoov tuaj rau neeg ntiajteb saib puas pom leejtwg ua neeg ntse, thiab pehawm nws”.
Thaum txais yuav thiab nrog Tswv Yexus mus ua ke, peb pom tias Vajtswv yog tus uas tsim txhua txoj kev cai, txhua tus nrim hauv lub neej. Vajtswv yuav coj peb kom paub cais tias yam twg yog yam twg tsis yog, tsis yog tsuas tseg tiv thaiv peb xwb tiamsis tseem pab kom peb ua yog raws li Vajtswv txoj kev uas Vajtswv tau tsim tib neeg los: raws li Vajtswv tus yam ntxwv. Vajtswv yog tus zoo, tus ncaj ncees, tus muaj kev hlub, tus tseeb… thiab Vajtswv lub hwjchim nyob siab tshaj peb txoj kev nkag siab – ntawd yog yam uas peb yuav tau nco ntsoov cia.
Ntawv Nkauj 46:10 sau tseg tias: “Nws hais tias, “Nej cia li tseg kiag tsis txhob sib tua, nej yuav tsum paub hais tias kuv yog Vajtswv, tus uas kav txhua haivneeg thiab kav lub ntiajteb no huv tibsi.”
Vajtswv xav kom peb xav txog Nws, kom yim hnub yim paub txog Vajtswv lub npe. Rau qhov yog tias peb tsis paub Vajtswv tiag, peb yuav cim civ tsim muaj txojcai rau peb thiab coj peb mus raug txoj kev puas tsuaj mus ib txhis.
Vajluskub ceeb toom tias peb tus yeebncuab ntawm sab ntsujplig los nrhuav tshem peb (Yauhas 10:10, I Petus 5:8). Lam kheev sawv daws pom tias Vajtswv muaj ib lub homphiaj loj tseg rau lawv lub neej, pauv qhov uas lawv poob rau hauv yeebncuab lub voj hluas.
Peb tau Vajtswv pub kev hlub kom tau ntsia pom Vajtswv yog tus loj tshaj plaws thiab paub peb lub neej ib txhis. Nyob hauv Vajtswv txoj kev hlub, peb tau pub kom muaj lub siab hwm Vajtswv pab peb tso tej kev phem tseg, ua yam zoo thiab kov yeej yeebncuab lub tswv yim. Txoj kev hwm no pab kom peb ua lub neej nthuav tawm Vajtswv txoj kev loj kawg nkaus thiab Vajtswv txoj kev hlub, tib txhij ntawd kuj tiv thaiv peb kom peb dim tej kev dag ntxias thiab kev nrhuav tshem.
Cia li mus nyob ze Vajtswv txoj kev hlub kom hloov pauv peb dhau los ua cov neeg ua lub neej nrog Vajtswv lub homphiaj, mus khov kho rau hauv qhov kaj thiab nthuav tawm Vajtswv lub tshwjchim dhau ntawm peb tej haujlwm.
Thov caw nrog kuv peb thov Vajtswv ua ke:
Leej Txiv saum ntuj kuv xav kom ntsia pom koj lub hwjchim. Thov Koj pub kom kuv muaj lub siab paub koj, thiab yuav nrhiav koj txoj kev ncaj ncees tsis so. Thov siv kuv kom ncav cuag cov neeg uas tsis tau paub koj, kom txhua tus puav leej yuav saj tau koj lub hwjchim loj kawg nkaus. Thov kom Vajtswv hloov kuv lub neej, kom kuv puv npo txoj sia tshiab hauv koj txoj kev tshwm ntsej muag. Kuv thov hauv Tswv Yexus Khetos lub npe. Amees.
Cov kwv tij txhua tus, thaum koj ntsia pom tej kev zoo nkauj ntawm lub ntiajteb no, ntawd yog ib lo lus ntuas txog Vajtswv txoj kev tshwm ntsej muag hauv koj lub neej. Cia txoj kev xav tsis thoob ntawd pab kom koj paub zoo txog Vajtswv lub npe zoo. Thaum koj saj tau txoj kev zoo nkauj ib ncig, thov kom peb tau ntuas txog tus tsim ib puas tsav yam – Nws tib leeg thiaj tsimnyog qhuas thiab txaus hwm. Dhau ntawd, peb yuav siv tag nrho peb lub neej los qhuas Nws lub npe.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.