Tú sên ală phan Yàng crơnggơs, gơs tú lơi ồng mò oh mi ai lơh krơi di bơta gơnnap gơnoar Yàng Tòm Trồ dê sơl? Tú sên ală mơnơm jong, ală blang srê ơnang hala trồ bêng sơmãn. Tòm ală tú behớ, ò gơs cau lơi rgơi ò sên di đap ală gơnap gơnoar Bơtau Crơnggơs dê, mơ kơp kỡn đơs chò jong ro Yàng.
Ngai do, ngai 19/09/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Sandra Holcombe dê bơh tơnggume: SƠNĐAN YÀNG PAL DUH RNGÒT NGAN!
“Bơh Yàng Jehôwa la Bơtau Hơđang Rlau Jơh, la Bơtau pal duh rngòt;
Kơnràñ la Bơtau dờng at bồ hơđang làm jơh plai ù.” (Đơs Crih 47:2)
Đơs Crih 47:2 cih lah: “Bơh Yàng Jehôwa la Bơtau Hơđang Rlau Jơh, la Bơtau pal duh rngòt;Kơnràñ la Bơtau dờng at bồ hơđang làm jơh plai ù.”
Gơs tú lơi ồng mò oh mi git lam bơta gơs mat màng ryú Yàng dê, mơ ồng mò oh mi pal cùn gơltang di jơng Kơnrẵn nàng jong rơ mơ duh khoai dô bă duh rngòt sơl? Hớ la bơta ẵn neh gơs tòm dô nơm wah mơnơm dơng – dô bă tiah niam mơ Bơtau Crơnggơs gơs mat dô bă pràn kơldang mơ Kơnrẵn neh crơnggơs. Bơta hớ lơh ẵn in ò tú lơi rngơi húi.
Đơs Crih 47:2 cih lah: “Bơh Yàng Jehôwa la Bơtau Hơđang Rlau Jơh, la Bơtau pal duh rngòt;Kơnràñ la Bơtau dờng at bồ hơđang làm jơh plai ù.”
Tú dòn dòp mơ cơnđoà lòt jat Yàng Dong Klàs Jesus, bol he dòp git lah Yàng Tòm Trồ la Bơtau neh bơt mòn ală bơta bơta boh lam, bơta wil tơl mơ bơta gơtha tòm rai kis. Kơnrẵn tề lam bol he nàng git bơta tìs mơ di, ò di ming sên gar bol he mơ dong bol he kis di pal mơ bơta mơ Kơnrẵn neh crơng mòn jơi kon mơnùs: bè rùp să Kơnrẵn dê. Kơnrẵn la Bơtau lơbơn niam, don song, kỡn gơboh, song ring,.. Mơ gơnap gơnoar Kơnrẵn dê rlau mơ bơta git wă bol he dê – hớ la bơta mơ bol he pal kah sum.
Đơs Crih 46:10 cih lah: “Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”
Kơnrẵn kỡn bol he kơlôi sơnưng bơh Kơnrẵn, nàng sơlo ngai sơlo bơtê git bơh sơnđan Kơnrẵn. Bơh dilah ò dòp git Kơnrẵn ngan, bol he rơp gơs ală bơta boh lam is, lam tus hơ bơta chơ gam sum sum.
Sră Goh tơngkah bol he lah cau sòtơm đah hwềng tus nàng sò dră di bol he (Jang 10:10, I Pier 5:8). Kơp gơn bol he dòp git lah Yàng Tòm Trồ gơs dô tơnggu niam rlau jơh rai kis he in, rlau mơ duh tòm kai gơrmới cà ràc dê.
Bol he geh pà ai bơta nđàc nàng sên gó ală bơta gơnap gơnoar Yàng Tòm Trồ dê mơ dòp git tơnggu tơm tòm rai kis he dê. Tòm bơta kỡn gơboh Kơnrẵn dê, bol he geh Yàng pà ai nùs duh rngòt Yàng nàng sàng sơrbì bơta iơh bơsac, lơh bơta niam mơ pha rlau mơ kai gơrmới cà ràc dê. Bơta duh rngòt do dong he kis dô rai kis pơnđàng sol bơta màng ryú mơ bơta kỡn gơboh Kơnrẵn dê, kung sên gar he klàs bơh ală bơta ơniai mơ bơta tơnroh.
Lòi té bơta nđàc Yàng Tòm Trồ dê tòm gơl bol he gơlik gơs ală cau kis mơ gơnoar sôr màng ryú, sùm ntào kớ tòm bơta àng Kơnrẵn dê mơ rang tơlik rùp gơkló Kơnrẵn dê tòm ală broă lơh he dê.
Dan jà bol he dô nùs bal tòm bơta hòi dan:
Khoai Bèp Đăng Trồ, kon kơp kỡn dòp geh bơta màng ryú, bơta duh rngòt Kơnrẵn dê. Dan Yàng ai kon in dô nơm nùs ji gloh tơhir dòp git Kơnrẵn, mơ ò dơh joi jat gung dà song ring Kơnrẵn dê. Dan Yàng ngui kon tus mơ ală cau ò hềt git Yàng, nàng oă cau dòp git gơnap gơnoar Kơnrẵn dê. Dan Yàng yò tơngguh rai kis kon, nàng kon bêng tơl bơta kis tòm bơta gơs mat goh Kơnrẵn dê kòp ngai. Kon jơh nùs hòi dan tòm sơnđan Yàng Jesus Krist, Amen.
Ơ ală ồng mò oh mi kỡn gơboh, tú ồng mò oh mi ntào di đap ală bơta Yàng crơnggơs, hớ la dô jơnau tơngkah bơh bơta gơs mat Yàng Tòm Trồ dê tòm rai kis ồng mò oh mi dê. Lòi ală bơta nrât nrơl mơ dòn duh wil tơl hớ dong ồng mò oh mi git loh lang bơh sơnđan gơkló Kơnrẵn dê. Tú he sên gó bơta hang mơné tòm dunnia do, dan he geh tơngkah bơh Bơtau Crơnggơs – Ming dô Bơtau hớ geh jong rơ mơ duh rngòt lơm. Nàng bơh hớ, bol he geh ngui jơh rai kis he dê nàng jong rơ sơnđan Kơnrẵn.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply