Băl mờ rài kís oă gê ga do, geh tŭ dơ̆ bol he neh lời rùs bơta niam hàng gut dăr bol he. bol he lơi rùs broă ờs mờng bè sền ală phăn neh geh crơng gớs. bol he lòt găn ală bơta dồ bă mhăr ngăn bơh broă gê ga hala oă bơta nhơl chơh dê đap măt. lời té dồ êt gơ lòt găn lơ yà mờ kơlôi sơ nơng ngai do gen rơp chèng bềng lìu chờ hờp tòm hwềng nùs bol he.
Ngai do, ngai 20/9/2024, Bơta Hòi Dan Kòp Ngai dan jà ồng mò oh mi bơtê bal Jơnau Yàng dê kơnòm dê bơta dong kòl Kill Dube bơh tơnggume HƠ NGĂN LÀ KƠNRÀÑ SƠL Ơ YÀNG?
“Ală tap trồ yal tơlik bơta gơklŏ Yàng Tom Trồ dê, Bơta dờng ơnàng pah gòi dê ràng tơlik broă tê Kơnràñ lơh.” (Đơs Crih 19:1)
“…gen tàng bol khai ò rgơi tò să he.” (Rô-ma 1:20)
Gơn dô êt! nđăn chi hơ̆? ò chài rgơi tò ís să dồ êt lơi ơ? ò chài sơl? ai ala cau ò hêt kơ no bơh Kơnràñ gen bè lơi, ơ Yàng? Añ ò git bè lơi añ kơlôi lah añ git “ jơh tơl nă cau ò hêt kơno bơh Yàng, mơta tŭ sơn rờp dòn Yàng, añ sơ êt sơ ề mờ neh dăm lah mờ Kơnràñ. Añ gớs bơta kơlôi ís bơh broă Yàng Tòm Trồ niam lơhơn mờ koñ gơboh là păl gơ wèt mơ he bè lơi mờ sèng Sră Goh hơ đang ngăn là krañ ci mờ song tơ pa. Ò jŏ tai tơ nơ̆, añ neh đăl git bơta git wă añ dê, añ neh yoam dê Yàng ò ai“ jơh ala cau hơ̆” dồ tŭ, mờ ngăn lah, añ là cau ò ai Yàng dồ tŭ lơi.
“Bơh ală bơta cau rgơi git bơh Yàng Tom Trồ gen neh loh làng bol khai in, tài bơh Yàng Tom Trồ neh yal tơlik bơta hơ̆ bol khai in rau.” (Rôma 1:19”
Bơta do là đwơn soh. “Ală bơta bơh Yàng Tom Trồ mơ mat òs ò rgơi gŏ, …..bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.” (Rôma 1:20). tŭ añ lời hwềng nùs añ đăl git mờ git wă Yàng bơh trồ tiah neh geh crơng gớs gut dăr, gen dê tŭ hơ̆ añ neh tìp Kơnràñ. ò di bơh tồr iat hala măt sền, mờ ya là bơh añ geh ta nhơm.Wow, nhơm tă! añ kah tùs tŭ Ê-li tìp Yàng. Kơnràñ ò tơ lik măt “ò ơm tòm càl” hala tòm “bơta gơlơnggơr ù” kung ờ “ tòm lơmpiat ồs” mờ ya ơm tòm “ jơnau ngan la lơbơn niam”. ( I Ala Cau bơtau 19:11-12). tòm bơta bơ srăm đăl git jòng 15 giây bơh nhơm tă, an git “ bơta ò gŏ rùp” Yàng dê sùm gŏ măt…bè Bơtau pơnjat bơta kís. ò gớs nhơm tă, ò gớs bơta kís. ò gớs Yàng Tòm Trồ, ò gớs nhơm tă.
Tŭ añ kơlôi sơnơng bơta do, añ gớs bơta hưh hơ. Bơta crơng gớs lăm añ tús mơ Yàng mờ tŭ do añ neh sền gŏ. Bồ tơngngoh añ sơn tờm bơtơl ala jơnau cơng tàng bơh Kơnràñ añ in. Dà lơyang, phăn crơng gớs dờng ryŭ. mhwăl àng drim, niam dồ bă krơi ís. kơn du dồ nă oh ngah tòm tê: pơn dơm, niam lơhơn. sềm ndrau, oh dêt nhơl ño. chò hòp ngăn. ala cau rgùm, bơyô, ryas chi, bơta kra kơl dăng mờ pràn kơl dăng. bơ ryang kang, nùs nđàc sơngit. Ồs, nùs duh hur. Bơta àng: sàng goh. Mat tơngai, àng kơnhai mờ ala sơmăñ: ryŭ ryơm. Cau cih sră Đớs Crih kung neh đơs: “Ală tap trồ yal tơlik bơta gơklŏ Yàng Tom Trồ dê, Bơta dờng ơnàng pah gòi dê ràng tơlik broă tê Kơnràñ lơh.” Đơs Crih 19:1. Ala bơta hơ̆ neh yăl bơta gơklŏ Yàng ngai mờ mang; ò gớs jơnau đớs hala bơta ntás lơi geh kơno. Mơya jơnau gơ dê gơ pong làm jơh ù tiah. añ neh gŏ să tòm neh lời hŭi Yàng bèlơi. gen ngăn là bè hơ̆.
Añ ò hềt geh bơta gơ tòm klac mờ Yàng bè añ kơp koñ. Añ git Yàng crơng gớs jơh ala bơta, mờ ya añ ò hềt git Yàng bơh bơta crơng gớs niam lơhơn Kơnràñ dê. añ neh kơp koñ añ git Yàng lài mờ tŭ hơ. Añ koñ Yàng ngăn. Dùl tòm ala tŭ añ moat jrùng jê sồt tòm rài kís hơ̆ là tŭ hìu nhă mờ ala bơyô dô pleh dê añ. bơta bơngơl kơla neh lơh cau in dồ ngai bơh añ. gen là bơngơl ngăn, añ neh lơh dồ bă ò sền dơng màng. Yàng git loh bơta añ lơh. Añ neh gơ dùh tòm dă, añ neh lơh ís dồ rài kís rngòt să tòm añ dê. añ sền gŏ añ bè dồ nă oh ùr dêt dồ nă mờ rngòt klăm jơngo. Mơya Yàng neh pơn đàng sòl rài kís añ! Kơnràñ ai gơnap gơnoăr nàng dong tă añ! Añ ò di păl nàng dòp geh bơta hơ̆, mờya tŭ sền wơl mơ bơta nđăl git do, añ rgơi sền gŏ bơta koñ gơboh mờ nùs nđàc sơngit Kơnràñ dê. Bè là nhơm tă, Kơnràñ ơm sùm băl mờ añ.
Yàng Tòm Trồ ngăn là niam lơhơn tŭ ràng tơlik lah boh he rgơi tús mờ Kơnràñ mờ sùm dòp rọ bol he. Bơh ală bơta Yàng crơng gớs, bol he ngăn rgơi git Yàng. Ò gớs bơta lơi nàng dăm lah tềng do. Bơta kơp koñ añ dê bulah bơta lơi găm gơlik gớs, bol he kư̆ tă nhơm tă jrô mờ kah lah: Bol hè ò ơm ís. Yàng Tòm Trồ-Phăn sa bơta kís-găm gŏ măt mờ bơta koñ gơboh Kơnràñ rơp yờh nđơ bol he pha jơh ala bơta.
Dan jà bol he dô nùs bal tòm bơta hòi dan: Ơ Bèp koñ gơboh, kòn ưnngài Yàng bơh Kơnràñ sùm koñ gơboh mờ ơm mờ kòn. Ơ Yàng, Kơnràñ là dờng ngăn mờ păl jòng rơ. Kòn ưnngaì Yàng bơh bơta crơng gớs niam hèr YÀng dê. Kòn ưnngài Yàng bơh bơta hơ̆, kòn đăl git Kơnràñ là Yàng Tòm Trồ kơñ gơboh, niam lơhơn, mờ sùm dong kòl, yờ nđơ, pơn dơm pơn iang. Ưnngaì Yàng bơh Kơnràñ là Bơtau Dong Klàs kòn dê. Dăn dong kòn rgơi tìp măt Kơnràñ tŭ kòn sền gŏ ală phăn Yàng neh crơng gớs. Dăn tề lăm kòn tòm ngai pa bơh nùs kơñ gơboh mờ đăl git Kơnràñ. Kòn hòi dăn tòm sơn đan Yàng Je-su Krist, Amen.
Ồng mọ, oh mi koñ goboh. kơp koñ bol he rơp lòi dồ êt tŭ ngai do nàng kơlôi sơnơng bơh Yàng mờ bơta koñ gơboh Kơnràñ bơh măt go phăn neh geh crơng gớs, hala bơh nhơm tă jrô mờ lơ ñyà dồ êt dơ̆. Bol he rơp đăl git tòm kòp nhơm tă kís hơ̆, Yàng ơm sùm mờ he. Hala lời dồ êt tŭ lòt jơng dê tiah neh geh tăm ală tờm chi hala suơn bơ gàr, tiah mờ he rgơi tìp mơ geh bơto sồr dờng màng bơh Bèp Đăng Trồ, pờ dờng ờ nàng hwềng nùs mờ bồ tơngngoh bol he nàng geh ràng tơlik bơta pa mờ Kơnràñ koñ tuh tòm hwềng nùs he tòm ngai do.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.
Leave a Reply